Mitshamuselo yi gomogo omu nya mabhuku ma khumbugidwego omu nya Gibhukwana nya mitshangano nya thumo ni mavbanyelo
5-11 nya Setembro
DZITHOMBA NYA LITO LA NUNGUNGULU | 1 DZIPFHUMU 9–10
“Zundza Jehovha khu guti a gu nago”
w99 1/7 paj. 30, ndri. 6
Liendro li tshatshazedwego
Pfhumugadzi ya Sabha, tepo a nga mana ni Solomoni a di mu linga khu gu mu gira “siwudziso nya gulemele.” (1 Dzipfhumu 10:1) Lito nya Gihebheru li nga thumiswa avba, li nga vbindrugedzedwa gu pwani “sipimaniso.” Ganiolu isoso kha si thuli gu khiso Pfhumu ya Sabha, yi di mu gira siwudziso nya mba phasa. Si ngu lhamadzisa gu, lito lalimwedo nya Gihebheru li ngu thumiswa omu ga Ndzimo 49:4 gasi gu tshamuseya mahungo nya lisima nya nga gighoho, gufa ni dzegiso. Si nga gira pfhumugadzi ya Sabha na yi bhude ni Solomoni, khu mahungo nyo garadze gasi gu wona gu guti gwaye go hongola kala hayi. Bhibhiliya yari khiyo uye: “A di mu wudzisela satshavbo si nga bani si tade monyoni gwaye. Solomoni a di phindrula satshavbo siwudziso saye; gimwalo ni gimwegyo giwudziso nya gugaradze ngudzu, mufumeli Solomoni a nga mba gi phindrula.”— 1 Dzipfhumu 10:2b, 3.
w99 1/7 dzipaj. 30-31
Liendro li tshatshazedwego
Pfhumugadzi ya Sabha, yi hlamadzisidwe ngudzu khu guti ogu Solomoni a nga ba ari nago ni olu a nga ba a dugeleya avbo nya wufumo waye avbo nya gu a “vbela tshivba khu gusamala.” (1 Dzipfhumu 10:4, 5) Vambe va gu pwisisa gu malito yaya, mo vbweta gu tshanuseya gu Pfhumugadzi “yi di vbeya tshivba.” Mutshamuseyi nyo khaguri, a ndi ganeya gu khuye uye a di vboheya avbo nya gu a dzima. Hi nga si ganeya gu khethu, pfhumugadzi yi di hlamaleya khu esi yi nga siwona ni gu sipwa. Uye a di khuye, sithumi sa Solomoni si di ba si tsaka khu gupwa esi Pfhumu a nga ba a ganeya, nigu uye rungudzide Jehovha khu gu rumeya Solomoni kha nga Pfhumu. Khu gu landreya uye a di mu ninga sihiwa nyo dhure ngudzu si gu khiso, oru basi khu dzitsapawu dza muhuno dzi di gu dingana tanga nya 40, dzimiliyoni nya dzidholari. Anuye Solomoni ningide pfhumugadzi ya Sabha “satshavbo iso a nga mu lombago.” — 1 Dzipfhumu 10:6-13.
12-18 nya Setembro
DZITHOMBA NYA LITO LA NUNGUNGULU | 1 DZIPFHUMU 11–12
“Hatha gwadi oyu u vbwetago gu tshadha naye”
“Khu mani a emago ni Jehovha?”
7 Tepo Solomoni a nga ba a ngari muphya, a diri ni wupari nya wadi ni Jehovha. Nungungulu a di ninga Solomoni wugengeyi nya wukhongolo a bwe a mu ninga thumo nya lisima nyo vbahe tempele nyo mbure ngudzu Jerusalema. Ganiolu Solomoni vbeledwe khu wupari waye ni Jehovha. (1 Dzipfhumu 3:12; 11:1, 2) Nayo wa Nungungulu wu di gu khuwo pfhumu kha yi yeli gu “dzega vanyamayi nya gutale, gasi monyo waye wu si ndreyi.” (Dhewuteronome 17:17) Solomoni a di ndraga nayo wowo. A hegisa khu gu manega ni 700 vanyamayi ni 300 sibhayi! (1 Dzipfhumu 11:3) Gutala nya vanyamayi vovo va diri va mambe mayigo va nga ba va khozeya vanungungulu nya malipha. Khu kharato Solomoni a di ndraga nayo wa Nungungulu nya gu mba dzegana ni vanyamayi nya mambe mayigo. — Dhewuteronome 7:3, 4.
