GIHEVBULO 12

Ganeya khu lihaladzo ni gupweya-wusiwana

1 Vatesalonika 2:7, 8

ESI U YEDEGO GU GIRA: Ganeya na si gu khugeya monyoni, u bwe u yeyedza vaengiseyi vago gu khuwe u ngu va haladza nigu wo vbweta gu va phasa.

Dundrugeya khu vaengiseyi vago. Dongiseya monyo wago khu gu dundruga sigaradzo va emisanago naso. Zama gu dundrugeya edzi va dzi pwago khidzo.
Hatha gwadi malito yago. Dzi garadzeye gu tangadzisa, gu thaveleya, ni gu tiyisa vaengiseyi vago. U nga thumisi malito ma na va gorosago nya mba na gighelo, nigu u nga ganeyi guvivba khava va si khodwigo mwendro khesi va si khodwago.
Yeyedza gukhathala. Ganeya khu lito nyo rule u bwe u thumisa dzizesto dzi na yeyedzago gu khidzo u ngu khathala khu vaengiseyi vago. U nga divali gu khuwe khovbe yago yi ngu ganeya; va hegeye.

U nga dzi gurumedzi gu yeyedza edzi u dzipwago khidzo mwendro gu yeyedza khu ndziya nyo vbindrise. Tepo u lerigo, yeyedza gudzipwa ga oyu a ganedego mahungu yoyo, ganiolu u nga giri khu ndziya nya gu va wona uwe. Ganeya khu ndziya nya lihaladzo ni githawo.