Dzi woneye ni malipha

Muhuno, mahungu nya mangi ma ngu vboha ga dzimiliyoni nya vathu khu gu thumisa dzijornali, radhiyu, televhizawu ni interneti. Avo va khozeyago “Nungungulu nya lisine” kha va tshuki va phalalegiseya malipha, ne vbadugwana. (Ndz 31:5; Eks 23:1) Gu embeya malipha vambe si nga vanga sigaradzo. Tepo u zamago guti gu silo sesi lisine gani, dzi wudzise khuwe:

• ‘Ina mahungu yaya ma guta khu ga muthu nyi mu tumbago?’ Adzina oyu a hi embeyago mahungu kha siti satshavbo si pategago. Tepo mumbe a embeyago mahungu mumbe muthu khu lisine gyomo gi na vbindrugedzago avba nya mahungu yoyo, khu kharato dzi woneye wa gu ba u si guti umo ma khugeyago umo. Kholu ava va gu ni malungelo libandlani va gu wonwa kha nga sifefe nya mahungu nyo tumbege, khu kharato avo va yede gu dzi woneya avba nya gu ganeye mahungu ma gu mwalo gisekelo

• ‘Ina mahungu yaya mo ganeya guvivba khu muthu nyo khaguri?’ Abari gu mahungu yoyo mo ganeya guvivba khu muthu nyo khaguri mwendro tsawa kha hi yeli gu ma vbindrisa. — Mav 18:8; Flp 4:8

• ‘Ina mahungu yaya hi nga ma khodwa?’ Dzi woneye wa gupwa mahungu ni matimu nyo tsakise

WONA VHIDHIYU YI GU KHIYO NYI NGA POTSA KHARINI MILEMBO? KHU HWANE U HLAMULA SIWUDZISO SESI:

• 

  Guya khu Mavingu 12:18, malito ma nga vanga gigaradzo muni?

• 

  Vafilipi 2:4, a nga hi phasa kharini gu manega ni gu dinganiseya ha gu ba hi ganeya khu vathu nyo khaguri?

• 

  Ginani hi yedego gu gira tepo vathu va ganeyago guvivba khu vambe?

• 

  Na hi nga si pheyi gu ganeya khu vambe, siwudziso muni hi yedego gu dzi gira?