Yeyedza lisima nya gu va thumisa esi u va hevbudzago

Mavingu 3:21

ESI U YEDEGO GU GIRA: Phasa vaengiseyi vago gu pwisisa edzi mahungu yoyo ma khuhago khidzo womi wawe, u bwe u va yeyedza esi va yedego gu gira khesi va si hevbulago.

MAGIRELO YAKONA:

• Dundrugeya khu vaengiseyi vago. Dundrugeya khu gighelo gi girago vaengiseyi vago va vbweta gupwa mahungu u gu nawo, u bwe u dundrugeya khu gipandre nyo khaguri nya mahungu gi na va phasago.

• Ndrani nya ganelo yago yatshavbo, phasa vaengiseyi vago gu wona esi va yedego gu gira. Gukhugeya gupheyani nya ganelo, muengiseyi ni muengiseyi gu vbwetega a dzi embeya gu khuye: ‘Mahungu yaya ma lovedwe eni.’ Tepo u tshamuseyago litshina ni litshina nya gisekelo nya mahungu, yeyedza edzi va na li thumisago khidzo. U nga dzuwulugeyi, dzegeya gu veta pontu.