MAVBANYELO NYA WUKRISTO

Mana guti omu nya JW.ORG, u na gu thumisago tshigu ni tshigu

Lito la Nungungulu, li na hi phasa gu emisana ni sigaradzo sa matshigu yaya nyo hegise. (2Tm 3:1, 16, 17) Khu kharato, olu kamu hi yede gu vbwetedzeya matshina nya milayo nya Bhibhiliya, ma na hi phasago ga siemo nyo khaguri nyo kongome. Khu giyeyedzo, ina u mu velegi u vbwetago wusingaladzi gasi gu dandrisa sanana? Ina u muphya u emisanago ni silingo nya gukhodwe gwago? U fedwe khu mwama mwendro mwangadzi? Omu nya jw.org, u na mana dzindrima dzi na gu phasago gu mana matshina nya milayo nya Bhibhiliya, ma na gu phasago gu emisana ni gigaradzo gyago ni simbe. — Mav 2:3-6.

Sayiti nya jw.org yi yeyedwago omu nya tablet. Ndziya nyo mane SIHEVBUDZO NYA BHIBHILIYA.

Umo nya jw.org avbo nya Pajina nya gu pheye beya omu nya SIHEVBUDZO NYA BHIBHILIYA. (Wona fotu 1.) U hatha mahungo u ma vbwetago. Beya omu nya BHIBLIOTEKA > SÉRIES DE ARTIGOS u hatha mahungu u ma vbwetago. (Wona fotu 2.) U nga mana dzimbe dzindrima dzi ganeyago khu simbe omu nya JW Library^®.a Adzina si nga gu tsakisa gu gira wugevisisi. Yimbe ndziya nyo mane mahungu nyo kongome omu nya jw.org, beya avba va nga pwani vbweta.

Sayiti nya jw.org yi yeyedwago omu nya tablet. Ndziya nyo mane BHIBHLIOTEKA ni SÉRIES DE ARTIGOS.

Lova mahungu u ma vbwetago avba nya gipandre a nga pwani vbweta, u hatha dzindrima u vbwetago gu leri, u lova khu wulanga.

Gu dandrisa sanana
Vaphya va gu ba va emisana ni dhepresawu
Wa gu ba u fedwe khu mwama mwendro mwangadzi

a Sipandre nyo khaguri si gu ni dzindrima nyo eneye, so manega omu nya jw.org basi.