U nga vhikeya kharini monyo wago?
6 Sathane o vbweta gu khuye hi fana naye, a gu gindraga-milayo gi vetago khu lisabi milayo ya Jehovha kholu a gu khathala khu silo saye basi. Sathane mwalo makodzelo nyo hi gurumedze gu pimisa ni gu gira esi uye a girago. Khu kharato a gu zama gu tadzisa misuwo yaye khu dzimbe dzindziya. Khu giyeyedzo, a gu hi gira ni manega vbakari nya vathu a kodzidego gu va senga khu gale. (1 Joh. 5:19) Nigu a gu vireya gu khuye hi dzi pwananisa navo, ambari olu hi dzitigo gu khethu gidinga nya mba gyadi gi na “vivbisa” mwendro gu pengisa mapimiselo yathu ni sigiro sathu. (1 Kor. 15:33.) Pfhumu Solomoni thegede naphwini wowo. A di tshadha ni vanyamayi nya vangi va nga ba va si khozeyi Jehovha, nigu avo va hegiside khu gu pengisa mapimo yaye va bwe va “ndreyisa monyo waye” ga Jehovha khu vbadugwana-vbadugwana. — 1Dzf 11:3.
“Khu mani a emago ni Jehovha?”
9 Ganiolu Jehovha gima kha si veti khu lisabi sighoho. Bhibhiliya yari khiyo: “[Jehovha, NM] a di goroga khu Solomoni, kholu monyo waye wu nga pfhurarela [Jehovha, NM].” Nungungulu zamide gu phasa Solomoni. Jehovha a dzi wonegiside “nyondro mbili avbo gwaye, a mu leletela gukhuye a si dzi ningedzeli ga vambe vanungungulu. Aholu uye kha nga vegisa sileletelo sa [Jehovha, NM].” Kha nga handro wakona, uye a di luza gutsakedwa ni giphaso gya Jehova. Jehovha kha dzumeleya situgulwana sa Solomoni gu fuma litigo latshavo la Israyeli, nigu si emisanide ni sigaradzo nya sikhongolo khu myaga nya yingi. — 1 Dzipfhumu 11:9-13.
Kemba dzithomba nya liphuvbo
w18.06 dzipaj. 30-31, dzindri. 1-4
Na Tsakedwe Khu Nungungulu
Robhowamo olu a di tshanganisa masotshwa yaye gasi gu ya dwana ni mahundzu nya vawugeyi. Khu kharato, Jehovha a di rumeya muprofeti Semaya a ya va embeya gu khuye: “Mu nga dugi mu ya dwana ni vandriyanu va na Israyeli, muthu ni muthu a na bwelele gaya gwaye, kholu eni kheni nyi giridego thumo wowu.” — 1 Dzipfhumu 12:21-24.
Ina si di gu mu vbevbugeya Robhowamo gu engisa Jehovha? Ginani egi vathu va nga hadzi gi pimisa khu pfhumu yawe nya yiphya? Uye a di va embede gu khuye a na va tsayisa “khu dzihume,” ganiolu ga tepo yeyi gimwalo a nga hadzi gu gira khu wuwugeyi wowu! (Fananisa ni 2 Dzikoronika 13:7.) Ambari ulolo, kha khathala khesi vathu va nga hadzi pimisa khuye, pfhumu ni mosotshwa yaye va di “yingisa magana ya [Jehovha, NM], va bwelela magaya gwawe kha nga idzo PFHUMU Nungungulu a nga ganelago khidzo.”
Ginani hi gi hevbulago avbovbo? Wugengeyi gu engisa Jehovha tepo yatshavbo ambari vathu va gu hi hega khu gu gira isoso. Nungungulu a na hi kategisa tepo yatshavbo ha gu mu engisa. — Dhewuteronome 28:2.
