Mithumo nya yadi yi si divadwigo

Sithumi satshavbo sa Jehovha si nga gira mithumo yi na dundrugwago gambe ni gambe. Gufana ni babe nya lihaladzo a si divaligo mithumo nya yadi yi giridwego khu sanana saye, Jehovha kha divaledwi khu mithumo yathu, ni lihaladzo hi li yeyedzago khu lina laye. (Mt 6:20; Heb 6:10) Vbavbandze nyo kanakane, hatshavbothu hi na ni makodzelo nyo hambane nigu siemo sathu kha si fani. Ambari ulolo, ha gu gira esi hi si kodzago thumoni gwa Jehovha, hi na nengeya. (Ga 6:4; Kol 3:23) Gu ngu vbindra myaga ni myaga mazanazana nya vandriyathu na va gu thumeya Bheteli. U nga si kodza guya phasedzeya mithumo ya Bheteli? Sa gu ba si si kodzegi, u nga kutsa ndriyathu nyo khaguri gu ya phasedzeya mithumo ya Bheteli mwendro gu ninga tshivba ndriyathu u mutigo a thumago Bheteli gasi a simama omu nya thumo wowu?

WONA VHIDHIYU YI GU KHIYO DZININGEDZEYE GU YA PHASEDZEYA MITHUMO YA BHETELI, KHU GU LANDREYA HLAMULA SIWUDZISO SESI:

• Ginani gi yedego gu gu kutsa gu thuma Bheteli?

• Ginani vambe va gi ganedego maningano ni makategwa nyo thume Bheteli?

• Ginani gi vbwetegago gasi gu muthu a ninganedwa khu gu thuma Bheteli?

• U nga lomba kharini gu ya thuma Bheteli?