Mitshamuselo yi gomogo omu nya mabhuku ma khumbugidwego omu nya Gibhukwana nya mitshangano nya thumo ni mavbanyelo
3-9 nya Janeiro
DZITHOMBA NYA LITO LA NUNGUNGULU | VALAMULI 15-16
“Handro nya gu mba tumbega”
Gu mba tumbega wuvivbi wa matshigwanaya
Wona Dalila oyu khu gu hegisa a nga dogoredwa khu Samisoni. Samisoni a di gu vbweta gu dwana ni Vafilistiya gasi gu vhikeya vathu va Nungungulu. So wonega gu khatshi lihaladzo la Dalila khu Samisoni kha la nga ba li tumbegide. kholu Dalila hakhide dzitsapawu a nga ningwa khu dzipfhumu dza Vafilistiya gasi a tugula omu Samusoni a nga ba a yi mana umo tshivba gasi va mu songa. Dalila dzumede gu rengeledwa ganiolu makungo yaye nyo zame gu tugula sihalo wa Samisoni kha ma dugeleya guraru. Uye a di gu mu garadza “tshigu ni tshigu khu magana yaye.” Khu gu hegisa “hefemulo waye wu di garadzega ngudzu nya gu khatshi a nafa.” Adi mu embeya gukhuye gima a si gu piyi ndzudzu nigu agu tshuka a piya uye Samisoni a na vbeledwa khu tshivba. Tepo Dalila a nga siti isoso a di ruma vama nyo khaguri vata piya ndzudzu wa Samisoni nagu lade khu gu hegisa a ningeya Samisoni mandzani ga valala va mu gira esi va nga ba va si vbweta. (Val 16:4, 5, 15-21) Silo sesi si nyenyezide ngudzu! Khu kotani nya makolo, ma giride Dalila asi tumbegi ga oyu a nga ba a mu haladza.
w05 15/1 paj. 27, ndri. 3
Gukhanyiswa ga libhuku la Valamuli
14:16, 17; 16:16. Giguremedza, gungurangura ni marenene si nga ghoha wupari.— Mavingu 19:13; 21:19.
Kemba dzithomba nya liphuvbo
w05 15/3 paj. 27, ndri. 6
Samisoni pade khu tshivba ya Jehovha!
Samisoni a giride esi a nga ba a dzi emisede gu gira nya gu dwane ni Vafilistiya valala va Nungungulu. Khiso si nga mu gira aya lala ndrangani ga gibhayi tigoni ga Ghaza. Samisoni a diri mwalo makungo nya wubhayi ganiolu uye a di gu vbweta ndranga nya gu lale sidhadhi ga valala. Uye dugide ndrangani nya gibhayi vbakari nya wutshigu a diya sigula madimba mavili gumogo ni madingu yaye vbamwanya nya sidhadhi yile a si rwala magatani a gwela naso tshokatunu nya gigomo gi khedzanago ni Hebheroni a gimbiya pfhuka nya 60 dzikilometru. Giride isoso khu gu rumwa ni gu ningwa tshivba khu Jehovha. — Valamuli 16:1-3.
Kemba dzithomba nya liphuvbo
w15 15/12 paj. 10, ndri. 6
Wuvbindrugedzeyi nya Bhibhiliya wu kuhago monyo
Wufakazi nya wungi wa gu yeyedza guagani gu khuwo lina la Jehovha li yede gu khala omu nya Bhibhiliya. Wuvbindrugedzeyi nya Tradução do Novo Mundo nya 2013 lina la Nungungulu li manegide tanga nya 7,216, wu engedzede tanga nya 6 gu vbindra owu nya 1984. Gu na ni 5 siyeyedzo si gomogo omu ga 1 Samuweli 2:25; 6:3; 10:26; 23:14, 16. Ayo ma wusedzidwe ngudzungudzu kholu omu nya mabhuku nya gufumbwe ya Mar Morto lina la Nungungulu la gu manega omu nya mavhesi yaya. Mabhuku yaya nya gufumbwe ma na ni mil myaga ni gu vbindra na wu si manegi lowo nya Masureco nya Gihebheru owu wu thumisidwego omu nya Tradução do Novo Mundo. Wulangani nya isoso gipandre nyo khaguri omu ga Valamuli 19:18 gibweledzedwe hwane nya gu ba va hevbude gwadi milowo ya gale.
