Samiyele Wachibili
2 Nizyakayinda zintu eezi, Davida wakabuzya Jehova kuti: “Ndiinke na kuli umwi wamyuunzi yaJuda?” Jehova wakati kulinguwe: “Yinka.” Mpawo Davida wakabuzya kuti: “Ndiye kuli?” Wakamusandula kuti: “KuHebburoni.” 2 Nkinkaako, Davida wakayinka nkukooko abanakazi bakwe babili, Ahinowamu wakuJezriyeli a-Abbigeli, ooyo wakali mwanakazi waNabbali wakuKkameli. 3 Alubo Davida wakayinka aabaalumi mbaakalaabo, umwi awumwi kali aabamung’anda yakwe mpawo bakaakukkala kumyuunzi iizyungulukide Hebburoni. 4 Baalumi bakuJuda bakasika bananika Davida nkukooko kuti abe mwaami wang’anda yaJuda.
Bakabuzya Davida kuti: “Baalumi bakuJabbeshi-giliyadi mbabo bakazikka Sawulu.” 5 Nkinkaako, Davida wakatuma batumwa kubaalumi bakuJabbeshi-giliyadi kuti bakababuzye kuti: “Jehova amulongezye,* nkaambo mwakatondeezya simalelaanu Sawulu luyando lutamani kwiinda mukumuzikka. 6 Jehova amutondeezye luyando lutamani alubo asyomeke kulindinywe. Andime ndizoomufwida luzyalo, akaambo kazintu eezi nzimwachita. 7 Maboko aanu aasime alubo mube baalumi bali aachibindi, nkaambo mwaami wanu Sawulu wafwa alubo ng’anda yaJuda yandinanika kuti ndibe mwaami wayo.”
8 Pesi Abbineri mwana waNeri, mupati wamasooja aaSawulu wakali wabweza Ishi-bbosheti mwana waSawulu wamweeta kuMahanayimu, 9 wamubikka kuti abe mwaami waGiliyadi, wama-Ashuri, waJezriyeli, wa-Efremu, waBbenjamini awa-Israyeli yoonse. 10 Ishi-bbosheti mwana waSawulu wakali aaminyaka iili 40 naakaba mwaami wa-Israyeli alubo wakeendelezya kwaminyaka iibili. Nikuba oobo, ng’anda yaJuda yakali kubbazu lyaDavida. 11 Davida wakali mwaami wang’anda yaJuda muHebburoni kwaminyaka iili musanu ayibili amyeezi iili musanu awumwi.
12 Mukuya kwachiindi, Abbineri mwana waNeri ababelesi ba-Ishi-bbosheti mwana waSawulu bakazwa kuMahanayimu baya kuGibbiyoni. 13 Jowabbu mwana waZeruya ababelesi baDavida bakayinka baakuswaanana aambabo kudambwa lyakuGibbiyoni. Kamwi kabunga kakakkede kulilimwi bbazu lyadambwa mpawo kamwi kakali kulilimwi bbazu. 14 Kumamanino, Abbineri wakati kuli Jowabbu: “Balombe abanyampuke balwane* kunembo lyesu.” Jowabbu wakati: “Abanyampuke.” 15 Nkinkaako, bakanyampuka bayinka kunembo mpawo bakabalwa. Bamusyobo waBbenjamini bakasalwa kuzwa kukabunga ka-Ishi-bbosheti bakali 12 mpawo babelesi baDavida bakali 12. 16 Bakajatana mitwe mpawo umwi awumwi wabo wakayasa sinkondonyina apanga aabbambo alubo boonse bakafwa. Nkinkaako, ndawu eeyo iili muGibbiyoni yakawuzikwa kuti Helikkati-hazurimu.
17 Kuzwa waawo, kwakaba nkondo iiyoosya loko mubuzuba oobo mpawo kumamanino, Abbineri abaalumi ba-Israyeli bakazundwa ababelesi baDavida. 18 Bana batatu baZeruya, nkukwaamba Jowabbu, Abbishayi a-Asaheli bakali nkukooko. Asaheli wakali aaluno mbuli mondwe mbiichijaana mulusaka. 19 Asaheli wakaandilila Abbineri alubo taakali kuleya kuchilisyo naakuti kuchimweensi naakali kwaandilila Abbineri. 20 Abbineri naakacheba, wakabuzya kuti: “Ngu-Asaheli na ooyu?” Mpawo wakamusandula kati: “Iiyi ndime.” 21 Mpawo Abbineri wakamubuzya kuti: “Leya kuchilisyo naakuti kuchimweensi, ujate umwi mulombe mpawo ubweze kufumbwa zintu nzyalaazyo kuti zibe zyako.” Pesi Asaheli wakayinkilila kunembo kumwaandilila. 22 Abbineri wakamubuzya lubo Asaheli kuti: “Leka kundaandilila. Nkamboonzi nuyanda kuti ndikujaye? Ndizoolangana biyeni amukulanaako Jowabbu?” 23 Pesi wakayinkilila kunembo kumwaandilila, nkinkaako, Abbineri wakamuyasa mubula akusule kwasumu mpawo lyakaakuzwida kumusana mpawo wakawa wafwa mpawaawo. Muntu woonse wakali kusika aandawu mpaakafwida Asaheli, wakali kwiimikila mpawaawo kwachiindi chifwiifwi.
24 Jowabbu a-Abbishayi bakaandilila Abbineri. Zuba kalili lyaamba kubbila, bakasika kukalundu ka-Ama, kakalangene aaGiya munzila iitozya kunkanda yaGibbiyoni. 25 Mpawo bamusyobo waBbenjamini bakabungana kusule aa-Abbineri baba nkamu iimwi. Alubo bakayimikila aajulu aakamwi kalundu. 26 Mpawo Abbineri wakoompolola kuli Jowabbu kati: “Panga lilayinkilila kunembo kalili kunyonyoona kusikila lili? Tuzi na kuti mamanino aazyo mapenzi mabi loko? Kusikila lili kutabuzyi bantu kuti baleke kwaandilila babbululu babo?” 27 Jowabbu wakati: “Kwaamba choonzyo, mbuli Leza wakasimpe mbali muumi, kaansinga teewaamba, bantu balikunooleka kuseeni kwaandilila babbululu babo.” 28 Jowabbu wakalizya mweembo alubo baalumi mbaakalaabo bakaleka kwaandilila ma-Israyeli mpawo nkondo yakamana.
29 Abbineri abaalumi mbaakalaabo bakeenda busiku boonse bayinda ku-Arabba, baakuzubuka Mulonga waJodani mpawo bakeenda kabatobelezya goloonga* alubo kumamanino, bakasika kuMahanayimu. 30 Jowabbu naakaboola kuzwa kukwaandilila Abbineri, wakabunganizya bantu boonse. Babelesi baDavida bali 19 bakabulika, kuswaanizya a-Asaheli. 31 Pesi babelesi baDavida bakazunda bantu bamusyobo waBbenjamini abaalumi mbaakalaabo Abbineri alubo baalumi bali 360 bakali aakati kabo bakafwa. 32 Bakabweza Asaheli, baakumuzikka kukabanda kawisi kakali kuBbetelehema. Mpawo Jowabbu abaalumi mbaakalaabo bakeenda busiku boonse alubo bakasika kuHebburoni kubuchedo.