MAKANI AAKUYUNGIZYA C
Mbutukonzya Kwiiya Aabantu Bbayibbili Katubelesya Mbukonzya Kubotelwa Mubuumi Kukabe Kutamani!
Bakwesu bakakomba alubo bakayanduulisisya chiindi nibakali kulemba bbuku lyaMbukonzya Kubotelwa Mubuumi Kukabe Kutamani! Nkinkaako, chita zyoonse nzukonzya kuti ulibelesye bbuku eeli alubo belesya nzila iitobela chiindi nwiiya aabantu Bbayibbili.
Kamutanayiya
1. Libambile kabotu. Chiindi nuli kulibambila, yeeya atala achiimo chamuntu ngwiiyaawe, mpayanda lugwasyo anjiisyo nzyasyoma. Yeeya atala atwaambo tukonzya kumuyumina kumvwisisisya naakuti tukonzya kumuyumina kutubelesya. Langa-langa makani aali muchipanzi chiti, “Yanduulisisya” aakonzya kugwasya muntu ngwiiyaawe ambukonzya kuchibelesya nikuba chiindi nimulikwiiya.
Nimulikwiiya
2. Amujule akujala aankombyo kuti muntu ngwiiyaawe wazumina.
3. Utaambuulisyi loko pe. Bikkila maanu kuzintu nzimulikwiiya alubo lekela muntu ngulikwiiyaawe kuti aambe maboneno aakwe.
4. Nimwayanda kusaanguna chipanzi chipya, amubale makanze aachipanzi eecho mpawo waambe mitwe yazyiiyo ziche nzimuyanda kuzooyiya muchipanzi eecho.
5. Nimwamaninsya chipanzi chimwi achimwi, belesya mibuzyo yakwiindulula yamuchipanzi eecho kuti ugwasye muntu ngwiiyaawe kuti ayeeye zintu nzimwakayiya.
6. Nimulikwiiya chiiyo chimwi achimwi amuntu ngwiiyaawe:
Amubale mafuka.
Amubale mavesi woonse aalembedwe kuti “Bala.”
Amubale amwi mavesi aabikkidwe kuti kakuyandikana.
Amweebele mavidiyo woonse aalembedwe kuti “Mweebele” (kuti kulaawo.)
Buzya muntu ngwiiyaawe mibuzyo yoonse yeelede kusandulwa.
Amulange-lange mapikicha aali muchipanzi chitii, “Yiya Zyiingi” mpawo ukumbile muntu ngwiiyaawe kuti aambe nzyalikubona anzyayiya.
Belesya kabbokesi katii, “Nzweelede Kuchita” kuti ugwasye muntu ngwiiyaawe kuti abone mbalikwiinkilila kunembo kukomena mubukombi. Ulakonzya kumusungwaazya kuti alembe zimwi zintu nzyayelede kuchita.
Kumbila muntu ngwiiyaawe kuti aambe zintu nzyaakayiya, kapati muzyiiyo naakuti mumavidiyo aali muchipanzi chitii, “Yanduulisisya” chiindi naakali kulibambila.
Amweezye kumaninsya chiiyo chimwi achimwi mubuzuba bumwi.
Nimwamana kwiiya
7. Kkala kuyeeya atala amuntu ngwiiyaawe. Kombela kuti Jehova alongezye nzyalikuchita muntu ngwiiyaawe kuti akomene mubukombi akuti akupe busongo kuchitila kuti uzibe mbukonzya kumugwasya.