Dzi garadzeye gu khuha myonyo ya vaengiseyi vago

Mavingu 3:1

ESI U YEDEGO GU GIRA: Phasa vaengiseyi vago gu pwisisa lisima ni gu vbanya khesi va si hevbulago.

MAGIRELO YAKONA:

• Phasa vaengiseyi gu dzi hevbula vabune. Va gire siwudziso si gu mba vbweta hlamulo gasi gu va phasa guti edzi va dzi pwago khidzo.

• Va phase gu wona egi gi va kutsago gu gira silo nya sadi. Kutsa vaengiseyi vago gu dundrugeya gighelo gi va girago va gira silo nya sadi. Va phase gu gira silo nya sadi na va gu kutswa khu sighelo nya sadi, nya nga: Guhaladza Jehovha, guhaladza vathu vakhwathu, ni gu gola sihevbudzo nya Bhibhiliya. Phasa vaengiseyi gu wona wugengeyi nyo thumise esi Bhibhiliya yi si hevbudzago; u nga va vegeyi ganelo. Vbavbandze nyo va these dzitshoni mwendro gu va rwega nandru, va tiyise, u bwe u va phasa gu gira satshavbo si gomogo dzitshivbani gwawe.

• Yisa gupima ga vaengiseyi vago ga Jehovha. Tshingisa edzi sihevbudzo nya Bhibhiliya, ni matshina nya milayo, ni sileletelo si gomogo gwayo si yeyedzago khidzo makhalelo ya Nungungulu ni edzi a hi haladzago khidzo. Va phase gu dundrugeya khedzi Jehovha a dzi pwago khidzo, va bwe va vbweta gu mu tsakisa.