Chipenzyo Chachi 10

Musa wakabuzya Faro kuti taakachili kuzoosika lubo kuli nguwe. Pesi katanayenda wakabuzya Faro kuti: ‘Kwaba akati kabo, bana balombe boonse bataanzi bamuEgepita balafwa, kuzwa kumwana waFaro kusika kubana babazike.’

Jehova wakabuzya maIsrayeli kuti bachite pobwe liyandikana mubuzuba oobo. Wakati: ‘Amujaye kabelele naa kapongo kali amunyaka uumwi, pesi bulowa mubulambe kumilyango yamaanda anu. Nyama mwiiyoke mpawo mwiilisye azinkwa zitakwe busweezyo. Muzwaate zigogo asangu alimwi mulibambile kweenda. Mubusiku oobuno, ndilamwaangununa.’ Ubonaanga maIsrayeli akamvwa biyeni atala amakani aaya?

Akati kabusiku, mungelo waJehova wakanjila mumaanda oonse abantu baku Egepita. Mwana mutaanzi wakali kujanika mung’anda yakatalambidwe bulowa amulyango, wakali kufwa. Pesi mungelo wakaasiya maanda akalambidwe bulowa. Bantu boonse baku Egepita banotede abafwaba bakafwidwa bana. Pesi kumaIsrayeli taakwe mwana wakafwa pe.

Mwana waFaro alakwe wakafwa. Faro wakachincha muzeezo. Kuzwa waawo, wakabuzya Musa aAroni kuti; ‘Amuzwe muchisi changu. Amweende mukakombe Leza wanu. Mubinge lubono lwanu mweende!’

Mubuzuba mweezi nuwakali kulibonia woonse, maIsrayeli akazwa muEgepita alimwi akeenda kaali mutubunga twaluzubo. Kwakali baalumi basika ku 600 000 abanakazi biingi abana. Alubo bantu biingi bakatali maIsrayeli bakayinka ambabo kuti bakakombe Jehova. Kumamanino, maIsrayeli akaangunuka!

Munyaka amunyaka, maIsrayeli akali kuchita pobwe kuchitila kuti kabayeeya Jehova mbaakabafutula. Pobwe eeli lyakali kutegwa niPasika.