Ina Robhowamo kategisidwe khu gu engisa gwaye? Robhowamo fumide mahundzu ya Judha ni Bhejami, a bwe a hunga gu vbaha mambe madhoropa sipandreni momo. Mambe a di bwe a ma “tiyisa ngudzu.” (2 Dzikoronika 11:5-12) Nya lisima ngudzu ga satshavbo khu gu uye engiside milayo ya Jehovha khu tepo nyo khaguri. Khu kotani nya olu mufumo nya likhume mahundzu wu phedego gu khozeya sifananiso, nya vangi vakona va iyoyo va di hongola Jerusalema va ya seketeya Robhowamo ni wukhozeyi nya lisine. (2 Dzikoronika 11:16, 17) Khu kharato, khu kotani nya olu Robhowamo a engisidego Jehovha, mufumo waye wu di tiya.
19-25 nya Setembro
DZITHOMBA NYA LITO LA NUNGUNGULU | 1 DZIPFHUMU 13–14
“Khu ginani hi yedego gu eneledwa khesi hi gu naso ni gu ninganiseya?”
w08 15/8 paj. 11, ndri. 15
Simama nu tumbegide nuri ni monyo moyo
15 Hi nga hevbula gambe ginani, khu gihoso gi giridwego khu muprofeti wa Judha? Mavingu 3:5 wari khuye: “Tumba PFHUMU Nungungulu khu monyo wago watshavbo.” Vbavbandze nya gu tumbe Jehovha nga edzi a nga ba a gira khidzo gale ga tepo yeyi muprofeti wa Judha a di dzi tumba. Gihoso gegi gi mu giride a luza womi waye ni lina nya ladi mahoni ga Nungungulu. Esi si nga mu dugeleya so yeyedza lisima nya gu thumeye Jehovha khu gu tumbega.
Kemba dzithomba nya liphuvbo
Jehovha o khedza makhalelo yathu nya yadi
w10 1/7 paj. 29, ndri. 5
Malito ya omu ga 1 Dzipfhumu 14:13, ma gu hi hevbudza khu Jehovha ni esi a si vbwetago gwathu. Dundruga gu khuwe Abhiya, wonidwe na lulamide. Edzi si wonegago khidzo, Jehovha vbwetedzede monyoni gwaye kala a mana gilogyo nya gyadi. Mutshamuseyi nyo khaguri a di khuye: “Ndrangani ga Abhiya uye o fana ni thomba yi sihadego vbakari nya gigomo nya siwindri. Jehovha, ningide ngudzu lisima likhalelo nya ladi eli Abhiya a nga ba a ri nalo, nigu a mu tshatshazede khu gu mu yeyedza wuhindzi ambari olu va ndrangani gwaye va nga ba va gira silo nya guvivbe.
26 nya Setembro–2 nya Outubro
DZITHOMBA NYA LITO LA NUNGUNGULU | 1 DZIPFHUMU 15–16
“Asa giride silo khu gutiya hwambo — Uwe ke?”
w17.03 dzipaj. 19, 20, ndri. 7
Thumeya Jehovha khu monyo wago watshavbo!
7 Ndziya nya gu pimedzeye Pfhumu Asa, khu gu thumeya Nungungulu khu monyo watshavbo ambari sa gu garadza. Hi nga dziti kharini gu khethu hi ngu gira isoso? Hi nga dziwudzisa gu khethu: Ina nyi dzi emisede gu tumbega ga Jehovha ni gu simama gu vhikeya libandla ga mavbanyelo nya guvivbe? Si vbwetegide gu Asa, a tiya hwambo gasi a dusa vhovho waye wulangani waye nya wupfhumugadzi. Dzimbe dzitepo si na vbwetega gu anuwe, u tiya hwambo nga Pfhumu Asa. Khu giyeyedzo, nga dundrugeya moyo nya valongo vago mwendro pari yago nya yikhongolo ngudzu yi duswa libandlani kholu yi nga ghoha ni gu yi si dzilayi, ina u di hadzi gu dzi emiseya u ema gu gira wupari naye? Ginani egi monyo wago wu nga hathago gu gira?
