Mitshamuselo yi gomogo omu nya mabhuku ma khumbugidwego omu nya Gibhukwana nya mitshangano nya thumo ni mavbanyelo
2-8 NYA JANEIRO
DZITHOMBA NYA LITO LA NUNGUNGULU | 2 DZIPFHUMU 22-23
“Khu ginani hi yedego gu dzi nogisa?”
w00 15/9 dzipaj. 29-30
Josiya a di gu dzi nogisa nigu a di gu tsakedwa khu Jehovha
Gukhugeya vbadzimindrotunu, ava va nga ba va patega avbo nya gu wusedze tempele va di gu thuma khu gu dzigaradza. Josiya a di gu bonga ngudzu Nungungulu kholu sithumi si nga ba si wusedza nyumba yi nga ba yi ghohetedwe khu vakoko vaye. Ndrani nya thumo nya gu wusedze nya tempele, Safani a di vboha ni mahungu nyo khaguri. Ginani a nga ba a pharide mandzani? Uye a di pharide rolu. Safani tshamusede gu khuye Muphasi nya khongolo nya mhamba Elikiya, a di manide “Libhuku nya Nayo Nyumbani ga PFHUMU Nungungulu.” (2 Dzikoronika 34:12-18) Libhuku leli li tugudwego gu diri rolu nya lisine nya Nayo.
Josiya a di virede gupwa malito nya libhuku. Tepo Safani a nga ba a leri, pfhumu yi di vbweta gu pwisisa edzi nayo wu thumago khidzo gwaye ni ga vathu a nga ba a va fumeya. Uye a samadzisidwe khedzi libhuku li nga ba li ganeya khidzo khu wukhozeyi nya lisine ni sigaradzo si nga hadzi dugeleya va gu dzi bedzedzeya umo nya wukhozeyi nya malipha. Khu gu tugula gu khuye Nayo wa Nungungulu kha wa nga ba wu landriswa gwadi, Josiya a di pferula dzingadzu dzaye a leleteya Elikiya, Safani ni vambe gu khuye: “Indrani mu ya wudzisa khu eni ga PFHUMU Nungungulu, khu vathu vatshavbo, ni va na Judha, khu mahungu nya magana nya libhuku leli li tugudwego; kholu likhulo ya PFHUMU Nungungulu yi khondride ngudzu vbakari gwathu. Kholu vavelegi vathu, kha va yingisa gilo magana nya libhuku leli, ni gu gira satshavbo kha nga idzo si lovidwego khidzo.”— 2 Dzipfhumu 22:11-13; 2 Dzikoronika 34:19-21.
w00 15/9 paj. 30, ndri. 2
Josiya a di gu dzi nogisa nigu a di gu tsakedwa khu Jehovha
Sithumi sa Josiya si nga ba si ningeya mahungu si di hongola ga muprofeti nya nyamayi Hulidha Jerusalema si bwe si wuya ni mahungu nyo khaguri. Hulidha a di ganede gu khuye malito ya Jehovha ma diri lisine, khu gu yeyedza khuye satshavbo sigaradzo si khumbugidwego umo nya libhuku li ngari gu manwago si na thegeya ava va nga mu pfhurareya, ganiolu Josiya a gu dzi nogisa mbeli ga Jehovha kha na nga wona sigaradzo satshavbo soso. Uye a na dzingwa wulanga wawumowo va nga dzingwa vakoko vaye a bwe a dzingwa thowoni gwaye khu gurula.— 2 Dzipfhumu 22:14-20; 2 Dzikoronika 34:22-28.
Kemba dzithomba nya liphuvbo
w01 15/4 paj. 26, dzindri. 3-4
U nga dugeleya na si si khathadzisegi edzi u nga dandriswa khidzo
Gukhugeya wananani waye, Josiya a tshanganide ni sigaradzo nya singi. Ambari ulolo, uye a giride esi si nga ba siri sadi mahoni ga Jehovha. Wufumo waye wu dugelede gwadi nyo bwe Bhibhiliya khiyo: “Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga PFHUMU Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.” — 2 Dzipfhumu 23:19-25.
9-15 NYA JANEIRO
DZITHOMBA NYA LITO LA NUNGUNGULU | 2 DZIPFHUMU 24-25
“U nga divali gu khuwe ha gu vbanya ga tepo muni”
w01 15/2 paj. 12, ndri. 2
Litshigu nya gu lamule la Jehovha lomo vbafuvbi!
