DZITHOMBA NYA LITO LA NUNGUNGULU

Jehovha a ngu sasamedza vathu vaye

[Yeyedza vhidhiyu nya mabelelo nya libhuku la Mitengo.]

VaIsrayeli va di zumba khu mitsawa miraru nya mahundzo nyo hambane (Mit 1:52, 53; w94 1/12 paj. 9, ndri. 4)

Sayo nya vaIsrayeli va nga ba va romo lizumbutunu gu diri 3,000,000 mwendro ni guvbindra (Mit 2:32, 33; it-1 paj. 38, ndri. 4)

Jehovha a gu vbweta gu khuye vathu vaye va mu khozeya khu ndziya nya yadi. Isoso khiso Jehovha a nga ba a si vbweta ga vaIsrayeli nigu khiso gambe a si vbwetago gwathu muhuno. — 1 Kor. 14:33, 40.

Giyeyedzo nya idzo li nga ba li khade khidzo lizumbo la na Israyeli. Tabernakeli yomo vbakari. Dzindranga dzi nga ba dzi vbanya vbafuvbi ni Tabernakeli ndranga ya Levhi: Aroni a di romo khuga dambo, va Khowati va diri marandzi, Gerisoni a di romo pfhola dambo. 12 Mahundzu ya Israyeli ma nga ba ma vbanya hwindzo. Khu khuga dambo ha gu mana Isakari ni Judha ni Zebhuloni. Khu marandzi ha gu mana Gadhi ni Rubheni ni Simiyoni. Khu pfhola dambo ha gu mana Bhejami, Efrayimi, ni Manasi. Khu wuronga ha gu mana Nafitali, Dhani, ni Aseri.

DZI WUDZISE ESI, ‘Nyi nga yeyedza kharini gu kheni nyi ngu seketeya hengeledzano ya Jehovha?’