17-23 nya Janeiro
DZITHOMBA NYA LITO LA NUNGUNGULU | VALAMULI 20-21
“Vbwetedzeya sileletelo sa Jehovha”
w11 15/9 paj. 32, ndri. 2
U nga pimedzeya Finiyasi wa gu tshangana ni sigaradzo?
Hwane nya gudhumedwe ni gu songwa nya gibhayi nya Mulevhi moyo khu vama va Gibheya va lihundzu la Bhejami, mambe mahundzu ma di dzi dongiseya gasi guya dwana nyimbi ni Vabhejami (Val 20:14-25) Avo va lombide giphaso ga Jehovha na va si gu hongoli va ya dwana ganiolu va padwe guvili. Ina va pimiside gu khavo milombelo yawe kha nya nga ba yi phasa? Ina Jehovha a di gu vbweta gu khuye va pheledza gihoso gyagimwegyo?
w11 15/9 paj. 32, ndri. 4
U nga pimedzeya Finiyasi wa gu tshangana ni sigaradzo?
Hi nga hevbula ginani khu isoso? Simbe sigaradzo Libandlani si ngu simama ambari olu madhota ma dzigaradzago ni gu gira milombelo na va gu vbweta giphaso ga Jehovha. Ga siemo nya nga esi madhota ma yede gu dundrugeya khu malito ya Jesu: Lombani, mu na ningwa; vbwetani, mu na si mana; khokhothani, mu na tuledwa. (Luka 11:9) Ambari va gu wona gu khavo milombelo yawe yi ngu hweya gu hlamudwa vawoneleyi va nga va tiyisa gu khavo Jehovha a na va hlamula khu tepo yakona.
24-30 nya Janeiro
DZITHOMBA NYA LITO LA NUNGUNGULU | RUTE 1-2
“Pimedzeya lihaladzo nya lisine”
w16.02 paj. 14, ndri. 5
Pimedzeya dzipari dza Jehovha
Si nga gira Rute na pimiside gu khuye: ‘valongo vangu va gu romo mowabhi va na nyi hakha va si nyi digi nyi tshaniseka. Mowabhi tigoni gwangu Vamowabhi valongo vangu. Ho ganeya lidimi limwedo ni gu mavbanyelo khayo yamamowo.’ Tepo va nga hadzi vboha Bhetlehema Nowemi a di ri mwalo ndziya nya gu ninge isoso Rute. Nowemi kutside Rute gu bweleya Mowabhi. Nowemi a di gu pimisa gu khuye kha na nga si kodza gu vbweteya vama vagadzamwane vaye. Nigu Orpa a di gu bwelede ga valongo vaye ni ga vanungungulu vaye. (Ru 1: 9-15) Ginani egi Rute a nga ba a hadzi gira? Ina Rute dogorede gu bweleya ga valongo vaye va nga ba va khozeya vanungungulu nya malipha? Ahihi.
Kemba dzithomba nya liphuvbo
w05 1/3 paj. 27, ndri. 2
Gukhanyiswa ga libhuku la Rute
1:13, 21 — Ina khu Jehovha a nga lemedzisa womi wa Nowemi ni gu mu vangeya sigaradzo? Ahihi, Nowemi kha singedza Nungungulu khu esi si nga mu giregeya. Ganiolu uye a di ba a pimisa gu khuye Jehovha a mu digide ga sigaradzo satshavbo a nga ba a tshangana naso. Isoso si mu giride a dzipwa na vbisegide. Ga dzitepo dzile gumanega ni sanana gu di gu wonwa nga makategwa ya Nungungulu ganiolu, gu mba velega gu di gu wonwa nga givalo. Si nga gira Nowemi na pimiside gu khuye Jehovha a di gu mu vega vbavbatshi khu gu ba nari mwalo vatugulu ni olu a nga ba a fedwe khu sanana sivili.
“Nyamayi nya guyele”
Si nga gira na si tsakiside Rute gupwa Bhowazi na gu khuye a gu tidwa nga “nyamayi nya guyele.” Nya mba kanakana a di gu zundzwa ngudzungudzu khu gudzina a nga ba ari nago nya guti Jehovha ni gu mu thumeya, anuye yeyedzide wuwadi ni pweya wusiwana ga Nowemi ni valongo vaye, khu gu dziolovedza ga mavbanyelo nya gu gima a di si mati. Ha gu pimedzeya gukhodwa ga Rute hi na dzigaradzeya gu ninga githawo vambe ni mavbanyelo yawe. Khu ndziya yoyo anethu hi na mana lina nya ladi.
