DZITHOMBA NYA LITO LA NUNGUNGULU | 1 VAKORINTO 1-3
U muthu nya liphuvbo mwendro nya nyama?
Moyo ni moyo wathu yede gu haguleya silo nya liphuvbo a bwe a dandra kha nga muthu nya liphuvbo. (Ef 4:23, 24) Gasi gu dandra khu liphuvboni u yede gu dzi hodzisa khu liphuvboni, u dzi vegeya misuwo nya liphuvbo, u bwe u haguleya mihandro nya liphuvbo.
Ina muhuno wa gu ema u dzi khedza, gomo guhambana nya edzi u nga ba uri idzo khu liphuvboni mwaga wu vbedego, likhumi myaga yi vbindridego, mwendro gu khugeya tepo u nga bhapatiswa khiyo?