GIHEVBULO 4

Va dongiseye gupima wo vbweta gu leri lowo

Matewu 22:41-45

ESI U YEDEGO GU GIRA: Dongiseya gupima ga vaengiseyi vago nu si leri lowo.

Dundrugeya khu gighelo gi gu girago u leri lowo wowo. Ni wevbi lowo u na lerigo, pheya khu gu ninga magavbudzu nya esi wu si ganeyago gasi gu phasa vaengiseyi guti esi u vbwetago gu si tshingisa avba nya livhesi lolo.

Vega gupima avba nya mongo wakone. Wo vbweta gu ninga magavbudzu nya lowo ni gu khumbuga oyu a ganeyago mwendro a lovidego libhuku lolo nya Bhibhiliya, tiyisega gu khuwe esi u ganeyago khiso gani.
Yeyedza gu khuwe malito yago mo dugeya omu nya Bhibhiliya. Wo ba u bhula ni vathu va khodwago ga Nungungulu, va yeyedze gu khuwe Bhibhiliya “Lito la Nungungulu”, khu magirelo yoyo u na yeyedza gu khuwe khigyo gifefe nya gikhongolo nya wugengeyi guvbindra satshavbo.
Va wuseye gudogoreya nyo vbwete gupwa esi milowo yi si ganeyago. Gira giwudziso gi na hlamudwago khu milowo, khumbuga gigaradzo egi milowo yi yeyedzago ndziya nya gu gi lulamise, mwendro gu khumbuga litshina nya nayo eli matimo nyo khaguri nya Bhibhiliya ma na va phasago gu li pwisisa.

Dundrugeya khesi vaengiseyi vago va si tigo khu mahungu yoyo ni lowo u vbwetago gu leri. Ambari wo vbweta gu leri lowo va wu olovedego, si gire khu ndziya yi na va wuseyago gutsakeya, u bwe u va phasa gu tugula silo nya siphya avba nya livhesi lolo.