“Nyamayi nya guyele”
Bhowazi tshadhide ni Rute. Khu kharato Bhibhiliya yari khiyo: “Pfhumu Nungungulu a di mu gira a khura mimba, a velega gyanana nya gikhwathana.” Vanyamayi va Bhetlehema va di mu kategisa va bwe va zundza Rute. Avo vadi khavo, uye adiri ga Nowemi “a ngu vbindra livbandre na sivili sikhwathana.” Bhibhiliya yari khiyo Pfhumu Dhavhidhe a diri gitugulwana gya gyanana gya Rute. (Ru 4:11-22) Nigu Jesu kristo a diri gitugulwana gya Pfhumu Dhavhidhe.— Matewu 1:1
Kemba dzithomba nya liphuvbo
w05 1/3 paj. 29, ndri. 3
Gukhanyiswa ga libhuku la Rute
4:6 — Si nga girega kharini mudzegisi “a luzekedwa” khu thomba yaye khu gu gira dzegiso? Gupheya muthu a khadego gisiwana a rengisa gipeto gyaye mutshudzisi a di yede gu renga gipeto gile maningano khu tengo nya myaga yi tshadego gasi gu vboha mwaga nya gunengele. (Levhi 25:25-27) Isoso si di hadzi vbungula tengo nya dzithomba dzaye. Vbavbandze nya isoso na ri khatshi Rute a diri ni gyanana khigyo gi nga ba gi yede gu hodza thomba nya gipeto gi rengidwego na siri nongo wa vbafuvbi ni mutshudzisi.
7-13 nya Fevereiro
DZITHOMBA NYA LITO LA NUNGUNGULU | 1 SAMUWELI 1-2
“Tuleya monyo wago Jehovha khu Nombelo”
ia paj. 55, ndri. 12
Uye tulede monyo waye ga Jehovha khu nombelo
Ana giyeyedzo nya gyadi ga vathu va Nungungulu. Jehovha a ngu rana sithumi saye gasi si tuleya myonyo yaso si ganeya satshavbo si va garadzago nya mba thava gilo nga gyanana gi gu na ni lihaladzo. (Leri Dzindzimo 62:8; 1 VAtesalonika 5:17.) Mupostoli Pawulo embedwe gu lova malito yaya nya gu tiyise: “Vegani avbo gwaye sigaradzo sanu satshavbo, kholu uye a ngu mi khathalela.” — 1Pe 5:7.
w07 15/3 paj. 16, ndri. 4
Edzi Ana a gu manidego khidzo gurula
Ha gu hevbula ginani khu isoso? Tepo hi gombeyago ga Jehovha maningano ni sigaradzo sathu hi yede gu mu embeya khu gu kongoma edzi hi dzipwago khidzo. Ha ngu ba hi si giti gilo nyo gire maningano khu sigaradzo sathu hi yede gu sidigeya mandzani ga Jehovha. Gimwalo gambe gilo u nga girago. — Mavingu 3:5, 6.
14-20 nya Fevereiro
DZITHOMBA NYA LITO LA NUNGUNGULU | 1 SAMUWELI 3-5
“Jehovha a ngu khathala khu moyo ni moyo wathu”
Nungungulu nya tshivba yatshavbo, ganiolu a khathalago
Samuweli phede gu thumeya omu nya tabhernakeli na ngari gyanana. (1 Samuweli 3:1) Wutshigu nyo khaguri, na lade, gu di girega gilo nya mba olovelega. (Wona tshamuselo wa vbavbatshi.) (Leri 1 Samuweli 3:2-10.) Uye a dipwa muthu nyo khaguri na gu mu rana khu lina. Samuweli a di pimisa gu khuye gu diri Muphasi nya Khongolo nya mhamba Eli. Khu kharato uye a di engisa a hongola ga Eli na gu tutuma a ya khuye: “Nyi womo avba, kholu u nga nyi ranago.” Ganiolu Eli a di khuye: “kha nya gu rana, mwanangu.” Hwane nyo ba sasimweso si dugelede guvili, Eli a di tugula gu khuye gu diri Nungungulu a nga ba a rana Samuweli. Khu kharato Eli a di embeya Samuweli esi a yedego gu ganeya a gu ranwa gambe, ni gu Samuweli a di engisa. Khu ginani Jehovha a nga mba dzegeya gu embeya Samuweli gupheyani gu khuye, Khuye a nga ba a mu rana? Bhibhiliya kha yi ganeyi. Ganiolu si nga gira gu Jehovha na giride silo khu ndziya yile kholu a nga ba a dundrugeya khedzi a nga hadzi dzipwa khidzo Samuweli.