Kemba dzithomba nya liphuvbo
w98 15/9 dzipaj. 21-22
Ina Nungungulu womo khu lsine?
Khu giyeyedzo, leri khu giprofeto nya tsayiso nya gu vbahedze Jeriko khu gu landreya u wona edzi gi nga tadzisega khidzo. Josuwa 6:26 wari khuye: ‘Khavbo avbo, Josuwa a di gira gisambanyo gegi, khuye: “A na vadwe mbeli ga Pfhumu Nungungulu wule a na gu yedzago gu vbahedza lidhoropa leli la Jeriko! Gikhati a na girago khokhweni, gi nafe gyanana gyaye nya matiwula; gikhati a thelago malimba, gi nafe gyanana gyaye nya mahegiso.”’ Giprofeto gegi, gi tadzisegide hwane nya 500 myaga kha nga hi lerigu omu ga 1 Dzipfhumu 16:34: “Matshigoni [ya Pfhumu Akabhi] Hiyeli, wa na Bheteli, a di vbahedza Jeriko. Gikhati a nga bani na gu vegedzela giseketelo, a difa mwanaye nya matiwula Abhiramo. Avbo a nga bani na gu vegedzela malimba yakone, a difa mwanaye nya mahegisela Segubi, mayelano nidzo a nga bani na gu ganede khidzo PFHUMU Nungungulu khu ga Josuwa, mwamana wa Nuni.” Nungungulu nya lisine basi a nga hadzi profeta khu silo sesi a bwe a tadzisa.
3-9 nya Outubro
DZITHOMBA NYA LITO LA NUNGUNGULU | 1 DZIPFHUMU 17–18
“Avbo nya mawonelo mavili, u na vbedza tepo muni na wu gu zama gu hatha limwedo?”
ia paj. 88, ndri. 15
Uye emede wukhozeyi nya lisine
15 Vapristi va Bhahali, avo va di gulumela va wombedzelana dzihuwa va dzi hendrelela khu migala ni si singwana kha nga giolovedzo gyawe, kala novba wu goga sivilini gwawe.” Ganiolu isoso, kha sa phasa gilo! “Aholu kha va ngapwa lito, ambari phindrulo mwendro gu wona gilo.” (1Dzf 18:28, 29) Khu lisine, gu di ri mwalo Bhahali. Ayoyo gu diri mano ya Sathane nya gu vbwete gu ndreyisa vathu ga Jehovha. Khu lisine, gu hatha ni yevbi pfhumu na si ri Jehovha isoso si nga gira gu u dzilaya mwendro gu thega dzitshoni. — Leri Ndzimo 25:3; 115:4-8.
ia paj. 90, ndri. 18
Uye emede wukhozeyi nya lisine
18 Eliya na ngasi giri nombelo, si nga gira vathu na va dzi wudziside gu khavo: ‘Ina Jehovha khandri Nungungulu nya malipha gu fana ni Bhahali?’ Ganiolu, hwane nya gu ba na giride nombelo avo kha va kanakana gambe. Bhibhiliya yari khiyo: “Khavbo avbo, khu githugedza wu di thega nilo wa PFHUMU Nungungulu wu ta vbisa nyama yatshavbo wu tsagamisa phaso, dzikhuni, siwindri, bwelo khavbo wu minya ni mati ya umo nya sele.” (1Dzf 18:38) Nga wona hlamulo nyo hlamadzise! Ginani egi vathu va giridego?
