Mitshamuselo yi gomogo omu nya mabhuku ma khumbugidwego omu nya Gibhukwana nya mitshangano nya thumo ni mavbanyelo
4-10 nya Julho
DZITHOMBA NYA LITO LA NUNGUNGULU | 2 SAMUWELI 18-19
“Bharizilayi giyeyedzo nya gyadi nya gu ninganiseye”
w07 15/7 paj. 14, ndri. 5
Bharizilayi, dzumede gu hegedwa gwaye
Nya mba kanakana Dhavhidhe a di gu tsakide ngudzu khu giphaso gya Bharizilayi. Khu lisine Pfhumu kha ya nga ba yi vbweta gu bweledzeya wuhindzi khu gu mu ninga silo sa nyamani basi. Bharizilayi a di gu ghanyide khu kharato a di gi vbweti giphaso gyogyo. Adzina Dhavhidhe, a di gu vbweta gu manega naye wufumutunu kholu mwama wule nyo dandre khu tanga a nga ri ni makhalelo nya yadi nyo samadzise. Si di hadzi khala wuzundzu ga Bharizilayi gu gira gipandre nya wufumo ni gu dzibuza khu lithomo nyo khale pari ya Pfhumu.
w07 15/7 paj. 14, ndri. 7
Bharizilayi, dzumede gu hegedwa gwaye
Gimwegyo nya sighelo gi nga gira Bharizilayi a si dzumeyi gu hongola ni Pfhumu, khu gu hegedwa a nga ba a gupwa kholu a nga ba a dandride khu tanga a dzina a di gu pimisa gu khuye kha na nga vbanya khu tepo nya yingi. (Ndz 90:10) Uye a di giride satshavbo a nga ba a si kodza gasi gu phasedzeya Dhavhidhe, ganiolu a di gu dzumeya gu khuye olu a dandridego khu tanga kha na nga si kodza gu gira gambe nya singi. Uye kha dzumeleya gu khuye lithomo nyo mane wuzundzu li mu gira a si dzumeyi guhegedwa gwaye. Gu hambana ni Abisalamo a nga ba ari magundrele Bharizilayi yeyedzide guti khu gu ninganiseya. — Mavingu 11:2.
w07 15/7 paj. 15, dzindri. 1-2
Bharizilayi, dzumede gu hegedwa gwaye
Matimu ma ganeyago khu Bharizilayi, mo yeyedza lisima nya gu ninganiseye. Ambari ulolo, kha hi yeli gu bomba malungelo mwendro gu mba dzigarada gasi gu mana malungelo khu gu hi vbweta gu dzipwa na hi tshulegide mwendro khu gu hi dzipwa na hi ri mwalo makodzelo nya gu hekhe malungelo. Nungungulu a nga kategisa guhegedwa gwathu ha gu tumba gu khethu khuye gifefe nya guti ni tshivba. — Vafilipi 4:13; Jakobe 4:17; 1 Pedro 4:11.
Ambari ulolo hi yede gu dzumeya guhegedwa gwathu. Khu giyeyedzo, adzina mukristo nyo khaguri pharegide ngudzu khu mithumo ya liphuvboni u ye a ngu dziti gu khuye a gu dzumeya mambe malungelo si na gira gu asi si kodzi gu khathaleya yimbe mithumo ya liphuvboni nya nga gu khathaleya ndranga. Khu kharato ga giemo nya nga igyogyo, ho mba dzumeya mambe malungelo si na yeyedza gu khiso a ngu ninganiseya. — Vafilipi 4:5; 1 Thimoti 5:8.