2 Nya mba kanakana, giprofeto gya Sofoniya gi phaside Josiya gu dzi emiseya gu fuvisa wukhozeyi nya mba handzega Judha. Esi pfhumu yi nga ba yi gira nya gu fuvisi wukhongeyi nya malipha tigoni mule, kha sa nga ba si fuvisa wuvivbi wu nga ba wu romo vbakari nya vathu vale, ambari gu livba sighoho si giridwego khu vhovho waye, Pfhumu Manasi a nga ba a tadzide “Jerusalema gwatshavbo khu novba nyambana nandru.” (2 Dzipfhumu 24:3, 4; 2 Dzikoronika 34:3) Khu kharato, litshigu nya gu lamule la Jehovha khu lisine li na vboha.
w07 15/3 paj. 11, ndri. 10
Gukhanyiswa ga libhuku la Jeremiya
Gu diri mwaga nya wu 11 nya mufumo wa Zedhekiya 607 na ma si vbohi matshigu yathu. Pfhumu ya Bhabhiloni Nebhukadhenazare yi di gu randrede Jerusalema khu mwaga moyo ni metadi. Ga litshigu nya wu 7 nya ngima nya wu 5 nya mwaga nya wu 19 nya mufumo wa Nebhukadhenazare, Nebhuzaradhani mufumeli nya va woneleyi “a dita” Jerusalema. (2 Dzipfhumu 25:8) Adzina khu kotani nya olu a nga ba a vbanya vbavbandze nya dzimuru nya lidhoropa, Nebhukadhenazare a si kodzide guti esi si nga ba si girega muli Jerusalema a bwe a hunga makungu nya gu dhumeye. Hwane nya matshigu mararu nya litshigu nya 10 nya ngima uye “a di beya” Jerusalema a bwe a vbisa lidhoropha. — Jeremiya 52:12, 13, NM.
Kemba dzithomba nya liphuvbo
w05 1/8 paj. 12, ndri. 1
Gukhanyiswa ga libhuku la Dzipfhumu nya wuvili
24:3, 4. ‘Pfhumu Nungungulu kha dzumeya gu tsetselela’ Judha khu kotani nya novba wu vbaladzidwego khu Manasi. Nungungulu a ngu ninga lisima novba nya vathu nya mba na nandru. Hi nga tiyisega gu khethu Jehovha a na fuvisa vatshavbo va vbaladzidego novba nya vathu nya mba na nadru. — Ndzimo 37:9-11; 145:20.
16-22 NYA JANEIRO
DZITHOMBA NYA LITO LA NUNGUNGULU | 1 DZIKORONIKA 1-3
“Bhibhiliya — Libhuku li ganeyago lisine nasiri malipha”
w09 1/9 paj. 14, ndri. 1
Ina Adhamu ni Evha va manegide khu lisine?
Khu giyeyedzo, wona edzi vakokwe nya Vajudha va nga sasamedzwa khidzo omu nya Bhibhiliya omu nya Dzikoronika nyo pheye gipimo 1 kala 9 ni omu nya libhuku la Luka gipimo 3. Vathu vava va nga sasamedzwa gwadi va gu patega avba nya 48 ni 75 situgulwana. Libhuku la Luka li ngu ganeya khu vathu va pategidego gasi a velegwa Jesu Kristo, nigu libhuku la Dzikoronika la gu sasamedza vakokwe nya lisine ni vaprista va lihundzo la va na Israyeli. Mabhuku yaya ya mavili ma na ni malina ma tidwago ngudzu nga Solomoni, Dhavhidhe, Jakobe, Isaki, Abrahama, Nowa khu gu hegisa Adhamu. Vatshavbo va khumbugidwego avba nya mabhuku yaya, vathu va manegidego khu lisine nigu muthu nya lisine a manegidego a tumbunigisidego misasamedzo yeyi ya mivili nya vathu, khu Adhamu.
w08 1/6 paj. 3, ndri. 4
Maningano khu Nowa ni ndrambi — Lisine nasiri malipha
Bhibhiliya yi ngu ganeya khu matimo nya gu sasamedzwe nya vathu ma yeyedzago gu khayo Nowa a manegide khu lisine. (1 Dzikoronika 1:4; Luka 3:36) Ezira ni Luka kha nga olu va nga ba vari gevesisi nya vadi avo va khumbugide sasamedzo wowo nya gu velegwe nya vathu. Avbo nya sasamedzo nya gu velegwe ga Jesu Kristo, Luka nuye a khumbugide Nowa.
w09 1/9 dzipaj. 14-15
Ina Adhamu ni Evha va manegide khu lisine?
