Tshamuselo nya Phasika ga maKristo

12:5-7, 12, 13, 24-27

Gasi gu vaIsrayeli va potsa gu thegedwa khu tungu nya wu 10, va di yede gu engisa sileletelo sa Jehovha. (Eks 12:28) Ga wutshigu wa 14 nya nisani, dzindranga dzi di embedwa gasi gu dzi manega dzindrangani gwadzo. Avo va di yede gu songa giphongwana nya ngadzi mwendro matune na giri ni mwaga moyo. Va di yede gu todzeya novba wagyo avba nya mihasimo ni vbatshani nya mwanya nya dzinyumba. Khavbovbo va phula girengo gyatshavbo va bwe va gi hodza khu givbiredza. Mwalo a nga ba a yede gu duga khu nyumbani kala gugya. — Ex 12:9-11, 22.

Khu dzevbini dzindziya nyo khaguri edzi guengisa gu hi vhikeyago khidzo muhuno?