Khu yavbini makungo nya womi?

Hlamulo nya Bhibhiliya

Vathu nya vangi va ngu garadzega gasi vati makungo nya womi, avo va ngu dzi wudzisa gu khavo: “khu ginani hi vbanyago?” mwendro “Ina womi wangu wu na ni makungo? Bhibhiliya ya gu yeyedza gu khiyo makungo nya womi wathu gu vbaha wupari nyo tiye ni Nungungulu. Wona mahungu nyo khaguri nya lisima nya lisine nya Bhibhiliya:

• Nungungulu khuye Muvangi wathu. Bhibhiliya ya gu ganeya gu khiyo: “Khuye a nga hi gira, ethu ha gu lumba uye.” — Ndzimo 100:3; Gutuledwa 4:11.

• Nungungulu a na ni makungo khu satshavbo esi a si vangidego, gupata ni vathu. — Isaya 45:18.

• Nungungulu a hi vangide na hiri ni gudogoreya nya gu “vbwete gu thangedwa khuye”, iso si patago gudogoreya nya gu vbwete guti makungo nya womi. (Matewu 5:3) Uye a gu vbweta gu khuye gudogoreya gogu gu tadzisega. — Ndzimo 145:16.

• Ethu ha gu tadzisa gudogoreya gwathu nya gu vbwete gu thangedwa khu Nungungulu khu gu haguleya wupari naye. Ambari olu vambe vathu va wonago gu khatsi kha si kodzegi gu gira wupari ni Nungungulu, Bhibhiliya yi ngu hi kutsa khiyo: “Hidzimeyani ga Nungungulu, uye a na hidzimeya gwanu.” — Jakobe 4:8; 2:23.

• Gasi hi khala dzipari dza Nungungulu, gu vbwetega hi vbanya guya khu makungo Nungungulu a gu nawo khu vathu. Bhibhiliya yi ngu ganeya makungo yoyo omu ga Muhevbudzi 12:13: “Thava Nungungulu u sayisa milayo yaye, kholu eyi khiyo fanelo nya muthu watshavbo.” — Bíblia na Linguagem de Hoje.

• Ga matshigu matago, hi na wona gu tadzisega nya makungo ya Nungungulu khu vathu tepo a na fuvisago gutshaniseka a ninga womi nya gu tsakise dzipari dzaye, vale va mu khozeyago. — Ndzimo 37:10, 11.