Wona giyeyedzo nya gihevbudzo gimwegyo nya Bhibhiliya gi ningwago ngudzu lisima khu vathu nya vangi va khongeyago, a gu dzegiso. Guya khu gihevbudzo gyogyo, Jesu Kristo ningede womi waye nyo vbeleye kha nga dzegiso gasi gu vbulugisa vathu avbo nya sighoho sawe. (Matewu 20:28; Johane 3:16) Kha nga hi dzitigo, dzegiso i tengo wu livbwago gasi gu dzegisa mwendro gu renga gilo gi nga dzimeya mwendro gi nga dzegwa. Khu kotani nya gighelo gyogyo, Bhibhiliya ya gu tshamuseya Jesu kha nga oyu ‘a ningelago guvbanya gwaye khu gufela gu vbanyisa.’ (1 Thimoti 2:6) Adzina u nga dzi wudzisa gu khuwe, gu vbanyisa khu ndziya muni? Bhibhiliya yi ngu hlamula gu khiyo: ‘Khu kharato, vathu vatshavbo va konedwe gufa khu gu hengela ni Adhamu; olu khu gu hengela ni Kristo, vathu vatshavbo va na bweledzedwa gambe guvbanya.’ (1 Vakorinto 15:22) Womi nyo vbeleye owu Jesu a wu ningidego gasi gu vbanyisa vathu vatshavbo va engisago, wa gu fana ni womi nyo vbeleye owu Adhamu a nga wu luza khu kotani nya olu a ghohidego thembweni ga Edheni. (Varoma 5:12) Khu lisine, nari khatshi Adhamu kha nga ba a manegide, dzegiso wa Kristo na wu si phasi gilo.
Kemba dzithomba nya liphuvbo
it-1 paj. 1040, dzindri. 1-2
Gilovela
Malina nya vanyamayi. Vanyamayi va di gu khumbugwa omu nya sasamedzo nya gilovela abari gu avo va ngu khumbugwa omu nya matimo nyo khaguri mwendro abari gu thomba yi di gu dugeya khavbo gwawe.
23-29 NYA JANEIRO
DZITHOMBA NYA LITO LA NUNGUNGULU | 1 DZIKORONIKA 4-6
“Milombelo yangu ya gu yeyedza ginani kheni?”
w10 1/10 paj. 23, dzindri. 3-7
Mu “Engiseyi nya milombelo”
Sa gu wonegisa gu khiso Jabhesi a diri ni giolovedzo nyo gire nombelo. Uye a gu pheya nombelo waye khu gu lomba Jehovha gasi a mu kategisa. Khu gu landreya, a di lomba silo siraru si nga ba si yeyedza monyo wu tadego khu gukhodwa.
Gupheya, Jabhesi a di lomba Nungungulu gu khuye: ‘A engedzela mivbingano nya litigo laye.’ (Livhesi 10) Mwama yoyu a nga ba a ningwa githawo kha nga ba ari magundrele, uye kha nga ba a dogoreya sipandre nya litigo sa vambe vathu. Gilombo gyaye gi nga ba gi dugeya monyoni adzina gi di gu yeyedza gu khigyo uye a di gu dundrugeya khu vambe vathu. Si nga gira gu Jabhesi na lombide khu ndziya nyo rule gasi litigo laye li engedzedwa gasi vakhozeyi va Nungungulu nya lisine va mana wulanga nya gu vbanye umo.
Nya wuvili, Jebhesi a di lomba gu khuye “gyandza” gya Nungungulu gi manega naye. Gyandza gya Nungungulu nya gu fanekiseye gya gu thula tshivba eyi Jehovha a yi thumisago gasi gu phasa vakhozeyi vaye. (1 Dzikoronika 29:12) Gasi esi a nga ba a si dogoreya si tadzisega, Jabhesi a di gombeya ga Nungungulu oyu gyandza gyaye gi phasago vale va khodwago gwaye. — Isaya 59:1.
Nya wuraru, Jabhesi a di gombeya gu khuye: ‘Nyi vhikeye ga silo nya guvivbe, gasi nyi si mani sigaradzo!’ Lito “gasi nyi si mani sigaradzo” kha si thuli gu khiso Jabhesi a di lomba gasi a vbuluga avbo nya sigaradzo, ganiolu kha nga ba a vbweta gu garadzega mwendro gu vbeya tshivba khu kotani nya silo nya gu vivbe.
