MAVBANYELO NYA WUKRISTO

Ndziya Nya Gu Dugeleye Kha Nga Mutshumayeli — Tshumayela sikhumu

KHU GINANI SI GU NI LISIMA: Sikhumu kha si dzipwi na si tshulegide gu bhula ni muthu si si mutigo. Khu kharato, so lomba gu hi manega gi wugengeyi gasi gu vbweta vathu vovo hi va tshumayela. Jehovha a ngu yeyedza lihaladzo ni gu khatala khu sikhumu. (Le 19:14) Hi nga mu pimedzeya khu gu hi dzi garadzeya gu phasa sikhumu gu khala dzipari dza Jehovha.

HI NGA SI GIRA KHARINI:

“Vbwetedzeya” sikhumu. (Mt 10:11) Ina u nguti muthu nyo khaguri a gu ni gikhumu ndrangani gwaye? Ina gipandreni gwago gu ni xikola mwendro yimbe ndranga si sayiswago sikhumu gu vbwetegago vahuweleyi gasi va ya tshumayela?
Yeyedza gu khatala khiso. Wa gu yeyedza wupari ni gu bwe u yeyedza gu khatala, isoso si na phasa sikhumu gu dzipwa na si tshulegide gu bhula nago. Zama gu pheya mabhulo khu silo si olovelegago gipandreni
Phasa sikhumu gu mana mabhuku ma na si phasago gu muti gwadi Jehovha. Gasi gu phasa oyu a gu gikhumu mwendro a si wonigo gwadi, hegeledzano yi ngu dusa mabhuku nya makhalelo nyo hambanehambane. Wudzisa muthu egi gi gu tshukwana gwaye gasi gu hevbula. Muwoneleyi nya thumo libandlani yede gu tiyisega gu khuye oyu a khathaleyago mabhuku lombide mabhuku ma thumiswago khu sikhumu gani.