MAVBANYELO NYA WUKRISTO

Jehovha a gu haladza vathu va gu ni mavbanyelo nyo age

“Hamba khovbe. Guha magwaha. Handzeya sombo. Vbiyela nyumbani.” Vavelegi nya vangi va ngu hevbudza sanana sawe edzi si yedego gu khala khidzo na si agide. Ganiolu, wusingalagadzi nya maagiselelo mo tumbunugeya ga Nungungulu wathu nyo age. (Eks 30:18-20; Dhet 23:14; 2Ko 7:1) Ha gu sayisa mili wathu, ha gu rungudza Jehovha. (1Pe 1:14-16) Ahati dzindrangani gwathu ni gipandreni gwathu? Vathu nya vangi va gu dzudzugeya ndzilo rumwani, ganiolu maKristo ma gu dzi garadzeya gu agisa magaya gwawe. (Ndz 115:16; Gut 11:18) Ambari kamo silo nya sidugwana nya nga edzi hi sayisago khidzo dzitshagani, wuvbwani, sikoteya nya ndzilo ni simbe, si nga yeyedza gu khiso hi vathu nya wufendre mwendo ne. Omu nya siemo satshavbo nya guvbanye, ha gu vbweta gu “dzi wonegisa gukhethu hi sithumi sa Nungungulu.” — 2Ko 6:3, 4.

WONA VHIDHIYU YI GU KHIYO: NUNGUNGULU A GU HALADZA VATHU NYO AGE, KHU GU LANDREYA HLAMULA SIWUDZISO SESI:

Vambe vathu va digago silo sawe ni ndzilo, va gu dzi emeleya kharini?
Nayo wa Mosi wu yeyedzide kharini edzi Jehovha a gu wonago khidzo guaga?
Hi nga rungudzisa kharini Jehovha ambari na hi segide magana?

Papayi a bheyago movhani nya nddzilo ya gyanana gyaye; papayi ni gyanana va bhulago khedzi Jehovha a gu wonago khidzo guaga; vaphasi vavili nya mhamba va Israyeli wa gale va gu romo bhambe nya bhacia nyo hambele; tshawa nyo khaguri wu dugago thumoni nyo tshumayele khu movha ya lidzaha dza na yi agide — Womini gwangu nyi nga yeyedza kharini mawonelo ya Jehovha maningano ni guaga?