Edzi u nga thumisago khidzo mabhulo nya Bhibhiliya

Gu khugeya Janeiro nya 2018, mabhulo nya Bhibhiliya ma gu manega avba nya kapa nya Thumo ni mavbanyelo yathu nya wuKristo — Gibhukwana nya mitshangano. Hi nga ma thumisa kharini?

Wa gu ningwa gipandre nyo gimbidzise gihevbulo nya Bhibhiliya: U yede gu thumisa giwudziso, lowo ni giwudziso u na ta simamago khigyo mabhulo gi gomogo avba nya mabhulo nya Bhibhiliya. Ambari ulolo, isoso kha si thuli khiso u yede gu thumisa malito ya mamowo ya avba nya vhidhiyu nya mabhulo nya Bhibhiliya. U nga thumisa wulanga nyo hambane, mabelelo, silo si ndrindrago gupima ni simbe. U nga ningeya libhuku li gomogo omu nya Dziferameta hi hevbudzago khidzo, ambari lo ba la sa khumbugwa avba nya gipandre.

Thumoni nyo tshumayele: Mabhulo nya Bhibhiliya ma giredwe gasi gu hi ninga mawonelo ma phasago. Muthu a gu yeyedza gu tsakeya a bwe a vbweta guti nya singi, u nga simama ni mabhulo khu gu thumisa mahungu ma gomogo avba nya liendro nyo bweleleye. U nga vbindrugedza mabhulo nya Bhibhiliya mwendro gu thumisa gilo nyo hambane. Mahungu ma duswago gupheyani nya ngima ni ngima mwendro lowo nyo hambane, ina ma ngu ndrindra gupima ga vathu va gipandreni gwago? Vathu va omu u vbanyago umo ina va ngu tsakiswa khu gilo nyo khaguri gi nga rigo gu dugeleya gipandreni? U nga thumisa mabhulo nya Bhibhiliya khu dzindziya nyo hambane. Ganiolu u yede gu manega ni makungo “Nya gu gir[e] satshavbo sesi khu kotani nya Ivhangeli khu gu dwanela gu hakha makategwa nya Ivhangeli.” — 1Ko 9:22, 23.