Tshamuselo wa vbavbatshi

a Mupostoli Pawulo tshamusede gu khuye si na ni lisima gu Makristo ma si dzumeleyi gu kutsedzedwa khedzi vathu nya litigo leli va pimisago khidzo ni esi va girago. Ethu hi yede gu tiyisega gu khethu kha hi kuhwi khu mikutsedzelo nya litigo leli. Gasi gu gira isoso, ethu hi yede gu simama gu vbindrugedza mapimiselo yathu tepo hi tugulago gu khethu silo soso khasi gimbileyani ni gugola ga Nungungulu. Avba nya ndrima yeyi, hi na wona edzi hi nga girago khidzo isoso.