Thumisa pajina nyo pheye yi gomogo umo nya JW.ORG thumoni gwago nyo tshumayele

Pajina nya gu pheye nya sayiti yathu gu ngu wonega dzindrima ni dzivhidhyu gasi gu kuha myonyo nya vathu vatshavbo gupata ni ava va gu siri Dzifakazi dza Jehovha. (Mth 13:48) Avba nya pajina yeyi, dzitepo nya dzingi gu na ni mahungu nya mangi nya maphya aya vathu nya vangi va pimisago ni gu bhula khayo.

U nga yi thumisa kharini pajina yeyi nya jw.org thumoni gwago nyo tshumayele?

• Beya umo nya sayiti yathu tepo yatshavbo. Vbwetedzeya mahungu nya maphya u bwe u wona edzi u nga ma thumisago khidzo gasi gu phasa vathu va yeyedzago gu tsakeya. (Gasi gu mana mahungu nya maphya umo nya sayiti yathu phwinya avbo va nga pwani “Hevbula simbe.”) Wa gu vbwetedzeya mahungu nya maphya umo nya sayiti yathu u na si kodza gu mana mahungu u nga ma thumisago thumoni gwago nya gu tshumayele.

• Thumisa dzindrima ni dzivhidhyu dzi wonegago avbo nya pajina yeyi gasi gu pheya mabhulo. Silo sesi si na hi ninga mawonelo nya esi vathu va si pimisago khu mahungu nyo khaguri.

• Yeyedza vathu pajina yeyi. Tshingisa dzipontu nya lisima u bwe u va yeyedza edzi va nga thumisago khidzo sayiti yathu.

• Rumeya link. Vathu nya vangi kha va dzini gu bhula ni ethu, ganiolu avo va dzi emisede gu beya umo nya sayiti yathu. U nga kanakani gu rumeya link, vhidhyu mwendro ndrima nyo khaguri.