“Vathu vatshavbo va di gu ganela lidimi limwedo basi”

11:1-4, 6-9

Bhabheli, Jehovha a di phalalegiseya vathu va nga ba va si engisi khu gu hambanisa malimi yawe. Muhuno uye a gu hengeledza gidzemo nya mafumbo yatshavbo ni malimi a bwe a gi “agisa” gasi vathu “vatshavbo va kodze gu rana lina la [Jehovha] ni gu mu thumela khu monyo moyo.” (Sof 3:9; Gut 7:9) ‘Magana yaya nyo age’ go thudwa lisine maningano ni Jehovha gumogo ni situmbiso saye si gomogo omu nya milowo.

Gu vbwetega gu gira silo nya singi gasi gu hevbula lidimi na siri basi gu vegisa hungoni malito nya maphya. So lomba gu hevbula mapimiselo nya maphya, mawonelo nya maphya nya silo. Khu gu fana, tepo hi hevbulago magana nyo age nya lisine, mapimo yathu ma gu vbindrugedzwa. (Ro 12:2) Esi silo si yedwego gu girwa tepo yatshavbo, esi si phasago vathu va Nungungulu gu manega ni wumowo. — 1Ko 1:10.