Mitshamuselo yi gomogo omu nya mabhuku ma khumbugidwego omu nya Gibhukwana nya mitshangano nya thumo ni mavbanyelo
7-13 nya Novembro
DZITHOMBA NYA LITO LA NUNGUNGULU | 2 DZIPFHUMU 5-6
“Ava hi gu navo, vangi ngudzu guvbindra avo”
w13 15/8 paj. 30, ndri. 2
Elizewu wonide dzikareta nya nilo, uwe ke u ngu si kodza gu dzi wona?
Ambari olu Elizewu a nga ba a randredwe khu valala tigoni ga Dhotani, uye simamide na rude. Khu ginani? Kholu a diri ni gu khodwa nyo tiye ga Jehovha. Anethu hi yede gu manega ni gukhodwa nyo fane. khu kharato, hi yede gu simama gu gombeya hi lomba liphuvbo nya guage la Jehovha gasi hi yeyedza gukhodwa ni mambe makhalelo ya liphuvboni. —Lu 11:13; Ga 5:22, 23.
Kemba dzithomba nya liphuvbo
w05 1/8 paj. 9, ndri. 2
Gukhanyiswa ga libhuku la 2 Dzipfhumu
5:15, 16 —Ginani gi nga gira Elizewu a bomba giningwa gya Nahamani? Elizewu kha dzumeya ginigwa gile kholu, a di gu dziti gu khuye gilewugiso gile gi nga gira gu Nahamani a hawuluga yi diri tshivba ya Jehovha nasiri tshivba yaye. Si diri wupumbu gwaye gu zama gu wuyedwa khu thumo owu a nga ba a ningidwe khu Nungungulu. Khu ndziya nyo fane, muhuno vakhozeyi nya lisine va Nugungulu, kha va zami gu wuyedwa khu thumo va gireyago Nungungulu. Avo va ngu ninga ngudzu lisima gihevbudzo gya Jesu gi gu khigyo: “Mu ningidwe mahala; ningelani nenu mahala.”— Matewu 10:8.
14-20 nya Novembro
DZITHOMBA NYA LITO LA NUNGUNGULU | 2 DZIPFHUMU 7-8
“Jehovha a ngu gira gu esi si wonegago na si si kodzegi gu girega, si girega”
it-2 paj. 188, ndri. 7
Wenengedzo
Dzipfhumu nya gitugulwana gya Dhavhidhe. Jehovha Nungungulu, vegide Pfhumu Dhavhidhe avbo nya gikhalo nya wufumu gya Israyeli, nigu khu gu phaswa khu Nungungulu Dhavhidhe yeyedzide gu adiri muthangeyi nya wadi. khu kharato a di gu ranwa gu pwani ‘wenengedzo ya Israyeli.’ (2Sa 21:17) Jehovha a di tumbisa esi tepo a nga gira gidzumeledzwano ni Dhavhidhe: “Gikhalo nya wufumu wago gi na simama kala gupindruga.” (2Sa 7:11-16) Khu kharato, avo va nga khala dzipfhumu khu gu landreya tigoni ga Israyeli gu diri situgulwana sa Dhavhidhe, nigu Solomoni gyanana gya Dhavhidhe gi diri “wenengedzo” ga Israyeli. — 1Dzf 11:36; 15:4; 2Dzf 8:19; 2Dzik 21:7.
21-27 nya Novembro
DZITHOMBA NYA LITO LA NUNGUNGULU | 2 DZIPFHUMU 9-10
“Uye giride satshavbo khu tiya-hwambo, gudziemiseya ni sighingi”
w11 15/11 paj. 3, ndri. 2
Jewu a emeya wukhozeyi nya lisine
Jewu, ningidwe thumo tepo Vaisrayeli va nga ba va romo umo nya giemo nyo garadze. Litigo li di gu fumwa khu wufumu nya guvivbe nya wufumu wa Jezabheli, noni ya Akabi ni mamayi wa Pfhumu Joramu. Uye a di gu gira miphaso ga Bhahali silo si nga ba si nyenyezisa wukhozeyi wa Jehovha, a songa vaprofeti va Nungungulu ni gu ghoha mapimiselo nya vathu khu wubhayi ni wuloyi waye. (2Dzf 9:22; 1Dzf 18:4, 13) Jehovha, a di ruma gu fuvisa ndranga yatshavbo ya Akabi gu pata ni Joramu ni Jezabheli. Jewu khuye a nga emiswa gasi gu gira thumo wowu.
