Ina madhimoni momo kamo?

Hlamulo nya Bhibhiliya

Ina. Madhimoni “dzingilozi dzi nga ghohago,” sivangwa nya liphuvbo si nga diga gu engisa Nungungulu. (2 Pedro 2:4) Ngilozi nyo pheye gu khala lidhimoni khu Sathane Dhiyabhulosi, oyu Bhibhiliya yi mu ranago khiyo “pfhumu nya madhimoni.” — Matewu 12:24, 26.

Wuwugeyi wu manegidego matshiguni ya Nowa

Bhibhiliya yi ngu ganeya khu wuwugeyi wu giridwego khu dzingilozi nyo khaguri na yi si vbohi Ndrambi ya matshiguni ya Nowa: “Sivangwa sa ndzadzini si di wona gukhiso vanyamahegyane va mburide ngudzu. Gimwegyo ni gimwegyo gi di dzi hathela nyamahegyane gi nga mu gola gu khala mwangadzi waye.” (Genesi 6:2) Dzingilozi dzedzi nyo vivbe mwendro nyo paruge dzi di diga “gu sayisa wurendra wawe” ndzadzini dzi ambala sivili nya nyama gasi dzi kota gu ta hengeya malawu ni vanyamayi. — Judha 6.

Tepo yi nga vboha Ndrambi, dzingilozi dzile nya vawugeyi dzi diga sivili nya nyama dzi bweleya ndzadzini. Ganiolu Nungungulu a di dzi tutumisa ndrangani gwaye. Kha nga gipandre nya tsayiso wadzo, madhimoni ma mwalo ndziya nyo ambale gambe sivili nya nyama. — Vaefeso 6:11, 12.