Nungungulu nya tshivba yatshavbo, ganiolu a khathalago
Leri 1 Samuweli 3:11-18. Nayo wa Jehovha wu di gu ruma sanana gu ninga githawo vathu vakhongolo, ngudzungudzu ava va thangeyago. (Ekisodha 22:28; Levhi 19:32) Khu kharato si ngu garadza gu dundrugeya gyanana nya nga Samuweli na gi hongola ga Eli dzimindrudzile, gi ya tiya gu mu bikeya mahungu nyo lemeye nya gu lamudwe gwaye ma tago khu ga Nungungulu. Bhibhiliya yari khiyo Samuweli “a di khala hwanga gu embeledzela giwoniso ga Eli.” Ambari ulolo, Nungungulu giride gu Eli a tugula gu khuye gu diri Uye a nga ba a rana Samuweli. Kha nga handro wakone, Eli embede Samuweli gu mba mu siheya gilo ga esi Nungungulu a mu embedego. Samuweli a di engisa Eli a “mu embeledzela satshavbo nyamba siha ni gimwegyo.”
Kemba dzithomba nya liphuvbo
w05 15/3 paj. 21, ndri. 6
Gukhanyiswa ga libhuku la 1 Samuweli
3:3 — Ina samuweli lade wulanga nya guage? Ahihi, Samuweli a diri Mulevhi wa ndranga va nga ba va siri Vapristi ya Vakhowati. (1 Dzikoronika 6:33-38) Khu dziya yoyo kha nga ba a dzumeledwa gu ‘beya a ya wona wulanga nya guage.’ (Mithumo 4: 17-20) Umo basi Samuweli a nga ba a yede gu beya nya wulanga nya guage gu diri likupakupa (patio) nya tabhernakeli. Khumo umomo adzina a nga lala. Si nga gira anuye Eli na gu lade wulanga nyo khaguri umo nya likupakupa (patio). Malito “umo yi nga ba yi romo umo ngasa ya Nungungulu” sothula wulanga yi nga ba yi romo tabhernakeli.
w11 1/1 paj. 27, ndri. 2
Uye simamide ni gu timiseya ambari olu a nga khunguvanyiswa
Wona edzi Jehovha a hlamudego khidzo Samuweli tepo a nga ganeya khesi khu nombelo. “Yingisa gilombo gya vathu ni satshavbo va gu embelago, kholu avo kha va kanyisa uwe, aholu va di kanyisa Eni, gasi nyi si fumi vbakari gwawe.” Ga Samuweli isoso si di gu muthaveleya ganiolu ga Nungungulu nya dzitshivba dzatshavbo isoso si diri givalo. Jehovha embede vaprofeti vaye gasi gu dundrugisa Vaisrayeli khu tengo wu nga hadzi gu livbwa khu gu hatha muthu gasi a khala Pfhumu yaye. Tepo Samuweli a nga gira isoso avo va di mu gurumedza khavo: “Hi wowe! Ethu ha gu vbweta mufumeli nya gu hi fumele.” Khu gu engisa Nungungulu waye Samuweli hongode aya todza Pfhumu eyi Jehovha a nga ba ayi hathide.— 1 Samuweli 8:7-19.
w10 15/1 paj. 30, ndri. 9
Mafumelo ya Jehovha ma lulamide
Matimo ma tiyisegiside gigengedzo gya Jehovha. Gu fumwa khu muthu si di gu resa sigaradzo nya singi Israyeli ngudzungudzu a gu mba tumbega. Gu dundrugeya khu giyeyedzo gya Vaisrayeli kha si samadzisi gu khu gu gimbiya nya tepo mifumu nya vathu va gumba muti Jehovha kha ya dugeleya. Lisine gu vapolitiku va ngu lomba makategwa ga Nungungulu tepo va dzi garadzago gasi gu mana gu vhikedwa ni gurula, ganiolu si nga kodzega kharini gu Nungungulu a kategisa ava va si dzi vegigu vbavbatshi nya Wufumu waye? — Ndz 2:10-12.
