Ina Dzifakazi dza Jehovha dza gu khodwa gu khidzo wukhongeyi wadzo khuwo basi nya lisine?
Vale va ningago lisima wukhongeyi, va nga pimisa gu khavo tshetshe va yi hathidego khiyo yi tsakedwago khu Nungungulu ni Jesu. Abari gu ahihi, khu ginani va nga hatha tshetshe yoyo?
Jesu Kristo kha nga ba a khodwa mawonelo ma gu khayo dzomo dzitshetshe nya dzingi mwendro dzindziya nya dzingi dzi yisago guvbanyiswatuno. Khu lisine, Jesu a di khuye: “Mwanya wu yisago guvbanyani wudugwana, nigu ndziya yakona niyo yi hongide, vadugwana va yi manago.” (Matewu 7:14) Dzifakazi dza Jehovha dzi ngu khodwa gu khidzo dzi manide ndziya yoyo. Ganiolu, nari khatshi kha va tiyisegi khu isoso na va vbwetedzede wumbe wukhongeyi.