Yeyedza lihaladzo khu ndranga yago

Lihaladzo i kola li nga tshanganisa ndranga. Nya mba lihaladzo si nga garadza gu ndranga yi simama ni lihaladzo ni wu hengeli. Vama, vagadzi, vavelegi va nga yeyedza kharini lihaladzo khu dzi ndranga dzawe?

Mwama a haladzago mwangadzi waye a na khataleya esi a si vbwetago, mawonelo yaye ni edzi a dzipwago khidzo. (Ef 5:28, 29) A na va khathaleya khu nyamatunu ni gu va phasa gu hidzimeya ga Jehovha. (1Tm 5:8) Mwangadzi a haladzago mwama waye a na mu engisa ni gu mu yeyedza githawo. (Ef 5:22, 33; 1Pe 3:1-6) Vavavili va yede gu haladzana gasi va kodza gu divaleyana khu gu vbeleya. (Ef 4:32) Vavelegi va gu ni lihaladzo vangu khatala khu sanana sawe ni gu si hevbudza gu haladza Jehovha. (Dhet 6:6, 7; Ef 6:4) Sigaradzo muni esi sanana si tshanganago naso xikwatunu? Iso sa gu emisana kharini ni mikutsedzelo nya dzipari? La gu manega lihaladzo vbakari nya ndranga vatsavbo va na dzipwa na va khadzisegide ni gu vhikelega.

WONA VHIDHIYU YEYEDZA LIHALADZO NYA MBA VBEYA KHU NDRANGA YAGO, KHU GU LANDREYA GIRA SIWUDZISO SESI:

• 

  Mwama a haladzago mwangadzi waye a gu mu khathaleya khu ndziya muni?

• 

  Mwangadzi a gu ni lihaladzo a nga yeyedza kharini githawo khu mwama waye?

• 

  Vavelegi va gu ni lihaladzo va nga hevbudza kharini lito la Nungungulu sanana sawe?