w11 15/11 paj. 5, dzindri. 3-4
Jewu, a emeya wukhozeyi nya lisine
Lisine gu Jewu vbaladzide ngudzu novba. Ambari ulolo, milowo yo ganeya gu khiyo uye a diri mwama nya gutiye hwambo a nga tshudzisa Vaisrayeli mandzani ga Jezabheli ni ndranga yaye. Ni wevbini muthangeyi wa Israeli a nga hadzi gira isoso, gasi a dugeleya a di yede guva mwama nya gutiye hambo nyo dziemiseye ni gu vbisega. Dhisiyonaryu nyo khaguri nya Bhibhiliya yari khiyo: “Wu diri thumo nya gulemeye, nigu wu giridwe khu ndziya nya gu vbeleye.” Nari khatshi va di thumisa dzindziya nya guvbevbuge khu lisine, na sa sa kodzega gu vbulugisa Vaisrayeli avbo nya wukhozeyi wa Bhahali.
Nya mba kanakana, u ngu dziti gu khuwe silo nyo khaguri si dugeleyago makristo muhuno si ngu lombega gu va yeyedza makhalelo nyo khaguri nya nga ya Jewu. Khu giyeyedzo, ginani hi nga girago ha gu lingwa gu gira gilo gi gu mba tsakisa Jehovha? Hi yede gu bomba khu gu kongoma na hi tiyide. Avbo nya wukhozeyi wathu ni Nungungulu, kha hi yeli gu diga ni gevbini gi hi hambanisa ni Jehovha.
28 nya Novembro–4 nya Dezembro
DZITHOMBA NYA LITO LA NUNGUNGULU | 2 DZIPFHUMU 11-12
“Gulamudwa ga nyamayi nyo vivbedwe khu monyo ni magundrele”
it-1 paj. 247
Ataliya
Ataliya gufanana ni mamayi waye Jezabheli, a di gu kutsedzeya mwama waye Jeyoramo gu gira esi si nga ba si vivbide mahoni ga Jehovha tepo a nga ba a fuma khu 8 myaga. (1Dzf 21:25; 2Dzik 21:4-6) Nigu gufanana ni mamayi waye, Ataliya vbaladzide novba nya vathu nya mba na nandru. Akazi tepo gyanana gyaye gi nga ba gi gira silo nya guvibe gi ngafa, hwane nya gu ba na fumide tanga nya mwaga uye a di songa vatshavbo va ndrangani ga Pfhumu, vbavbandze ga Jowasi a nga ba a sihidwe khu mupriti nya khongolo ni mwangadzi waye a gu tiya wa Jowasi. Hwane nya isoso, Ataliya a di dzi gira Pfhumu tanga nya 6 myaga khu 905 kala 899 masi gu vbohi matshigu yathu. (2Dzik 22:11, 12) Sanana saye si diba nyumbani ga Nungungulu nya guage va ya gireya khiso miphaso Bhahali. —2Dzik 24:7.
Kemba dzithomba nya liphuvbo
it-2 paj. 31
Jowasi
Na ngu gu vbanya mupristi nya khongolo Joyadha, a di gu ninga wusingalagadzi ni gu phara Jowasi nga gyanana gyaye, khu kharato Jowasi a di dugeleya. Na tshadhide tepo a ng aba ari ni 21 myaga, a diri ni vanyamayi vavili nigu moyo wawe a di gu ranwa gu phwani Joyohadhani nigu velegide sanana ni vanyamayi vovo vavavili. Khu kharato lifumbu la Dhavhidhe li di simama kala ga Mesiya, nigu ambari olu lifumbu leli li nga ba li vbwetwa gu fuviswa ilo li di wusedzwa li tiya gambe. —2Dzf 12:1-3; 2Dzik 24:1-3; 25:1.
5-11 nya Dezembro
DZITHOMBA NYA LITO LA NUNGUNGULU | 2 DZIPFHUMU 13-15
“Gudzigaradza khu monyo wago watshavbo si ngu resa makategwa nya mangi”
w10 15/4 dzipaj. 26, 27, ndri. 11
Ina u ngu landreya Kristo khu gu vbeleya?
