CHIPAANZI 8

Ino Niinzi Nzitujana Kulufu LwaJesu?

Jesu wakafwa kuti tujane buumi. Johane 3:16

Banakazi kabali kukabanda kaJesu katakwe muntu

Nokwakainda mazuba atatu Jesu kafwide, bamwi banakazi bakainka kukabanda kakwe, pesi bakajana kamutakwe cintu. Jehova wakabusya Jesu kuzwa kubafu.

Jesu kalaamwi abaapostolo bakwe, kuzwa waawo watanta kaya kujulu

Kuzwawo Jesu wakaboneka kubaapostolo bakwe.

Aawo Jehova nakabusya Jesu, wakaba cilenge camuuya cilaanguzu citafwi. Basikwiiya baJesu bakamubona kaya kujulu.

Leza wakabusya Jesu akumwimika kuba Mwami waBwaami bwaLeza. Daniele 7:13, 14

Jesu kakkede achuuno chakwe chaBwaami alimwi kali kweendelezya bantu balimuparadaiso aanyika

Jesu wakapa buumi bwakwe kuti anunune bantu. (Matayo 20:28) Mukwiinda mucinunuzyo eeco, Leza wakacita kuti cikonzeke kuti swebo tukapone akutamani.

Jehova wakasala Jesu kuti azoobe Mwami utatonge nyika yoonse. Jesu uyootonga antomwe abantu bali 144 000 basyomeka balikubusigwa kuzwa anyika kabaya koopona kujulu. Jesu antoomwe abali 144 000 basyomeka babamba mfulumende iluleme yakujulu ili Bwaami bwaLeza.—Ciyubunuzyo 14:1-3.

Bwaami bwaLeza buyoocinca nyika kuti ibe Paradaiso. Inkondo, milandu, mafwabi, alimwi anzala tazikoyooba pe. Bantu bayoobotelwa loko.—Intembauzyo 145:16.