10-16 nya Outubro
DZITHOMBA NYA LITO LA NUNGUNGULU | 1 DZIPFHUMU 19–20
“wona edzi Jehovha a hi thaveleyago khidzo”
w19.06 dzipaj. 15, 16. ndri. 5
Tumba Jehovha wa gu ba u garadzegide
5 Leri 1 Dzipfhumu 19:1-4. Eliya a di thava tepo Jezabheli a nga luga mano nyo mu songe. Khu kharato a di tutumeya gipandreni gya Bherisebha. A di garadzega ngudzu nyo bwe a “lomba gufa.” Khu ginani a dzipwidego khu ndziya yoyo? Khu gu Eliya a diri muthu nya mba vbeleya, “a diri muthu kha nga ethu.” (Jak. 5:17) Adzina vbede tshivba khu gu ba a garadzegide ngudzu ni gupwa migaralo nya yikhongolo. Si nga gira na pimiside gu khuye gudzigaradza gwaye gasi gu andrisa wukhozeyi nya lisine si diri gu thumeya giburwana, mwalo ni muIsrayeli moyo a nga ba tshunguhedza, nigu khuye enga a nga ba a ngo thumeya Jehovha. (1 Dzipf. 18:3, 4, 13; 19:10, 14) Adzina hi nga samadziswa khedzi muprofeti yoyo nyo tumbege a dzi pharidego khidzo. Ganiolu Jehovha pwisiside edzi Eliya a nga ba a dzipwa khidzo.
ia paj. 106, ndri. 21
Uye thaveledwe khu Nungungulu waye
21 Matimu mo hi embeya gu khayo, Jehovha kha nga ba a gira gipandre nya siyeyedzo soso nyo samadzise nya tshivba nya tumbunugo. Eliya, a di gu dziti gu khuye Jehovha, khandri Nungungulu nya gilo nyo khaguri nya tumbunugo gu fana ni edzi vakhozeyi va Bhahali va nga ba va khodwa khidzo gu khavo Bhahali khuye a nga ba a wisa ndzadzi. Jehovha khuye gibuga nya lisine nya silo satshavbo nyo samadzise si gomogo. Ganiolu, uye khongolo gu vbindra ni gevbini a nga gira. Ambari kamo ndzadzini kha gu mu eneleyi. (1Dzf 8:27) Satshavbo sesi, si mu phaside kharini Eliya? Dundruga gu khuwe uye a di gu thava. Eliya kha nga ba a yede gu thava Akabhi mwendro Jezabheli kholu Jehovha Nungungulu nya lisine a diri naye a gu Nungungulu oyu a gu ni tshivba nya gu muphase. — Leri Ndzimo 118:6.
Kemba dzithomba nya liphuvbo
w97 1/11 paj. 31, ndri. 1
Giyeyedzo nya dzi ningedzeye ni gu tumbega
Sithumi nya singi sa Nungungulu muhuno, si ngu yeyedza liphuvbo nya gu dziningedzeye. Vambe va ngu rura khomu va khalago, va hongola va ya phasedzeya thumo nyo tshumayele umo gu vbwetegago giphaso mwendro gu thuma kha nga givbango nya ndranga ya Bheteli. Vambe va ngu endra va hongola umo nya mambe mayigo va ya thuma umo nya dziprojeto nya gu vbahe. Vambe va ngu dzumeya mithumo yi wonwago na yiri ya vbavbatshi. Ganiolu, mwalo a thumeyago Jehovha a girago thumo nya mba phasa gilo. Jehovha, a ngu ninga lisima vatshavbo va girago thumo wowo, nigu a ngu kategisa liphuvbo lago nya gu dziningedzeye. — Marko 10:29, 30.
17-23 nya Outubro
DZITHOMBA NYA LITO LA NUNGUNGULU | 1 DZIPFHUMU 21–22
“Pimedzeya edzi Jehovha a thumisago khidzo wuthangeyi”
“Kristo khuye hungo a fumelago vama vatshavbo”
9 Gudzinogisa. Jehovha khuye muthu nya guti gu vbindra vatshavbo, ambari ulolo, uye a ngu engisa mawonelo nya sithumi saye. (Gen. 18:23, 24, 32) Nigu uye gambe a ngu dzumeya mawonelo yaso. (1 Dzipf. 22:19-22) Jehovha muthu nyo vbeleye, ganiolu, uye kha vireyi gu khuye sithumi saye si vbeleya. Gu hambana ni isoso, uye a gu phasa sithumi saye gu mu thumeya khu ndziya nya yadi. (Ndzi. 113:6, 7) Khu kharato, si ngu pwala gu Bhibhiliya yi mu rana khiyo Jehovha, “muphasedzeli.” (Ndzi. 27:9; Hebh. 13:6) Pfhumu Dhavhidhe ganede gu khuye si kodzide gu gira thumo a emisidwego gu wu gira kholu Jehovha a gu muthu nyo dzinogise.— 2 Sam. 22:36.