11 Gasi gu wona lisima nya guvbisege thumoni wa Nungungulu, hongoleni hi wona esi si giregidego womini wa Pfhumu Jowasi wa Israyeli. Tepo Asiriya a nga pala Israyeli, Jowasi a di garadzega a hongola ga Elizewu na gu liya. Muprofeti a di mu embeya gasi a rinya litshari khavbo nya janela na gu potari asiriya iso si nga ba si yeyedza gu khiso Jehovha a di hadzi mu gira a pala litigo lile. Nya mba kanakana, isoso si tiyiside Pfhumu. Khu gu gulandreya, Elizewu a di embeya Jowasi gu dzega matshari a pola khayo vbavbatshi. Jowasi pode khayo vbavbatshi guraru. Elizewu gorogide ngudzu khu isoso kholu gupaya vbavbatshi sinku mwendro seiz sikhati si di gu thula gu pala vatshavbo Vasiriya. Jowasi a di hadzi gu pala guraru basi. Gu mba manega ni sighingi si giride gu gupala ga Jowasi gu hegedwa. (2 Dzipfhumu 13:14-19) Matimu yaya ma gu hi hevbudza ginani? Ha gu thumeya Jehovha khu monyo wathu watshavbo ni gu vbisega Jehovha a na hi kategisa ngudzu.
w05 1/8 paj. 11, ndri. 3
Gu khanyiswa ga libhuku la 2 Dzipfhumu
13:20, 21 —So thula gu khiso gilewugiso gegi, gi ngu seketeya silo si khozedwago umo nya wukhozeyi nya malipha? Ahihi. Bhibhiliya kha yi ganeyi gu khiyo sirambo sa Elizewu si khozedwe. Gilewugiso gyogyo gi di girega khu tshivba ya Nungungulu gu fana ni esi si nga girwa khu Elizewu na ngu gu vbanya.
12-18 nya Dezembro
DZITHOMBA NYA LITO LA NUNGUNGULU | 2 DZIPFHUMU 16-17
“Gulaphisa monyo ga Jehovha gu ngu hegedwa”
it-1 paj. 450
Wugumbini
Wufumu wa Norte nya 10 mahundzu ya Israyeli ni wufumu wa Sul nya 10 mhundzu ya Judha wu di khothedwa khu ginghelo gyagimwegyo: Va di diga gu khozeya Nungungulu nya lisine Jehovha gasi va ya khozeya nungungulu nya malipha. (Dhet 28:15, 62-68; 2Dzf 17:7-18; 21:10-15) Jehovha giride gipandre gyaye, khu gu tepo yatshavbo a rumeya vaprofeti gasi va ya dundrugisa yatshavbo mifumo ya mivili ganiolu isoso kha sa phasa gilo. (2Dzf 17:13) Ga mahundzu yatshavbo ya mavili gu mwalo ni pfhumu mweyo ya Israyeli yi nga fuvisa khu gu vbeleya wukhozeyi nya malipha owu wu emisidwego khu Jorobhowamu a nga ba ari pfhumu nyo pheye ya tigoni mule. Ndriyaye, lihundzu la Judha a nga ba a fumeya Sul a nga diga gu engisa sigengedzo nyo kongome a nga ningwa khu Jehovha nga giyeyedzo gya Israeli a nga ba a thegede wugumbini. (Jer 3:6-10) Vavbanyi nya mifumu yeyi yamivili, va di duswa khu tigoni va nga ba va romo umo va yiswa ga limbe litigo khu guhegisa va ruriwa gambe.
19-25 nya Dezembro
DZITHOMBA NYA LITO LA NUNGUNGULU | 2 DZIPFHUMU 18-19
“Edzi vawugeyi va zamago khidzo gu hi vbedza tshivba”
w05 1/8 paj. 11, ndri. 5
Gukhanyiswa ga libhuku la 2 Dzipfhumu
18:19-21, 25 —Ina Ezekhiya giride gidzumeledzwano ni Egiptu? Ahihi. Rabhisaki, liphide khu gu singedza Ezekhiya kha nga edzi a nga lipha khidzo tepo a nga khuye a di dzumeledwa khu Jehovha. Pfhumu nyo tumbege Ezekhiya, a di gu tumba basi Jehovha.
w10 15/7 paj. 13, ndri. 3
“U nga thavi kholu nyi na gu phasa”
Rabhisaki thumiside malipha gasi gu resa gu kanakana. Adi khuye: “Ina khandruye Nungungulu wule a nga khungumuledwa malanga yaye nya gukhugege ni silewugiso saye khu Ezekhiya?” Pfhumu Nungungulu a nyi embede khuye: “Gwela ga Iitigo leli u ya li sasela.” (2Dzf 18:22, 25) Khu kharato, Rabhisaki a di ganeya gu khuye Jehovha kha na nga dwaneya litigu lile kholu li di mu khunguvanyiside. Ganiolu, si di siri lisine. Jehovha, di gu tsaka khu Ezekhiya ni vaJudha kholu va di pheledzide gu mu khozeya gambe. —2Dzf 18:3-7.