Kemba dzithomba nya liphuvbo
w20.04 dzipaj. 30, 31 ndri. 19
“Tutumeya gu vboha mahegiso”
19 Wa gu ba uri ni gigaradzo egi vambe va gu mba gi pwisisa adzina u nga tiyiswa khesi si dugeledego Mefibhosete. (2 Sam. 4:4) Uye a emisanide ni gu dwala a bwe a lamudwa khu ndziya nya mba yadi khu Pfhumu Dhavhidhe. Mefibhosete kha ghoha gilo gasi gu manega ni silingo soso. Ambari ulolo, uye kha dzumeleya gu khuye isoso si mu vbedza tshivba. Uye a di gu bonga khesi nya sadi si nga ba si mu dugeleya. Uye yeyedzide gubonga khu wuwadi a nga ba a giredwe khu Dhavhidhe matshigu hwane. (2 Sam. 9:6-10) Khu kharato, tepo Dhavhidhe a nga mu lamula khu ndziya nya mba yadi uye a di zama gu pwisisa satshavbo si nga ba si patega. Kha dzumeleya gu khuye gihoso gya Dhavhidhe gi mu gira a manega ni likhulo. Nigu uye kha ninga nandru Jehovha khu kotani nya esi Dhavhidhe a nga ba a giride. Mefibhosete a di vega gupima avba nya esi a nga ba a si kodza gu gira gasi gu seketeya pfhumu yi todzidwego khu Jehovha. (2 Sam. 16:1-4; 19:24-30) Jehovha lovide matimo ya Mefibhosete omu nya Bhibhiliya gasi hi hevbula gilogyo gwawo.— Rom. 15:4.
18-24 nya Julho
DZITHOMBA NYA LITO LA NUNGUNGULU | 2 SAMUWELI 22
w10 1/6 paj. 26, dzindri. 4-6
“Uwe u ngu tumbega gwaye”
Hongoleni hi wonani esi malito ya Dhavhidhe ma tshamuseyago. Lito nya gihebheru li nga vbindrugedzedwa gu pwani “uwe u ngu tumbega gwaye’ li nga vbindrugedzedwa gambe kha nga “u na ni wuhindzi”. Lihaladzo, khigyo gifefe nya gu tumbege. Khu gu kutswa khu lihaladzo, Jehovha a ngu hidzimeleya ga vale va tumbegago gwaye.
Wona gambe gu khuwe gutumbega khandri gudzipwa nyo khaguri basi wu langani nya isoso, likhalelo li yeyedzwago khu mithumo nasiri khu malito basi. Dhavhidhe, a si wonide khu abune gu khuye Jehovha Nungungulu nya gutumbege. Tepo Dhavhidhe a nga ba a tshangana ni sigaradzo Jehovha, yeyedzide gutumbega khu gu mu vhikeya ni gu mu ninga sileletelo. Tepo Dhavhidhe a nga wona gu khuye Jehovha mu vbulugiside mandzani ga valala vaye vatshavbo, uye a di bonga kamo ngudzu. — 2 Samuweli 22:1.
Ginani hi gi hevbulago ga malito ya Dhavhidhe? Jehovha kha vbindrugedzi. (Jakobe 1:17) Uye a ngu phareleya avbo nya milayo yaye ni gu tepo yatshavbo a ngu tumbega avbo nya situmbiso saye. Ga yimbe ndzimo Dhavhidhe lovide khuye: “Jehovha gima kha digi ava va khodwago gwaye.” — Ndzimo 37:28.
Kemba dzithomba nya liphuvbo
w12 15/11 paj. 17, ndri. 7
Haguleya likhalelo nya gu dzinogise
7 Giyeyedzo nya gu dzi nogise gya Nungungulu gi mu kuhide ngudzu Dhavhidhe. Uye embide khuye: “U nyi ningide gambe gitshangu gyago nya guvbanyise, gu dzinogisa gwago gu ngu nyi khusedza.” (NM) (2Sa 22:36) Dhavhidhe, ganede gu khuye wuzundzu watshavbo a gu nawo a wu manide khu kotani nya olu Jehovha a dzi nogisago, khu gu Nungungulu a di gu dzi nogisa gasi gu theya kota khuye. (Ndz 113:5-7) Ahanti ethu ke? Makhalelo muni, makodzelo mwendro malungelo aya ni wevbini wathu a gu nawo a nga mba ningwa khu Jehovha? (1Ko 4:7) Uye a dzi nogisago khuye agu “khongolo” kholu a na ni lisima nga githumi gya Jehovha. (Lu 9:48) Hongoleni hi wona edzi isoso si giregago khidzo.