Omu nya nombelo waye, Jabhesi a yeyedzide gu khuye a di gu khodwa ga mu Engiseyi nya milombelo nigu a di gu garadzega khu wukhozeyi nya lisine. Ginani egi Jehovha a giridego? Matimo yaya nyo role ma gu hegisa khu malito yaya: “Nungungulu a di mu ninga iso a nga si lomba.”
Kemba dzithomba nya liphuvbo
w05 1/10 paj. 9, ndri. 7
Gukhanyiswa ga libhuku la Dzikoronika nyo pheye
5:10, 18-22. Ambari olu mahundzu ya khuga-dambu ga Jordhani ma nga ba mari madugwana, ayo ma si kodzide gu pala Vaagari kholu va di gu tumba Jehovha nigu va di lomba giphaso gwaye. Gufana ni mahundzu yaya, ethu ha gu hevbula gu khethu hi yede gu tumba Jehovha hi bwe hi lomba giphaso gyaye tepo hi tshanganago ni sigaradzo hi si wonago na si si kodzegi gu si pala. — Vaefeso 6:10-17.
30 NYA JANEIRO–5 NYA FEVEREIRO
DZITHOMBA NYA LITO LA NUNGUNGULU | 1 DZIKORONIKA 7-9
“U nga tadzisa mithumo nyo garadze khu gu phaswa khu Jehovha”
w05 1/10 paj. 9, ndri. 8
Gukhanyiswa ga libhuku la Dzikoronika nyo pheye
9:26, 27. Valevhi va nga ba va thuma vbamwanyatuno va di gu gira thumo nya lisima ngudzu, kholu avo va di ningidwe dzipfhungulu nya mimwanya nya wulanga nya guage tempeleni. Vathu va di gu tumba gu khavo avo va na tula madimba tshigu ni tshigu. Khu ndziya nyo fane, ethu hi ningidwe thumo nya lisima ngudzu, a gu gu tshumayela vathu gipandreni gwathu hi bwe hi va phasa gasi va khozeya Jehovha. Anethu hi yede gutumbega gufana ni Valevhi va nga ba va thuma vbamwanyatuno.
w11 15/9 paj. 32, ndri. 7
Ina u nga pimedzeya Fineya tepo u tshanganago ni sigaradzo?
Fineya a diri ni thumo nya wukhongolo Israyeli wa gale, ganiolu khu gutiya-hwambo, guti ni gu tumba Nungungulu uye a si kodzide gu pala sigaradzo nigu Jehovha a tsakede esi Fineya a giredego libandla la Nungungulu. Hwane nya 1000 myaga, Ezira a kutsidwe gu lova esi: “Fineya, mwamana wa Eliyazari, khu gale a diri muthangeli wawe, kholu PFHUMU Nungungulu a diri ni uye.” (1 Dzik. 9:20) Ho vireya gu khethu ava va thangeyago vathu va Nungungulu muhuno, va gira sasimweso gupata ni yatshavbo Makristo ma mu thumeyago khu gutumbega.
Kemba dzithomba nya liphuvbo
w10 15/12 paj. 21, ndri. 6
Embeleyani ga Jehovha
6 Khu gu thumisa vaprofeti vaye, Jehovha a embede vakhozeyi vaye gasi va mu rungudza khu dzindzimo. Vaembi nya mahundzu nya vaphasi nya mhamba, kha va nga ba va yede gu gira mithumo eyi vambe Valevhi va nga ba va yede gu gira, gasi va mana tepo nya gu love va bwe va dongiseya dzindzimo.— 1 Dzik. 9:33.