yb75 paj. 177, ndri. 2
Alemanha (gipandre 1)
Si ngu samadzisa gu, vathu vatshavbo va SS (forças armadas de elite da Alemanha) va di gu ganeya silo nya malipha gasi gu zama gu muthu nyo khaguri a sinari lidangaliya, nigu nya mba hweya va di gu wugeya ni gu tshanisa vathu vovo hwane nya gu ba na va sinaride lidangaliya. Karl Kirscht a gu dzumeya khuye: “Ga wulanga gu nga ba gu tshaniswa vathu, dzifakazi dza Jehovha khidzo dzi nga ba dzi tshaniswa ngudzu gu vbindra vambe. Kholu va di gu pimisa gu khavo va gu thumisa dzindziya dzodzo, vandriyathu va di hadzi gu dzumeya gu sinari lidangaliya. Va di gu khaleya gu va gurumedza gu sinari. Vambe va sinaride, ganiolu va di yede gu vireya mwaga mowo ni gu vbindra gasi va tshudziswa. Ndrani nya tepo yoyo, va di gu embedwa khu va SS (forças armadas de elite da Alemanha) gu pwani vapfhadzi, va nya hwanga nigu va di gu gurumedzwa gu gira silo si nga ba si ranwa gu pwani ‘passeio de honra’ na va gu wonwa khu vandriyawe va nga bomba gu sinari, na va si dzumedziswi gu duga ga wulanga wule gu nga ba gu tshaniswa vathu.”
26 nya Dezembro–1 nya Janeiro
DZITHOMBA NYA LITO LA NUNGUNGULU | 2 DZIPFHUMU 20-21
“Nombelo, wu nga kutsa Jehovha gu hi phasa”
ip-1 paj. 394, ndri. 23
Pfhumu yi tshatshazedwego khu Kotani nya gukhodwe
23 Tepo Senakeribe a nga pheya gu wugeya Judha Ezekhiya a di gu dwala ngudzu. Isaya a di mu embeya gu khuye a nafa. (Isaya 38:1) Pfhumu nya 39 myaga, yi garadzegide. Uye kha nga ba a garadzega basi khu womi waye, ganiolu ni wumindru wa vathu vaye. Jerusalema ni Judha va diri mhangoni nya gu wugedwe khu Vasiriya. Nari khatshi Ezekhiya a di fude khu mani a nga hadzi thangeya nyimbi? Ga tepo yile Ezekhiya a di ri mwalo gyanana gi nga hadzi tshikedza wufumu waye. Na gu liya Ezekhiya gombede ga Jehovha a mu lomba wuhindzi. — Isaya 38:2, 3.
w17.03 paj. 21, ndri. 16
Thumeya Jehovha khu monyo watshavbo
16 Khu hwane nya tepo, Ezekhiya a di dwala ngudzu nyo hadzi gufa. A di lombeleya ga Jehovha gasi a dundruga edzi a nga ba a tumbegide khidzo gwaye. (Leri 2 Dzipfhumu 20:1-3.) Lisine gu, guya khu Bhibhiliya kha hi yeli gu lindreya Jehovha gasi a gira gilewugiso nya gu hi hawulugise mwendro gu hi gira hi vbanya khu tepo nyo laphe. Ambari kharato, hi nga gombeya ga Jehovha gufana ni Ezekhiya a nga khuye: “Idzo eni nyi gu thumedego khidzo, nyi gimbide gwadi mbeli gwago.” Ina u ngu khodwa gu khuwe Jehovha a na gu khathaleya ambari wo ba u dwala? — Ndz 41:3.
g01 22/7 paj. 13, ndri. 4
Nombelo, wu nga nyi phasa kharini?
Ga dziteponi nya gulowe nya Bhibliya, vama nyo khaguri nyo khodwe va hlamudwe milombelo yawe khu gu kongoma ambari khu silewugiso. Khu giyeyedzo, tepo Pfhumu Ezekhiya a nga ba a dwala ngudzu gombede ga Nungungulu gasi a mu hawulugisa. Nungungulu a di mu hlamula khuye: “Nyi pwide nombelo wago, nyi wona ni marongo yago; nyi na gu vbanyisa.” (2 Dzipfhumu 20:1-6) Vambe vama ni vanyamayi va nga ba va tumbega ga Nungungulu, anavo va manide giphaso gya Nungungulu. — 1 Samuweli 1:1-20; Dhaniyeli 10:2-12; Mithumo 4:24-31; 10:1-7.