25-31 nya Julho
DZITHOMBA NYA LITO LA NUNGUNGULU | 2 SAMUWELI 23-24
“Ina u ngu dzi garadzeya gu ningeya?”
Kemba dzithomba nya liphuvbo
w05 15/5 paj. 19, ndri. 6
Gukhanyiswa ga libhuku la 2 Samuweli
23:15-17. Dhavhidhe a di gu ninga ngudzu githawo nayo wa Nungungulu wu ganeyago khu womi ni novba, nigu avba nya giemo gegi uye bombide gu gira ni gevbini gi nga hadzi gu fanya nayo wowu. Anethu, hi yede gu haguleya gu manega ni mawonelo ya mamowo khu milayo ya Nungungulu.
1-7 nya Agosto
DZITHOMBA NYA LITO LA NUNGUNGULU | 1 DZIPFHUMU 1–2
“Ina u ngu hevbula khu sihoso sago?”
it-2 paj. 987, ndri. 4
Solomoni
Tepo va ngapwa ndzimo yi nga ba yi khugeya Giwoni gu nga ba gu siri hwindzo ni avba va nga ba va romo ni ligwaha nya vathu na va khavo: “Ana vbanye Pfhumu Solomoni” Adhoniya ni ava a nga ba ari navo, va di thava va tutuma. Pfhumu Solomoni yeyedzide gu khuye mufumo waye wu di hadzi gu manega ni gurula. Nari khatshi giemo gi di simamide edzi gi nga ba gita khidzo, so wonegisa gu khatshi Solomoni na fude. Adhoniya a di tutuma a hongola nyumbani nya muphaso gasi guya sihala, khu kharato Solomoni a di rumeya vama nyo khaguri gasi vaya dzega Adhoniya. Solomoni, a di embeya Adhoniya gu khuye a di hadzi gu simama a vbanya a bwe a bweleya gaya, vbavbandze nya gu va mana gihoso nyo khaguri avbo gwaye. — 1Dzf 1:41-53.
Kemba dzithomba nya liphuvbo
w05 1/7 paj. 30, ndri. 1
Gukhanyiswa ga libhuku la 1 Dzipfhumu
2:37, 41-46. Si na ni mhango gu pimisa gu khuwe, wa gu gira gighoho u na vbuluga gu tsayiswa. Avo va digago “ndzila yi yisago guvbanyani” khu nya gigwenyo va na mana tshatshazelo nya esi va nga hatha. — Matewu 7:14.
8-14 nya Agosto
DZITHOMBA NYA LITO LA NUNGUNGULU | 1 DZIPFHUMU 3–4
“Lisima nya gu manege ni guti”
w11 15/12 dzipaj. 8, 9, dzindri. 4-6
Uye o thuma kha nga gi yeyedzo nya gyadi gwago, mwendro kha nga gidundrugiso?
4 Solomoni tepo a nga pheya gu fuma, Nungungulu a di ganeya naye khu gu thumisa loro a mu embeya gasi a gira gilombo. Kha nga olu solomoni a nga ba a guti guhegedwa gwaye, a di lomba guti. (Leri 1 Dzipfhumu 3:5-9.) Nungungulu, a di tsaka kholu Solomoni a nga mu lomba guti, vbavbandze nya dzithomba ni wuzundzu, uye a di mu ninga “monyo nya wugengeli ni mapimo”, ni gughanya. (1 Dzipfhumu 3:10-14) Jesu ganede khuye Solomoni adiri ni guti nyo ete, nigu tepo pfhumugadzi ya Sabha yi nga sipwa, yi di endra pfhuka nyo laphe gasi gu ya si wona khu vbafuvbi. — 1 Dzipfhumu 10:1, 4-9.
