“Thelani kota khu esi nya lisine”

Silo muni? Vafilipi 4:8 wari khuye hi yede gu theya kota khu silo nya lisine, nya gululame, nya guyele, nya guagiswe, nya gugolege, esi nya wuzundzu, nya ndruda, si yelago gu dhumiswa. Ganiolu, isoso kha si thuli gu khiso tepo yatshavbo maKristo gu vbwetega ma khaleya gu dundrugeya khu silo nya liphuvbo. Ambari ulolo, esi hi si hathago gu vega mapimoni gwathu si yede gu tsakisa Jehovha. Kha hi yeli gu khala khu gu dundrugeya silo si na ghohago gudziemiseya gwathu nyo tumbege ga Jehovha. — Ndz 19:14.

Si nga tshuka si hi garadzeya gu potsa mapimo nya mba yadi. Kha hi vhikisani basi ni gu mba vbeleya gwathu, ganiolu ha gu vhikisana gambe ni Sathane, ‘nungungulu nya mafu yaya.’ (2Ko 4:4) Nya singi si yeyedzwago omu nya televhizawu, omu nya radhiyu, dzijorinali, mabhuku, silo nyo nyenyeze kholu so woneledwa khu Sathane. Ha gu mba si gengeleya, esi hi hathago gu si vega omu nya mapimo yathu, si nga ghoha mavbanyelo yathu. — Jak 1:14, 15.

WONA VHIDHIYU YI GU KHIYO POTSA SILO SI GHOHAGO GUTUMBEGA — SIVBUNGADZO NYO VIVBE, KHU GU LANDREYA U HLAMULA SIWUDZISO SESI:

• 

  Ndriyathu a di gu wona ginani omu nya tefefoni yaye, nigu isoso si mu khuhide kharini?

• 

  Ndriyathu phasidwe kharini khu Vagalatiya 6:7, 8 ni Ndzimo 119:37?