Ndiimikile Na Kwaambuuzyania Aamuntu Ooyu?

Kuti muntu wabuzya mubuzyo mubotu loko, tulabotelwa alubo nga twayinkilila kunembo kwaambuuzyania aawe. Tuyanda kwaambuuzyania aabantu bali “aamyoyo iilibambilide kujana buumi butamani.”—Mil. 13:48.

Pesi niinzi nzitweelede kuchita kuti muntu kanyemede, kayanda kutukazya naakuti katondeezya kuti tayandi pe kwaambuula aandiswe aachiindi eecho? Tulakonzya kwiimikila kwaambuulaawe pesi tuzichite katubeteme alubo munzila yabulemu. (Tus. 17:14) Tondeezya kuti ulamulemeka muntu ooyo chiindi nwiimikila kwaambuuzyanaawe kuchitila kuti azooyande kwiiya lubo muchiindi chilikunembo.—1 Pet. 2:12.