5 Ethu kha hi yeli gu vireya gu khethu hi mana guti khu ndziya nya gilewugiso. Solomoni, ganede khuye ‘Jehovha khuye a ningago guti,’ ganiolu uye ganede gambe khuye hi yede gu dzi garadza gasi gu mana likhalelo leli nya ladi, tepo a nga khuye: “Demba ndzeve yago u engisa u vbweta guti monyo wago wu dzi ningedzela gupimani.” Gu yelana ni isoso, uye thumiside malito nya nga, “gudwanela gudzigaradza” ni gu ‘simama gu vbweta’ guti. (Mavingu 2:1-6) Khu lisine, si ngu kodzega gu mana guti.
6 Gwadi gu dziwudzisa gu khethu, ‘ina nyi ngu ninga lisima guti nyi ningwago khu Nungungulu nga Solomoni?’ Gu vbunguga nya silo nyo dzivbanyise, go gira vathu nya vangi va vega gupima basi avbo nya thumo ni dzitsapawu ni gu isoso, si ngu kuha esi va na hungago gu gira khu sihevbulo nya litigo leli ni sihevbulo va na hathago. Ahanti uwe ni ndranga yago ke? Esi mu hungago gu gira si ngu yeyedza gu khiso mu ngu ninga lisima ni gu vbwetedzeya guti ga Nungungulu? Ina gu vbindrugedza misuwo ni esi mu vegago gwaso gupima si nga mi phasa gu mana guti? Khu lisine, gu mana ni gu thumisa guti ga Nungungulu, si na hi phasa kala gupindruga. Solomoni lovide khuye: ‘Khavbo avbo, u nati gululama ni lisine, agu silo satshavbo nya sadi si vbwetegago.’ — Mav 2:9.
Kemba dzithomba nya liphuvbo
w98 1/2 paj. 11, ndri. 15
Jehovha Nungungulu nya sidzumeledwano
15 Tepo situgulwana sa Abrahama si nga sasamedzwa guya khu nayo kha nga litigo, Jehovha a va kategiside guya khedzi a nga ba a va tumbiside khidzo. Khu 1473, na ma si vbohi matshigu yathu, Josuwa tshikedzide Mosi, a thangeya va na Israyeli kala Khanani. Gu kabanisedwa nya litigo ga mahundzo, si tadziside gitumbiso gya Jehovha, nya gu ninge litigo gitugulwana gya Abrahama. Tepo VaIsrayeli va nga ba va tumbega ga Jehovha, uye a di gu tadzisa gitumbiso gyaye nya gu va phase gu pala valala vawe. Isoso, si giregide ngudzu tepo a nga a fuma Pfhumo Dhavhidhe. Dziteponi dza Solomoni gyanana gya Dhavhidhe, gu tadzisegide gipandre nya wuraru nya gidzumeledzwano egi Jehovha a nga ba a giride ni Abrahama. “Va na Israyeli ni va na Judha, va diri vangi ngudzu nga fungu wa phwani; va di hodza, va seya, va vbanya na va tangade” — 1 Dzipfhumu 4:20.
15-21 nya Agosto
DZITHOMBA NYA LITO LA NUNGUNGULU | 1 DZIPFHUMU 5–6
“Va vbahide tempele khu myonyo yawe yatshavbo”
w11 1/2 paj. 15
U di gu dziti?
Misimbo nyo pwani misena ya libhanoni, yi di gu tidwa ngudzu kha nga misimbo nyo tiye, gu mbura, ni gu nungeya gwadi nigu edzi yi mba yi tiyide khidzo, si di gu garadza gu yi podwa khu sirengwanana. Khu kharato, tepo Solomoni a nga vbaha tempele, a di vbwetedzeya materiyali nya yadi ngudzu gasi gu vbaha khayo. Muhuno, egi gi nga tshala ga likhabi lile nya misena yi nga ba yi tadzide sigomo sa libhanoni, likhabi basi.
