Thumisa broxura Vbanya kala gupindruga! thumoni nyo tshumayele

Hi tsakide khu gu mana broxura ni libhuku nya liphya li na hi phasago gu gimbidzisa sihevbulo nya Bhibhiliya! Hi yede gu gombeya ga Jehovha gasi a kategisa mizamo yathu nyo gire vapizane nya vangi. (Mat. 28:18-20; 1 Kor. 3:6-9) Hi nga dzi thumisa kharini dzifarameta dzedzi nya dziphya?

Kha nga olu libhuku Vbanya kala gupindruga!, yi gu kursu nya Bhibhiliya yi gu na ni dzindziya nya dziphya nyo hevbudze khidzo, landrisa dzindziya dzodzo tepo u dzi dongiseyago ni tepo u gimbidzisago sihevbulo nya Bhibhiliya.a

• Lerini dzindrimana mu bwe mu bhula khu siwudziso sakona

• Leri milowo va nga pwani “leri” u phasa gihevbuli gu pwisisa edzi gi nga yi thumisago khidzo

• Yeyedza dzivhidhiyu mu bwe mu bhudzisana khidzo na mu thumisa ni sevbini siwudziso mu nga ningwago

• Ga gipandre ni gipandre, zama gu hevbula satshavbo sihevbulo

Wo ba uri thumoni nyo tshumayele ningeya broxura gupheya gasi gu wusa gu tsakeya ga muthu (Wona kwadru “Edzi hi nga ningeyago khidzo broxura Vbanya kala gupindruga! avba nya liendro nyo pheye.”) Wa gu ba u vbedzide gu hevbula broxura ni gu gihevbuli gyago na gi ngu vbweta gu simama gu hevbula, u nga gi ninga libhuku mu bwe mu pheya gihevbulo 4. Wa gu ba u thumisa libhuku Ginani hi hevbudzwago khu Bhibhiliya? mwendro Continue a Amar a Deus gasi gu hevbula ni muthu, vbindrugedza u thumisa libhuku Vbanya kala gupindruga! mu bwe mu hunga avba mu na pheyago khavbo.

YEYEDZA VHIDHIYU HI NGU GU HOYOZEYA AVBA NYA GIHEVBULO NYA BHIBHILIYA, KHU GU LANDREYA U GIRA SIWUDZISO SESI:

• Ginani esi sihevbuli nya Bhibhiliya si na hevbulago avba nya gihevbulo nya Bhibhiliya?

• Khu ginani u yedego gu yeyedza vhidhiyu yeyi ga sihevbuli nya siphya?

• Khu yevbini misuwo u yedego gu kutsa gihevbuli gyago gu yi vboheya? — Wona kwadru yi gu khiyo “Ga gipandre ni gipandre gu nani makungu ni esi gihevbuli gi nga girago”