Kemba dzithomba nya liphuvbo
Sa gu thula ginani gu dzi laya khu lisine?
4 Khu kharato, tepo nya gu Jehovha a gira gilogyo yi di vboha. Jehovha a di rumeya muprofeti Eliya gasi guya embeya Akabi ni Jezabheli edzi va nga vbweta gu tsayiswa khidzo. Ndranga yawe yatshavbo yi di hadzi songwa. Malito ya Eliya ma khuhide ngudzu Akabi. Egi gi hlamadzisago khu gu mwama wule nya gu dzi khusedze a di dzi nogisa. — 1 Dzipf. 21:19-29.
5 Ga giemo gile, Akabi a dzi nogiside, ganiolu esi si giregidego khu gu landreya si yeyedzide gu khiso Akabi kha nga ba a dzi layide khu lisine. Uye kha zama ni gu dusa wukhozeli wa Bhahali khavba nya mufumo waye nigu uye kha kutsa vambe gu khozeya Jehovha nigu simbe silo a giridego Akabi si di gu yeyedza gu khiso uye kha nga ba a dzi layide khu lisine.
6 Khu hwane Akabi a di lomba Pfhumu ya Judha Josafati gasi guya dwana vatshavbo ni va Asiriya. Josafati a diri Pfhumu nya yadi, a di gu tumba Jehovha nigu a di va ninga mawonelo nya gu hongole va ya wudzisa muprofeti wa Jehovha, gasi vati esi va yedego gu gira na va si gu hongoli nyimbitunu. Gu pheyani, Akabi kha ma tsakeya mawonelo yoyo. Uye a di khuye: “Womo mumbe mwama nya gupwani khu Mikeya, mwamana wa mila, khavbo gwaye gu ngu kodzega gu wudzisa Pfhumu Nungungulu. Aholu eni nyi ngu mu nyenya, kholu uye gima a si nyi profeteli silo nya sadi.” Ambari ulolo, avo va di ya wudzisa muprofeti Mikeya. Kha nga a ganedego Akabi, muprofeti wa Nungungulu kha nga ganeya silo nya sadi khu uye. Akabi na dzi layide a lomba gu divaledwa khu Jehovha, ganiolu uye kha gira isoso, uye a di ruma gu muprofeti wa Jehovha a thedwa pasoni. (1 Dzipf. 22:7-9, 23, 27) Lisine gu Akabi a si kodzide gu theya muprofeti wa Jehovha pasoni, ganiolu uye kha si kodza gu himbedzeya giprofeto gya Jehovha gu tadzisega. Ga nyimbi yi nga landreya, Akabi a di songwa. — 1 Dzipf. 22:34-38.
24-30 nya Outubro
DZITHOMBA NYA LITO LA NUNGUNGULU | 2 DZIPFHUMU 1–2
“Giyeyedzo nya gyadi nyo treyinari”
w15 15/4 paj. 13, ndri. 15
Edzi madhota ma treyinarigu khidzo vambe gasi gu mana malungelo
15 Matimu ma ganeyago khu Elizewu, mu tshikedzi wa Eliya ma ngu hevbudza vandriyathu muhuno edzi va yedego gu yeyedza khidzo githawo madhota ma vidzidwego. Litshigu limwedo, hwane nya gu ba na va wusede tsawa nya vaprofeti tigoni ga Jeriku, Eliya ni Elizewu va gimbide kala tsongoni ga Joridhani. “Khavbo avbo, Eliya a di dzega libhadzi laye a li peta a veta khilo mati, ayo ma di kabanega.” Hwane nya gu ba na va tshatugide, avo va di simama “gu bhula.” Matimu mo ganeya gu khayo Elizewu, kha nga ba a dzi embeya gu khuye a nguti satshavbo. Kala yi nga vboha tepo nya gu Eliya a hongola, Elizewu a di gu engiseya gwadi esi muhevbudzi waye a nga ba a ganeya. Khavbovbo, Eliya a di khusedzwa khu gipupwane. Khu gu gimbiya nya tepo na va gu bweleya Joridhani, Elizewu a di veta mati khu libhadzi la Eliya a ganeya gu khuye: ‘U womo hayi uwe Jehovha Nungungulu wa Eliya?’ Mati ma di kabanega gambe. — 2Dzf 2:8-14.