it-1 paj. 461, ndri. 3
Sedhari
Gasi gu thumisa sedhari, si di gu lomba gu thuma ngudzu. Gu di gu vbwetega dzimiliyoni nya sithumi, gasi gu piya misimbo ni gu rwala kala Tiro mwendro Sidhoni, bambe nya yiphwa ya mediterrâneo, va hunga avba nya sitataru va yi tshatugisa kala Jope. Khu hwane, yi di gu rwadwa kala Jerusalema. Esi khiso si nga ba si hungidwe khu Solomoni ni Hiramo. (1 Dzipfhumu 5:6-18; 2 Dzikoronika 2:3-10) Ambari hwane nya isoso, madhera ma simamide gu beya Jerusalema esi si nga gira gu gu ganedwa pwani, ‘Solomoni giride madhera nya sedhari yi fana ni migindru,’ kholu madhera ma diri mangi ngudzu ndrani nya mufumo waye. — 1 Dzipfhumu 10:27; fananisa ni Isaya 9:9, 10.
it-2 paj. 1092, ndri. 5
Tempele
Solomoni, tepo a nga gira malulamiselo nya thumo nyo vbahe, a di rana 30.000 vama va na Israyeli, a va rumeya Libhanoni khu mitsawa nya 10.000 vama khu ngima. Avo va diri ni malungelo nyo khale gaya migima mivili. (1 Dzipfhumu 5:13, 14) Gasi gu gira thumo nyo rwale, uye a di rana 70.000 vama va nga ba va vbanya mule, ganiolu va nga ba va siri Vaisrayele a bwe a rana 80.000 vama, gasi va gira thumo nyo piye. (1 Dzipfhumu 5:15; 9:20, 21; 2 Dzikoronika 2:2) Ga vathangeyi nya dzindruna nya thumo, Solomoni a di hathide 550 nigu 3.300, va diri vaphasedzeyi vawe. (1 Dzipfhumu 5:16; 9:22, 23) So wonega khatsi vbakari gwawe, 250 va diri Vaisrayeli, ganiolu 3.600 va diri “valuveli va nga bani va romo tigoni ga Israyeli”. — 2 Dzikoronika 2:17, 18.
Kemba dzithomba nya liphuvbo
g 5/12 paj. 17
Bhibhiliya — Libhuku nya siprofeto nya lisine, gipandre 1
TEPO NYA LISINE
Gimwegyo nya siyeyedzo nya lisima, gi yeyedzago gu khigyo Bhibhiliya yo ba yi ganeya khu tepo yo ganeya lisine, gyomo omu ga 1 Dzipfhumu 6:1. Khulo iyo yi ngu ganeya khu tepo Solomoni a nga pheya khiyo gu vbaha tempele Jerusalema. Ho mana malito yaya: “Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wuna nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya PFHUMU Nungungulu.”
Guya khu Bhibhiliya, khu 1034 masi gu vbohi matshigu yathu, gu diri mwaga nya wu 4 nya gu fume ga Solomoni. Ha gu kontari 479 myaga yatshavbo na wu si gu vbohi mwaga wowu, ho vboheya mahegiso nyo khethu khu 1513 masi gu vbohi matshigu yathu, khuwo mwaga Vaisrayeli va nga duga khu Egipto.
22-28 nya Agosto
DZITHOMBA NYA LITO LA NUNGUNGULU | 1 DZIPFHUMU 7
“Esi hi si hevbulago khu dzipilari dzimbili”
w13 1/12 paj. 13, ndri. 3
‘Khu musigomoni momu u na dusa sugu’
Pfhumu Solomoni thumiside sugu gasi gu gira silo nya singi nyo mburiseleye khiso silo tempeleni Jerusalema. yimbe yakona yi manidwe khu papayi waye Dhavhidhe tepo a nga pala Vasiriya. (1 Dzikoronika 18:6-8) “Yiphwa nya sugu nya gu nyiviligiswe” yi diri basiya nya yikhongolo ngudzu omu vaprista va nga ba va hamba ni gu yi diri yikhongolo avba nya gu yi di gu beya 66 mil mililitro ni gu yi di gu lemeya tanga nya 30 dzitoneladha. (1 Dzipfhumu 7:23-26, 44-46) Vbamwanyatuno nya tempele, gu diri ni dzipilari dzimbili nya dzikhongolo nya sugu. Idzo dzi diri ni tanga nya 2metro nya diametro, 8 dzimetro khu gu lapha ni dziparedhi nya gu vbindre 7 dzisentimetru khu gu gula. Vbatshani gwalo gu diri ni gihugu nya sugu nya gu vbindre 2 dzimetro khu gu lapha. (1 Dzipfhumu 7:15, 16; 2 Dzikoronika 4:17) Si ngu samadzisa ngudzu tepo hi dundrugeyago khu tengo nya sugu yi nga thumiswa gasi gu vbaha silo sesi.
