CHIIYO 10
Kujana Yakugwasya Biyeni Miswaangano yaBakamboni baJehova?
Kuli nwaakali watambwa kumiswaangano yaBakamboni baJehova na? Kuti kutanayinjila, ulakonzya kuyoowa kuti umwi wakutamba kakusaanguna. Ulakonzya kulibuzya kuti: ‘Niinzi zichitika kumiswaangano eeyi? Nkamboonzi niiyandikana? Nkamboonzi nindeelede kunjila miswaangano eeyi?’ Chiiyo eechi, chiyookutondeezya kuti kunjila miswaangano eeyi kukugwasya biyeni kuti ube mweenzinyina waLeza ambukukonzya kukugwasya lwako kukugama.
1. Niinzi chipa kuti Bakamboni baJehova banjile miswaangano?
Bona kuti umwi mulembi waBbayibbele wakatondeezya kuti nkamboonzi nikuyandikana kunjila miswaangano, wakati: “Mumbungano mpati, ndiyootembaula Jehova.” (Intembauzyo 26:12) Bakamboni baJehova balabotelwa akaambo kakubungana aamwi. Munyika yoonse, Bakamboni baJehova balabungana mviki amviki kuti batembawule Leza, bamwiimbile akumukomba. Alubo munyaka amunyaka ngababa aamiswaangano mipati.
2. Uyooyiyaanzi kumiswaangano yaBakamboni baJehova?
Kumiswaangano yesu, kuyiisigwa zintu zizwa muJwi lyaLeza alubo nga ‘lyapandululwa kabotu-kabotu akutondezya mbuligwasya.’ (Bala Nehemiya 8:8.) Kuti wanjila miswaangano yesu, uyooyiya zyiingi atala aJehova abuntu bwakwe bubotu. Kuti waziba kuti Leza ulakuyanda, ziyoopa kuti uyande kuba mweenzinyina. Alubo uyooyiya mbukonzya kubotelwa mubuumi.—Isaya 48:17, 18.
3. Kunjila miswaangano kukugwasya biyeni?
Jehova uyanda kuti “katubikkilana maano ikutegwa tukulwaizyanye kutondezya luyando akucita milimo mibotu, tutanooleki kuswaangana antoomwe.” (Bahebrayo 10:24, 25) Kumiswaangano yesu, uyoojana bantu bali aaluyando alubo bali aachiyandisyo chakwiiya zyiingi atala aLeza mbuli nduwe. Uyoobona mbubasungwaazyania atala azintu nzibabala muBbayibbele. (Bala Baroma 1:11, 12.) Alubo uyoojana mweenya wakwaambuuzyania aabantu bakazunda mapenzi ngibaswaana bantu bakwete abatakwete. Ootu ntuumwi twaambo tupa kuti Jehova ayande kuti tunjile miswaangano.
YIYA ZYIINGI
Bona kuti niinzi zichitwa kumiswaangano yaBakamboni baJehova alubo bona kuti nga kulakugwasya biyeni kunjila miswaangano eeyi.
4. Miswaangano yaBakamboni baJehova
MaKristu bakusaanguna, bakali kubunganaamwi kuti bakombe Jehova. (Baroma 16:3-5) Bala Bakolose 3:16, mpawo musandule mubuzyo uutobela:
MaKristu bakusaanguna bakali kumukomba biyeni Jehova?
Mazubaano, Bakamboni baJehova babunganaamwi kuti bakombe Jehova mumasena aakukombela. Kuti ubone zichitika kumiswaangano yabo, Mweebele KAVIDIYO. Kuzwa waawo, mulange chifanikisyo chabantu bali kumiswaangano mpawo musandule mibuzyo iitobela.
Nzitwabala muli Bakolose 3:16 zyeendelana biyeni azichitika kuNg’anda yaBwaami?
Mukavidiyo naakuti aachifanikisyo, kuli zintu zyakubotezya na?
Bala 2 Bakorinto 9:7, mpawo musandule mubuzyo uutobela:
Nkamboonzi miswaangano yaBakamboni baJehova niitabbadalisigwi?
Kulaamwi amuntu nguyiyaawe Bbayibbele, amulange-lange zintu ziyooyigwa kumiswaangano iitobela.
Kuzintu nzitwabona nchiichili nchwaayandisya?
Walizi na?
Aawebbusayiti yesu iitegwa jw.org, ulakonzya kujana miswaangano iichitwa aaBakamboni baJehova bali munyika yoonse.
Kumiswaangano yesu nga kuli nkani, zitondeezyo amavidiyo. Miswaangano yesu isaanguna aalwiimbo aankombyo akumana aalwiimbo ankombyo
Kuli zimwi zipanzi zyamiswaangano yesu, baswiilizi nga batola lubazu
Bantu boonse balatambulwa, bakwete, batakwetwe, bachembeede abana
Miswaangano yesu tayibbadalisigwi pe. Kumiswaangano yaBakamboni baJehova takweendelezegwi ndido yamali pe
5. Weelede kubeleka changuzu kuti ukonzye kunjila miswaangano
Atubone chikozyano chabazyali baJesu. Munyaka amunyaka, bakali kweenda musinzo uulampa makkilomita aali 100 kuzwa kuNazareta kabayinda muzilundu kuti bakanjile muswaangano kuJerusalemu. Bala Luka 2:39-42, mpawo musandule mibuzyo iitobela:
Ubonaanga kwakali kuuba na kuti bakasike kuJerusalemu?
Nkamboonzi nweelede kubeleka changuzu kuti ukonzye kunjila miswaangano?
Ubonaanga kulagwasya na kunjila miswaangano? Nkamboonzi?
Bbayibbele lyaamba kuti kubunganaamwi kuti tukombe Jehova kulayandikana. Bala Bahebrayo 10:24, 25, mpawo musandule mubuzyo uutobela:
Nkamboonzi nitweelede kukkala katunjila miswaangano?
BAMWI BAAMBA KUTI: “Tazikwe ndaba pe kuti teendayinka kunsondo, kwiiya Bbayibbele kandili aang’anda kulikabotu.”
Njiili vesi naakuti chikozyano chamuBbayibbele chitondeezya kuti Jehova uyanda kuti tunjile miswaangano?
CHIFWIINSYO
Kunjila miswaangano kuyookugwasya kuti umuzibe kabotu Jehova, ube mweenzinyina akuti umukombe aamwi abamwi.
Mibuzyo Yakwiindulula
Nkamboonzi Jehova natusungwaazya kuti tubunganaamwi abamwi kuti tumukombe?
Niinzi nchukonzya kwiiya kumiswaangano yaBakamboni baJehova?
Ubonaanga kunjila miswaangano nga kulakugwasya biyeni?
YANDUULISISYA
Kujana wachita biyeni kuti kuyoowa kunjila miswaangano yesu? Bona umwi mwaalumi wakali kuyoowa mbaakasaanguna kuyanda miswaangano.
Bona umwi mwaalumi mbaakasaanguna kuyanda miswaangano anzyaakachita kuti ataleki pe kwiinjila.
Bona kuti bamwi bamvwa biyeni atala akunjila miswaangano.
“Nkamboonzi Nitunjila Miswaangano kuNg’anda yaBwaami?” (Chiiyo chijanika aaIntaneti)
Bona kuti muntu wakali kuyandisya zyakulwana wakachincha biyeni chiindi naakanjila miswaangano yaBakamboni baJehova.
“Teendakali Kweenda Pe Kanditakwe Ntobolo” (Ngaziyakulinda, July 1, 2014)