6-12 NYA FEVEREIRO
DZITHOMBA NYA LITO LA NUNGUNGULU | 1 DZIKORONIKA 10-12
“Engedzeya gudogoreya gwago nya gu gire gugola ga Nungungulu”
w12 15/11 paj. 6 dzindri. 12-13
“Nyi hevbudze gu gira guhaladza gwago”
12 Ndziya eyi Dhavhidhe a nga ba a ninga khidzo lisima matshina ma nga ba mayelana ni Nayo ni gudogoreya a nga ba a ri nago nya gu yi landrise, si ngu yedwa gu pimedzedwa. Wona esi si dugeledego tepo Dhavhidhe a nga yeyedza gudogoreya gwaye nya gukhongolo nya gu seye ‘mati ya pusuni, yi guromo vbafuvbi ni mwanya wa Bhetlehema.’ Vama vararu va nga ba vari naye va di dwana gasi gu beya dhoropani, a gu umo va nga ba va vbanya Vafilistiya, khu gu hegisa va mu reseya mati. Khu kharato, “Dhavhidhe kha dzumela gu sela, uye a di ma vbaladza ma khala mhamba nya gulombelele khiyo ga PFHUMU Nungungulu.” Khu ginani? Uye ganede gu khuye: “Si na manege hwindzo gwangu, gu gira silo nya nga esi; ina eni nyi ngu yela gu sela novba wa vathu vava va nga dzega womi wawe va wu yisa mhangoni, gani?” Kholu va nyi resede mati yaya khu gu ningela womi wawe.” — 1 Dzik. 11:15-19.
13 Dhavhidhe a di gu dziti gu khuye novba wu di yedwe gu ‘vbaladzedwa’ Jehovha nasiri gu wu thumisa gasi gu hodza. Uye gambe a di gu pwisisa gu khuye khu ginani si yedwego gu girwa kharato. Dhavhidhe a di gu dziti gu khuye: “Guvbanya nya mili gomo novbani,” ganiolu va di mu reseya mati nasiri novba. Khu ginani Dhavhidhe a nga bomba gu ma seya? Uye a di gu pwisisa gisekelo nya litshina lolo. Ga Dhavhidhe, mati yale ma di gu fana ni novba nya lisima wa vama vale va vararu. Khu kharato, uye a di wona gu khuye kha nga ba a yede gu seya, wulangani nya isoso uye a di hunga gu ma vbaladza “vbavbatsi.” — Levhi 17:11; Dhet. 12:23, 24.
Trenari livhalo lago khu gu thumisa milayo ni matshina ya Nungungulu
5 Milayo ya Nungungulu yi nga hi phasa ngudzu, ganiolu gasi si girega isoso kha si eneyi basi gu yi hevbula mwendro gu yiti. Hi yede gu gola milayo yoyo ni gu yi ninga githawo. Lito la Nungungulu lari khilo: “Nyenyani guvivba, mu gola wuwadi.” (Amosi 5:15) Hi nga si gira kharini isoso? Hi nga gira isoso khu gu wona silo khedzi Jehovha a si wonago khidzo. Khu giyeyedzo, nga dzi dundrugeya na wu gu tshangana ni gigaradzo nya mba mana ligovbe, khavbovbo u hongola ga dhokodheya uye a gu embeya gu khuye u yede gu tshukwadzisa mahodzelo yago, u gira mihagano nya gu tiyise givili ni gu vbindrugedza silo nyo khaguri. Khavbovbo, u gira satshavbo uye a gu embedego u bweleya u kodza gu mana ligovbe. Nya mba kanakana ga giemo nya nga igyogyo u di hadzi gu mu bonga ngudzu dhokodheya khu giphaso a gu ningidego gasi u dzipwa gwadi.
6 Khu ndziya nyo fane, Muvangi wathu a hi ningide milayo yi nga hi phasago gu tshukwadzisa womi wathu ni gu hi vikheya ga silo nya gu vivbe si nga hi girago hi ghoha. Khu giyeyedzo, uye a hi ningide milayo yi hi yeyedzago esi a si pimisago maningano ni malipha, gu mba tumbega, wuvafa, wubhayi, wughevenga ni maphuvbo nya gu vivbe. (Leri Mavingu 6:16-19; Gutu. 21:8) Tepo hi engisago milayo yoyo, womi wathu wa gu gimbiya gwadi. Isoso gambe, sa gu hi gira hi engedzeya gubonga khu lihaladzo la Jehovha ni milayo yaye.
Kemba dzithomba nya liphuvbo
it-1 paj. 556, dzindri. 6-7
Monyo
Gu thuma khu “monyo watshavbo.” Monyo wu yede nuri wadi gasi wu thuma gwadi, ganiolu monyo wathu nya gu fananise wu nga kabanega. Muthu nyo khaguri a nga manega ni myonyo mivili, khu gu a zama gu thumeya vathu vavili mwendro gu ganeya gimbe gilo, ganiolu na gu pimisa gimbe gilo. Khu kharato, oyu a vbwetago gu tsakisa Nungungulu a yede gu mu thumeya khu monyo waye watshavbo.
