MAVBANYELO NYA WUKRISTO
Kongresu—Hi na ni lithomo nya gu yeyedze lihaladzo
Khu ginani hi tsakeyago ngudzu kongresu yathu? Kha nga Israyeli wa gale, dzitepo nya dzingi matshigoni yathu kongresu yi ngu hi ninga lithomo nyo khozeye Jehovha ni mazana ambari likhumi mazana nya vandriyathu. Hi ngu tsaka khu guhodza ga liphuvboni. Nigu hi ngu tsakiswa gambe khu tepo hi vbedzago na hi ri ni dzipari ni valongo. Khu kharato, hi yede gu manega ga matshigu ya mararu nya kongresu.
Tepo hi manago lithomo nyo tshangane, kha hi yeli gu dundrugeya khesi si nga phasago ethu basi ganiolu khedzi hi nga yeyedzago khidzo lihaladzo khu vambe. (Ga 6:10; Heb 10:24, 25) Tepo hi tulago lidimba gasi ndriyathu a beya mwendro hi mu vegeyago wulanga nyo khale, ha gu yeyedza gu khethu hi ngu dzi garadza khu sile si gu sa vangana. (Flp 2:3, 4) Kongresu yi ngu hi ninga lithomo nyo gire dzipari nya dziphya. Na wu nga si pheyi longoloko mwendro na wu vbede ni tepo hi hodzago dzimbuva, hi nga ganeya ni wevbini hi gu mba muti. (2Ko 6:13) Dzipari hi girago omu nya dzikongresu dzi nga simama kala gupindruga! Ga satshavbo, tepo va hi wonago na hi gu yeyedza lihaladzo nya lisine, va na hunga gu patana ni ethu hi khozeya gumogo Jehovha. — Joh 13:35.
WONA VHIDHIYU YI GU KHIYO “LIHALADZO GIMA KHA LI VBEYI” KONGRESU INTERNACIONAL, KHU HWANE U HLAMULA SIWUDZISO SI LANDREYAGO:
Lihaladzo muni li yeyedzidwego ga vadheleghadhu va nga ba va romo avba nya kongresu internacional nya 2019?
Khu ginani gupwanana ni lihaladzo vbakari nya vathu va Jehovha si wonegago?
Makhalelo muni nya lihaladzo nya wuKristo ma nga tshingiswa khu sivbango nya Huwo nya Guthangeye?
U nga seketeya kharini gasi gu yeyedza lihaladzo omu nya dzikongresu dzathu?
Li wonegide kharini lihaladzo nya wuKristu tigoni ga Alemanha ni Coreia do Sul?
Hi yede gu dzi emiseya gu gira ginani?