Kukomba Kwampuli Niinzi?

Kuzwa ciindi, Jehova wakali kuyanda kuti mpuli zyoonse zibe aciindi cakusimisyania muzintu zyakumuuya, alimwi kabalaa bweenzuma busimine anguwe. (Deuteronomo 6:6, 7) Bakamboni baJehova ncibakasala buzuba bwakukomba mbuli mpuli mukati kamviki imwi ayimwi, kuti bayizye zintu zyakumuuya ziyandikana zyamumpuli. Nikuba kuti ukkala awulikke ulakonzya kubelesya kabotu ciindi eeci mukwiiya Bbaibbele.

Nciindi cakuswena aafwiifwi aJehova. “Amuswenene kuli Leza alakwe ulamuswenenena.” (Jakobo 4:8) Jehova tumuziba kabotu ikuti twayiya zyiingi atala abube bwakwe, milimu yakwe ijanika muBbaibbele. Inzila nguba yakutalisya ciiyo campuli, nkubaa ciindi cakubala Bbaibbele antoomwe, akutobelezya mabambe amuswaangano uucitwa akati kamviki uutegwa Mulimu Abuumi BwaciKristu. Umwi mukati kampuli, ulakonzya kupegwa cibeela cakubala mpawo boonse balakonzya kwiizya atala anzibayiiya kuzwa muMagwalo.

Nciindi cakuzibana kabotu mumpuli. Baalumi abakayintu kubikkilizya bazyali abana, basimya kujatana kwabo ciindi nibayiya Bbaibbele mbuli mpuli. Ceelede kuba ciindi cibotezya caluumuno umwi awumwi ncalangilide mukati kamviki. Bazyali balakonzya kusala zyiiyo zyazisobano, kweendelana aminyaka yabana babo kwiinda mukubelesya zijanika muNgaziyakulinda amu Sinsimuka! naa kubelesya webbusayiti yesu iitegwa jw.org. Mulakonzya kweebela pulogilamu iijanika aa JW Broadcasting (tv.jw.org) alimwi muzuwe atala anjiyo. Mulakonzya kwambuula atala amapenzi bana ngibaswaana kucikolo, akujana nzila yakwaamanisya. Mulakonzya kubotelwa mukulibambila kwiimba nyimbo zitakayimbigwe kumiswaangano iitobela, alimwi mulakonzya kulya zyakulya zyuuba-uba antoomwe.

Eeci ciindi ciyandikana loko ncimubaaco mumviki imwi ayimwi cakukomba Jehova aamwi, cigwasya mpuli kujana kubotelwa muJwi lyaLeza, alimwi uyoomulongezya kapati.​—Intembauzyo 1:1-3.

• Nkaambo nzi nitubaa ciindi cakukomba kwampuli?

• Bazyali ngabalacita biyeni kuti cibe ciindi cinoneezya mpuli yoonse?