Kemba dzithomba nya liphuvbo
w05 1/8 paj. 9, ndri. 1
Gu khanyiswa ga libhuku la 2 Dzipfhumu
2:11 — Gu diri ginani ndzadzini avbo ‘Eliya a nga khusedzedwa khumo nya gipupwane?’ Matimu yaya, kha ma thuli sipandre nyo khaguri sa mafuni ni ndzadzini mwendro wulanga owu Nungungulu a khalago ni dzingilozi dzaye. (Dhewuteronome 4:19; Ndzimo 11:4; Matewu 6:9; 18:10) “Ndzadzini” umo Eliya a nga khusedzedwa sa gu thula atmosfera. (Ndzimo 78:26; Matewu 6:26) Edzi si wonegago khidzo, movha nya nilo yi di endra khu atmosfera yi dusa Eliya khomu a nga ba a romo yi mu yisa ga gimbe gipandre gya mafuni umo uye a nga simama gu vbanya khu tepo nyo khaguri. Hwane nya gu ba yi vbindride mwaga nyo khaguri, Eliya a di loveya lidangaliya Joramu Pfhumu ya Judha.— 2 Dzikoronika 21:1, 12-15.
31 nya Outubro–6 Novembro
DZITHOMBA NYA LITO LA NUNGUNGULU | 2 DZIPFHUMU 3–4
“Dzega gyanana gyago”
w17.12 dzipaj. 4, 5, ndri. 7
“Nyi ngu dziti nya gu kheni, a na wuga”
7 Guwuswa nya wuvili ga ava va fudego, gu thudwago khu Bhibhiliya gu giridwe khu Elizewu muprofeti a tshikedzidego Eliya. Nyamayi nyo ghanye wa tigoni ga Sunemi, a di yeyedzide wuhindzi nya wukhongolo ga Elizewu. Jehovha, tshatshazede nyamayi yoyo ni mwama waye a nga ba a dandride khu tanga khu gu va ninga gyanana. Hwane nya gu ba na yi vbindride mwaga nyo khaguri, gyanana gyogyo gi difa. Nga dundrugeya khedzi mamayi wakona a dzipwidego khidzo. Uye a di gira lipfhumba nya (30 km) kala gigomoni gya Karimelo avbo Elizewu a nga ba a romo. Elizewu, rumede muphasedzeyi waye Gheyazi gasi a hongola tigoni ga Sunemi. Ganiolu Gheyazi, kha si kodza gu wusa gyanana gile gi nga ba gi fude. Nya mba hweya Elizewu ni mamayi wa gyanana gile gi nga ba gi fude, va di vboha. — 2Dzf 4:8-31.
w17.12 paj. 5, ndri. 8
“Nyi ngu dziti nya gu kheni, a na wuga”
8 Elizewu, a di beya nyumbani gi nga ba giromo gyanana gile a gombeya. Khiyo tepo Jehovha a nga gira gilewugiso, nya gu gyanana gile gi wuga gi vbanya gambe. Nya mba kanakana mamayi wa gyanana gile tsakide ngudzu. (Leri 2 Dzipfhumu 4:32-37.) Si nga gira na dundrugide nombelo wu nga girwa khu Ana tepo a nga dzega Samuweli a hongola naye nyumbani ga Jehovha: ‘Jehovha . . . a ngu kodza gu reledza vathu thowoni ni gu va dusa.’ (1Sa 2:6) Gilewugiso gyogyo, gi yeyedzide gu Jehovha, na ni tshivba nya gu wuse muthu a vbanya gambe.