U nga timiseya kharini gu mba lulama?

Leri Genesi 37:23-28; 39:17-23 gasi gu hevbula khu matimo ya Josefa maningano khu gu timiseya gu pharwa khu ndziya nya mba yadi.

Dundrugeya khu satshavbo si pategago. Khu ginani vambe va nga phara Josefa khu ndziya nya mba yadi? (Gen. 37:3-11; 39:1, 6-10) Tepo muni Josefa a yi vbedzidego na gu timiseya? (Gen. 37:2; 41:46) Ndrani nya tepo yoyo, ginani egi Jehovha a nga gireya Josefa ni egi a nga mba mu gireya? — Gen. 39:2, 21; Mukhedziseyi 01.23 paj. 17, par. 13.

Gira wugevisisi nya guete. Ambari olu esi ngadza Potifari a ganedego maningano khu Josefa si nga ba siri malipha, Bhibhiliya kha yi ganeyi gu khiyo a dzi emelede. Milowo yi landreyago, ya gu hi phasa kharini gu dundrugeya khu gighelo gi nga gira Josefa a hatha gu mba ganeya gilo mwendro khu ginani hi gu mba yela gu vireya gu khethu satshavbo si tshamusedwa khu gu kongoma? (Mav. 20:2; Joh. 21:25; Mith. 21:37) Makhalelo muni ma phasidego Josefa gu timiseya? — Mik. 7:7; Luka 14:11; Jak. 1:2, 3.

Ginani hi gi hevbulago? Dzi wudzise gu khuwe:

• ‘Kha nga mupizane wa Jesu, nyi yede gu vireya gu pharwa khu ndziya muni?’ (Luka 21:12, 16, 17; Hebh. 10:33, 34)

• ‘Ginani nyi yedego gu gira olu gasi nyi si kodza gu timiseya gu mba lulama?’ (Ndzi. 62:7, 8; 105:17-19; Mukhedziseyi 07.19. dzipaj. 2-7)