13-19 NYA FEVEREIRO
DZITHOMBA NYA LITO LA NUNGUNGULU | 1 DZIKORONIKA 13-16
“U nga wuyedwa khu gu landrisa gileletelo”
w03 1/5 paj. 10, dzindri. 10-11
“Ina u ngu wudzisa gu khuwe, “womo hayi Jehovha?”
12 Hwane nya gu ba ngasa nya gidzumeledzwano yi dzegidwe yi bweledzwa Israyeli yi bwe yi khala Kiriyati-Jeyarimi khu myaga nya yingi, pfhumu Dhavhidhe a di vbweta gu yi fulusa yi hongola Jerusalema. Uye a di embeya vathangeyi va nga ba va gira gipandre nya vathu vaye gu khuye: “[Ngasa yi na fulugiswa] mwa gu si wona siri sadi, ni gu tuledwa khu PFHUMU Nungungulu wathu.” Ganiolu, uye kha vbweta guti gugola ga Jehovha maningano ni mahungu yoyo. Nari khatshi a di giride isoso, ngasa na ya sa rwadwa khu kareta, ganiolu na yi rwadwe khu Valevhi kha nga edzi Nungungulu a nga ba a leletede khidzo. Ambari olu Dhavhidhe tepo yatshavbo a nga ba a wudzisa Jehovha, ga giemo gegi uye kha gira khedzi si nga ba si vbwetega khidzo. Kha nga handro wakone silo kha sa duga gwadi. Khu hwane, Dhavhidhe a ganede gu khuye: “PFHUMU Nungungulu wathu a hi vetide, kholu kha ha landrisa sileletelo a hi leletedego.” — 1 Dzikoronika 13:1-3; 15:11-13; Mitengo 4:4-6, 15; 7:1-9.
w03 1/5 paj. 11, ndri. 13
Ina u ngu wudzisa gu khuwe “womo hayi Jehovha?”
13 Khu gu hegisa, tepo ngasa yi nga fulugiswa khu Valevhi khiyo ga Obhedhi-Edhomi kala Jerusalema gu di embeledwa ndzimo yi nga lowa khu Dhavhidhe. Avbo nya ndzimo yoyo gu di gu pata gigengedzo a gi giridego khu monyo waye watshavbo, gi gu khigyo: “Vbwetani PFHUMU Nungungulu ni tshivba yaye; gikhati gyatshavbo vbwetani khovbe yaye. Dundrugani mithumo yaye nya gusamadzise a yi giridego, siliwugiso ni gululama ga kanani gwaye.”— 1 Dzikoronika 16:11, 12.
Kemba dzithomba nya liphuvbo
w14 15/1 paj. 10, ndri. 14
Khozeya Jehovha Pfhumu nya gupindruge
14 Jehovha a gu yeyedza khuye a ngu fuma tepo a yeyedzago tshivba nya wufumo waye, tepo a emisago hengeledzano yi mu emeyago ga wulanga nyo khaguri mwedro gu lulamisa mahungu nyo khaguri.
20-26 NYA FEVEREIRO
DZITHOMBA NYA LITO LA NUNGUNGULU | 1 DZIKORONIKA 17-19
“Simama nu tsakide ambari wa gu mba ninganedwa gu gira thumo nyo khaguri”
w06 15/7 paj. 19, ndri. 1
Vega gupima avbo nya wuwadi nya hengeledzano ya Jehovha
DHAVHIDHE wa Israyeli wa gale, moyo nya vathu a khumbugwago umo nya milowo nya Gihebheru. Uye a diri muhavisi, muembi, muprofeti ni pfhumu a nga ba tumba Jehovha khu gu vbeleya. Kha nga olu a nga ba a gola ngudzu Jehovha, uye a manegide ni gu dogoreya nya gu vbaheye nyumba Nungungulu. Nyumba yoyo mwendro tempele, yi di hadzi khala tsindza nya wukhozeyi nya lisine wa Israyeli. Dhavhidhe a di gu dziti gu khuye gu dongisedwa nya gu vbahe nya tempele gu di hadzi reseya litsako ni makategwa vathu va Nungungulu. Khu kharato uye embide gu khuye: “Kategide muthu [Jehovha] u mu hathago a hidzimela vbafuvbi gwago, gasi guta vbanya nyumbani gwago, ethu nethu hi ngu nengela khu esi nya sadi sa Nyumbani gwago nya guage.” — Ndzimo 65:4.