29 nya Agosto–4 nya Setembro
DZITHOMBA NYA LITO LA NUNGUNGULU | 1 DZIPFHUMU 8
“Nombelo wu khugeyago monyoni nya gu dzi nogise wa Solomoni”
w09 15/11 paj. 9, dzindri. 9-10
Ninga tshivba milombelo yago khu gu gira gehevbulo nya Bhibhiliya
9 Gasi nombelo wathu wu hakwa khu Jehovha wu yede gu khugeya monyoni. Solomoni, giride nuye nombelo nya nga owu, wu lovidwego omu ga 1 Dziphumu gipimo 8 mbeli nya vathu va nga ba va tshanganide Jerusalema na va gu gira buzo hwane nya gu ba va vbedzide tempele ya Jehovha khu 1026 ma si gu vbohi matshigu yathu. Hwane nya gu ba ngasa nya gidzumeledwano na yi vegidwe wulanga nya guage ni tepo lipfhi la Jehovha li nga tadza tempele solomoni a di dhumisa Jehovha.
10 Hevbula khu nombelo wa Solomoni, nigu wona edzi a nga ganeya khidzo khu monyo. Solomoni a di gu dziti gu khuye khu Jehovha enga a wutigu monyo nya muthu. (1Dzf 8:38, 39) Nombelo wa wumowo, wa gu yeyedza gu khuwo gomo gutumba ga gighohi gile gi dzilayago khu lisine gi bweleya ga Nungungulu. Khu giyeyedzo, vathu va Nungungulu va gu modwa khu nala wawe milombelo yawe yi di gu pwidwa khu Nungungulu va gu vbindrugedza va wuya ga Jehovha khu monyo wawe watshavbo. (1Dzf 8:48, 58, 61) Anethu, milombelo yathu hi yede gu yi gira na yi gu khugeya monyoni.
Kemba dzithomba nya liphuvbo
it-1 dzipaj. 472, 473, ndri. 10
Ndzadzini
Solomoni, a nga vbaha tempele eyi Jerusalema a di ganeya gu khuye: “ndzadzini ni ndzadzini gwa ndzadzini” kha gu mu eneleyi Nungungulu. (1Dzf 8:27) Gikhalo gya Jehovha, kha nga mu vangi wa ndzadzini gi khugegide ngudzu ga satshavbo nigu “lina laye li khusegide guvbindra malina yatshavbo; wudhumo waye wu khusegide vbatshani nya ndzadzi ni mafu.” Si ngu mu vbevbugeya Jehovha gu pima ndzadzini nga edzi muthu a pimago khidzo gilo khu gu ghwimba dzinyala dzaye. (Isa 40:12) Esi si nga tshamusedwa khu Solomoni, kha si thuli gu khiso Nungungulu mwalo wulanga nyo khale. Ni gu kha si thuli gambe gu khiso, womo ga satshavbo silo mwendro ga watshavbo wulanga. Isoso sa gu tiyiswa khu malito ma nga ganedwa khu Solomoni a nga khuye Jehovha a ngu engiseya ‘khu ndzadzini yoyo, wulangani a khadego avbo’ ndzadzini si gomogo sivangwa nya liphuvbo. — 1Dzf 8:30, 39.