Kuyungizya Luzibo Lwesu Mumulimu Wakukambawuka​—Kukambawukila Bantu Boonse Muchilawu Chesu

NKAMBOONZI NIKUYANDIKANA?: Zekkariya wakasinsima kuti bantu bazwa kuzisi zyoonse bayootambula makani mabotu. (Zek 8:23) Pesi mbaani bakali kuyoobakambawukila? (Rom 10:13-15) Toonse tuli achilongezyo chakukambawuka makani mabotu muzilawu zyesu.​—od 84 ¶10-11.

MBUTUKONZYA KUZICHITA:

• Libambile. Kuli mpunga waswaana bantu baambuula mulaka ngutazi na? Ulakonzya kwiiya kubakambawukila mubufwiifwi kubelesya JW Language app. Chimwi chiindi ulakonzya kubatondeezya mbubakonzya kujana makani miingi ajw.org mumilaka njibamvwisisisya kubelesya fooni naa tebbuleti

• Kambawukila bantu boonse. Nulikukambawukila kung’anda ang’anda, yezya kukambawukila abantu balikwiinda naa bali mumoota zipakidwe. Ba amakanze akukambawukila bantu chiindi nulikuchita bukambawusi bwaantanganana

• Sungwaala. Yezya kukambawukila bantu batajaniki ang’anda. Ulakonzya kubayanduula muchiindi chisiyene amumazuba asiyene kuti ukonzye kubakambawukila. Bamwi ulakonzya kubakambawukila kubelesya lugwalo, fooni naa bukambawusi bwamumugwagwa

• Bweeda. Bweeda chakufwambaana kubantu bakatondeezya chiyandisyo. Kuti wajana muntu wambuula mulaka ngutazi ulakonzya kuyanduula umwi uuzi kabotu kuti amugwasye. Weelede kunoobweeda kusikila ajane muntu uuzi kabotu mulaka wakwe.​—od 94 ¶39-40

AMWEEBELE VIDIYO IITI, KUKAMBAWUKA “MANE KUSIKILA KUMAMANINO AANYIKA”, MPAWO MUSANDULE MIBUZYO IITOBELA:

• 

  Bakalibambila biyeni bakwesu abachizi kuchitila kuti bakakambawukile bantu bali kule? (1Kor 9:22, 23)

• 

  Mbuubuli buyumu-yumu mbubakaswaana?

• 

  Nziizili zilongezyo nzibakajana?

• Kujana wachita biyeni kuti ukonzye kukambawukila bantu basiyene-siyene muchilawu chanu?