Tsaka khesi u si kodzago gu gireya Jehovha
11 Ha gu thuma khu sighingi ga yatshavbo mithumo hi ningwago hengeledzanoni ya Jehovha, hi na mana gutsaka nya gu khongolo. Gira thumo nyo tshumayele khu “tshivba” yago yatshavbo u bwe u patega ga mithumo yatshavbo libandlani. (Mith. 18:5; Hebh. 10:24, 25) Gimbiya mitshanganoni na wu dongide gwadi, gasi uya ningeya mihlamulo yi tiyisago. Wona sipandre u ningwago avba nya mitshangano ya vbakari nya semana kha nga gilo nya lisima. Madhota ma gu gu lomba gu u gira thumo nyo khaguri libandlani, u nga hweyi gu wu gira nigu khala muthu nya gu tumbege. U nga pimisi gu khuwe thumo u ningidwego, wu mwalo lisima ni gu u mwalo gighelo nyo vbedze tepo yago khu gu wu gira. Londrola yatshavbo mathomo gasi gu tshukwadzisa makodzelo yago. (Mav. 22:29) Wa gu dzi garadzeya gu thumeya Jehovha, u na khala pari yaye nya yikhongolo nigu u na tsaka ngudzu. (Gal. 6:4) Si na gu vbevbugeya gu tsaka ni ava va nga hakha malungelo u nga ba u ma vbweta.— Rom. 12:15; Gal. 5:26.
Kemba dzithomba nya liphuvbo
w20.02 paj. 12, kwadru
Hi ngu mu haladza ngudzu Papayi wathu Jehovha
Ina Jehovha a ngu nyi wona?
U di nga tshuka u dzi wudzisa gu khuwe: ‘Kha nga olu gu gu ni dzibhiliyoni nya vathu mafuni, khu ginani Jehovha a nga hadzi nyi wona?’ Khu lisine, gu na ni vathu nya vangi va dzi girago giwudziso gegi. Pfhumu Dhavhidhe lovide khuye: “PFHUMU Nungungulu, ginani muthu nya gukala u mu alakanya? Mwamana wa muthu ginani nya gukala u mu khathalela?” (Ndzi. 144:3) Dhavhidhe a di gu tiyisega gu khuye Jehovha a ngu muti gwadi. (1 Dzik. 17:16-18) Nigu khu gu thumisa Lito laye ni hengeledzano yaye, Jehovha a ngu gu tiyisegisa nuwe gu khuye a ngu li wona lihaladzo u li yeyedzago khuye. Nga wona malito nyo khaguri ma gomogo omu nya Bhibhiliya ma nga gu phasago gu mba kanakana khisoso:
• Jehovha a gu wonide ni gu velegwa na wu si gu velegwi. — Ndzi. 139:16.
• Jehovha a ngu siti esi si gomogo monyoni gwago, esi u si pimisago ni edzi u dzipwago khidzo. — 1 Dzik. 28:9.
• Jehovha khuye abune a engiseyago milombelo yatshavbo u girago. — Ndzi. 65:2.
• Sigiro sago si ngu khuha edzi Jehovha a dzipwago khidzo. — Mav. 27:11.
• Jehovha khuye a gu ranago gasi u mu hidzimeleya. — Joh. 6:44.
• Wa gufa, Jehovha a ngu guti gwadi nya gu a na bwe a kodza gu gu wusa mindru wa tshigu. Uye a na wusedza givili gyago, a gira gu mapimo yago ma dundruga esi u si giridego na wu si gufi a bwe a gu wusa na wuri ni makhalelo nya wuthu wago. — Joh. 11:21-26, 39-44; Mith. 24:15.
27 NYA FEVEREIRO–5 NYA MARÇO
DZITHOMBA NYA LITO LA NUNGUNGULU | 1 DZIKORONIKA 20-22
“Phasa vaphya gasi va dugeleya”
w17.01 paj. 29, ndri. 8
“Phasa vaphya gu khathaleya mithumo”
8 Leri 1 Dzikoronika 22:5. Dhavhidhe adzina na pimiside gu khuye Solomoni kha nga ba a dongide gasi gu khathaleya thumo wule, kholu tempele yi di yede “nari nyumba nya wumburi,” nigu Solomoni a di ‘ngari dugwana ni gu gambe a di ngari mwalo tshivba.’ Ganiolu, Dhavhidhe a di gu dziti gu khuye Jehovha a di hadzi gu phasedzeya Solomoni gu gira thumo waye. Khu kharato, Dhavhidhe a di vega gupima avbo nya esi a nga hadzi gu si kodza gu gira gasi gu phasedzeya, nya nga gu dongiseya silo nya singi nya gutale.
