Gimbiya omu gu nga vbwetago ngudzu gutshumayedwa

Gukhodwa gu nga gu gira u rura khomu u khalago u hongola uya khala wumbe wulanga gasi gu gira nya singi thumoni nyo tshumayele. (Heb 11:8-10) Abari gu wa gu vbweta gu rura uya khala omu gu vbwetegago ngudzu vatshumayeli, u nga bhula ni madhota. Khu dzevbini dzindziya dzi nga gu phasago gasi gu tugula dzitsapawu u nga dzi thumisago mwendro gu hatha wulanga u na khalago? Wona esi mabhuku yathu ma ganeyago khu gu thuma omu gu vbwetago giphaso. Ganeya ni avo va nga rura khomu va nga ba va khala gasi gu hongola vaya phasedzeya limbe libandla. (Mav 15:22) Lomba gileletelo ga Jehovha khu nombelo. (Jak 1:5) Zama guti nya singi khu wulanga u dundrugeyago gu hongola, nigu sa gu khodzega u nga hongola uya vhizitari nu si hungi guya khala.

YEYEDZA VHIDHYU BEYA KHU GUKHODWA AVBA NYA MWANYA NYA THUMO — GIMBIYA OMU GU NGA VBWETAGO NGUDZU GU TSHUMAYEDWA KHU GU LANDREYAGIRA GIWUDZISO GEGI:

• Khu gwevbini gu vbindrugedza ogu Gabriel a nga ba a yede gugu gira, nigu ginani gi nga mu phasa?