28 nya Fevereiro–6 nya Março
DZITHOMBA NYA LITO LA NUNGUNGULU | 1 SAMUWELI 9-11
Gupheyani sawule a di gu dzinogisa
Dzi nogise u bwe u dundruga gu khuwe khandri satshavbo u si kodzago gu gira
Nga dundrugeya khesi si dugeledego Pfhumu Sawule. Na ngari lidzhaha a di gu dziti gu khuye khandri satshavbo a si kodzago gu gira nyo bwe a bomba gu hakha mithumo nyo khaguri. (1 Sam. 9:21; 10:20-22) Khu gu gimbiya nya tepo Sawule a di pheya gu dzi khusedza nyo bwe a gira silo si nga ba si si mu lumbi. Uye phede gu manega ni makhalelo yoyo tepo a nga khala Pfhumu. Litshigu limwedo uye a di tandrega gu laphisa monyo tepo a nga ba a vireya muprofeti Samuweli. Wulangani nyo tumbe gu khuye Jehovha a na gira gilogyo khu vathu vaye Sawule a di manega ni makolo a ningeya muphaso nyo vbiswe a gu thumo wu nga ba wu si mu lumbi. Jehovha a di pheya gu mba tsakiswa khu Sawule khu gu gimbiya nya tepo a dzegedwa wufumu. (1 Sam. 13:8-14) Gu vbwetega hi si pimedzeyi giyeyedzo gya Sawule khu gu hi si giri silo si gu mba hi lumba.
w14 15/3 paj. 9, ndri. 8
Sayisa liphuvbo nya gu dziningedzeye
Giyeyedzo gya Samule Pfhumu ya Israyeli gyo thuma kha nga gigengedzo nya edzi gu gundreya gu nga ghohago khidzo liphuvbo nya gu dziningedzeye gu thumeya vambe. Gupheyani nya wufumu waye Sawule a di gu dzi nogisa. (1 Sam. 9:21) Uye a di bomba gu tsayisa Vaisrayeli tepo va nga ganeya guvivba khu wufumu waye, gilo nya gu a diri ni gighelo nyo gire kholu a di gu hathidwe khu Nungungulu kha nga Pfhumu. (1 Sam. 10:27) Vbavbandze nya isoso Pfhumu Sawule dzumede gileletelo nya liphuvbo nya guage la Nungungulu khu gu a thangeya Vaisrayeli ga nyimpi a nga pala Vaamori. Khu gu landreya uye dzi nogiside a ningeya watshavbo wuzundzu Jehovha. — 1 Sam. 11:6, 11-13.
w95 15/12 paj. 10, ndri. 1
Vaamoni va nga bweledzeya wuwadi khu gudwana
Vaamoni va bweledzede gambe wuwadi wa Jehovha khu gu dwanisa. Jehovha kha si veta khu magata esi va giridego. “Avbo Sawule a nga pwago mahungu yoyo, [ya Nahasi], a di tala khu liphuvbo la Nungungulu, a goroga ngundzu.” Sawule tshanganiside 330,000 masotshwa aya ma nga pala Vaamoni avba nya gu “muthu ni muthu a phara yaye ndzila.” — 1 Samuweli 11:6, 11.
Kemba dzithomba nya liphuvbo
w05 15/3 paj. 22, ndri. 8
Gukhanyiswa ga libhuku la 1 Samuweli
9:9 — Madi gu tshamuseya ginani malito “vaprofeti va muhuno, gale va di gu ranwa vama nya liwoni”? Malito yaya adzina ma di gu thula tepo vaprofeti va nga ba vaya va mana ndruma matshigoni ya Samuweli ni tepo nya dzipfhumu dza Israyeli, kholu lito “mwama nya liwoni” li diya li tshikedzwa khu lito “muprofeti.” Samuweli khuye nyo pheye ga vaprofeti vovo. — Mithumo 3:24.