Mawonelo Nya Gihevbulo

Vbwetedzeya dzithomba nya liphuvbo maningano khu Jehovha

Tepo hi lerigo Bhibhiliya, hi nga thumisa dziferameta nya dzingi gasi gu pwisisa esi hi lerigo. Ganiolu, kha hi vbweti gu hevbula basi gasi gu engedzeya guti. Ha gu vbweta gu mana dzithomba nya liphuvbo dzi ganeyago khu makhalelo ya Jehovha ma na engedzeyago lihaladzo lathu khuye. Gasi gu gira isoso, hi nga dzi wudzisa gu khethu: ‘Matimo yaya nya Bhibhiliya ma gu nyi hevbudza ginani khu Jehovha?’

Khu giyeyedzo, u nga zama gu tugula nya singi maningano khedzi Jehovha a yeyedzidego khidzo lihaladzo, guti, gululama ni tshivba. Ganiolu, khandri makhalelo yaya basi, u nga hevbula khu mambe makhalelo nyo mbure ya Jehovha. U nga ma mana hayi mahungu ma ganeyago khu makhalelo ya Jehovha?

Wona sasamedzo nya 50 makhalelo ma gomogo umo nya Índice das Publicações da Torre de Vigia, avba nya hungo nya mahungu wu gu khuwo “Jeová” ni gihungwana nya mahungu gi gu khigyo “Qualidades.” Gevisisa makhalelo ma gimbeleyanago ni matimo u lerigo. (Wa gu ba uri basi ni Guia de Pesquisa para Testemunhas de Jeová, vbwetedzeya hungo nya mahungu wu gu khuwo “Jeová Deus” khu gu landreya vbwetedzeya gihungwana nya mahungu gi gu khigyo “Qualidades de Jeová.”)