w17.01 paj. 29, ndri. 7
“Phasa vaphya gu khathaleya mithumo”
7 Dhavhidhe adzina na pimiside gu khuye ‘kha nga olu nya gu kha nyi na nga vbaha tempele, eni kha nyi na nga phasedzeya khu gilo. Eni kheni nyi nga dusa mawonelo yaya, khu ginani mumbe muthu a yedego gu mana wuzundzo watshavbo.’ Khu lisine tempele kha ya tidwa kha nga “tempele ya Dhavhidhe,” ganiolu yi di tidwa kha nga “tempele ya Solomoni.” Dhavhidhe adzina saye gorogidenyana, ganiolu uye a giride satshavbo a nga si kodza gasi gu seketeya thumo wule. Uye a di vbwetedzeya sithumi a bwe a vbwetedzeya silo si na vbwetegago gasi gu vbaha khiso, nya nga simbi, sugu, parata, ndralama ni madhera nya yadi. Gu diga isoso, uye a tiyiside Solomoni khu gu mu embeya gu khuye: “Gasi olu mwanangu, PFHUMU Nungungulu a na khale ni uwe, gasi u katega, u kodza gu vbaha Nyumba ya PFHUMU Nungungulu wago, kha nga idzo a gu tumbisidego khidzo.” — 1 Dzik. 22:11, 14-16.
w18.03 dzipaj. 11-12, dzindri. 14-15
Vavelegi, phasani sanana sanu kala si bhabhatiswa
14 Madhota nayo ma nga phasa vavelegi. Khu ndziya muni? Khu gu tepo yatshavbo ma ganeyago khu misuwo nya gu thumeye Jehovha va ganeya khu ndziya nya yadi. Ndriyathu nya nyamayi a ngu dundruga gu khuye tepo a nga ba a ri ni 6 myaga, ndriyathu Charles T. Russel a bhude naye. Uye a di khuye: “Uye a vbedzide gipimo nya 15 dzimeneti na gu bhula ni eni khu misuwo yangu ya liphuvboni.” Mabhulo yoyo ma kuhide ngudzu ndriyathu wule, khu gu landreya uye a di khala piyonero, nigu a simamide avba nya thumo wowu guvbindra 70 myaga. U tugude gu khuwe malito nya yadi ni gu tiyisa ma nga kuha vadriyathu? (Mav. 25:11) Madhota nayo ma nga rana vavelegi ni sanana sawe gasi va ta phasedzeya omu nya mithumo Salawuni nya Mufumo. Ayo ma nga lomba sanana gu gira mithumo si na yi kodzago gu gira guya khu tanga yaso.
15 Vambe vandriyathu navo va nga phasedzeya libandlani. Khu dziya muni? Avo va nga yeyedza gu khavo va ngu khathala khu vaphya, khu giyeyedzo zama gu wona gu vaphya va ngu yeyedza gu khavo va ngu dandra khu liphuvboni, womo muphya nyo khaguri libandlani a ningedego hlamulo nya wadi, a giridego gwadi gipandre mitshanganoni, a kodzidego gu tshumayela muthu nyo khaguri xikwatunu mwendro a kodzidego gu pala gilingo. Khu kharato, u nga giri mihuni zundza muphya yoyo. Mwendro wa gu si wona kharini gu u dzi vegeya misuwo nya gu na yi nga si pheye mitshangano mwendro hwane nya gu ba yi vbede u bhula ni sanana Salawuni nya Mufumo. Isoso si na si phasa gu pwisisa gu khiso aniso sa gu gira gipandre nya “libandla nya likhongolo.” — Ndzi. 35:18, NM.
Kemba dzithomba nya liphuvbo
w05 10/1 paj. 11, ndri. 6
Gukhanyiswa ga libhuku la Dzikoronika nyo pheye
21:13-15. Jehovha a di embela ngilozi gasi gu ema gu saseya Jerusalema kholu uye a ngupwa ngudzu gu vbisa tepo vathu vaye va tshanisekago. Khu lisine “wuhindzi waye wu khongolo ngudzu.”