Balila Kujana Zyiiyo

Chiindi nitulikulibambila kubala, tulakonzya kulibuzya kuti, ‘Niinzi nzindilangilila kwiiya?’ Nikuba kuti nga kuli zintu nzulangilila kwiiya, pesi weelede kubikkila maanu kuzintu zipya Jehova nzyayanda kukuyiisya. Niinzi nzitweelede kuchita kuti tujane zyiiyo nitulikubala?

Kombela kuti ujane busongo. Kumbila Jehova kuti akugwasye kuti umvwisisisye zintu nzyayanda kuti wiiye. (Jak. 1:5) Utajinkili aazintu nzuzi kupela pe.—Tus. 3:​5, 6.

Zumizya Bbayibbili kuti likuchinche. “Jwi lyaLeza lili aabuumi.” (Heb. 4:12) Tulakonzya kutondeezya kuti “jwi” lyaLeza lili aabuumi muzyiimo zisiyene-siyene. Kuti eezi zichitike, tweelede kuzyazyambala kuti tubelesye zintu nzitubala kutali kubalila kwiinzya mulawu.

Tondeezya kuti ulazilumba zintu zyoonse Jehova nzyabelesya kuti atuyiisye. Chakulya chamubukombi Jehova nchatupa chili mbuli “pobwe lyazyakulya zibotu zyamafwuta.” (Is. 25:6) Toyelede kuleka kulya ‘zyakulya’ nzubonaanga tazikookunonena pe. Kuti walya zyakulya zyoonse Jehova nzyakupede, nga ulikumuzumizya kuti akubumbe kuti ube muKkristu uulikabotu alubo kubala kulakunoneezya.