Libombye

Malayilile: “Amulibombye akubona bamwi kuti balamwiinda.”—Flp. 2:3.

Nzyaakachita Pawulu

Mwaapostoli Pawulu uwangidwe ncheni iisungidwe aamulindi nalikwaambuula aaMwaami Agripa, Mweendelezi Festo aBbenisi.

KAVIDIYO: Pawulu Ulikukambawukila Mwaami Agripa

1. Yebela KAVIDIYO naakuti ubale Milimu 26:2, 3, mpawo ulange-lange mibuzyo iitobela:

Pawulu wakatondeezya biyeni kuti wakali kulibombya munzila njaakali kwaambuulaayo aMwaami Agripa?
Pawulu wakatondeezya biyeni kuti wakapa kuti Jehova alemekwe kutali kuti kulemekwe nguwe alubo wakaabelesya biyeni Magwalo?—Langa Milimu 26:22.

Twiiyaanzi Kuzwa Kuli Pawulu?

2. Bantu balatuswiilila kuti twatondeezya kuti tulalibombya akuti tulabalemeka.

Tobelezya Pawulu

3. Lemeka muntu munzila njuwambuulaayo. Utaambuuli munzila iipa kuti ubonekaanga uzi zintu zyoonse akuti muntu ngulikwaambuulaawe taakwe nzyazi pe. Wambuula munzila iitondeezya kuti ulamulemeka.

4. Tondeezya kuti makani ngulikwaambuula azwa muBbayibbili. Makani aali muBbayibbili alakonzya kubasika aamoyo bantu. Kuti walibelesya, nga ulikubagwasya kuti basyome nzitubakambawukila.

5. Kkala kubeteme. Utachiti zintu zipa kuti utondeezyaanga nduwe nuuzi. Tatuyandi kukazyania aabantu pe. Libombye kwiinda mukukkala kubeteme alubo uzibe chiindi chakweenda kuti kwaba kukazyania. (Tus. 17:14; Tit. 3:2) Kuti wamusandula kabotu muntu ngulikukambawukila, zilakonzya kumugwasya kuti azooyande kuswiilila muchiindi chilikunembo.

ALUBO LANGA

Rom. 12:16-18; 1 Kor. 8:1; 2 Kor. 3:5