Amukwabilile Lukwatano Lwanu

Jehova uzibona kaziyandikana loko zikonke zichitwa kumichado alubo uyanda kuti basikuchada bakkale mulukwatano lwabo. (Mt 19:5, 6) Bakombi baJehova biingi balikubotelwa mulukwatano lwabo. Nikuba oobo, eezi tazyaambi kuti tabaswaanani aamapenzi pe mulukwatano lwabo. Kuti kwaba kutamvwanana, bantu bakwetene tabeelede kuyeeya kuti kwaanzaana akulekana nzizyo zikonzya kumaninsya penzi eelyo. MaKristu bakwetene, kujana balukwabilila biyeni lukwatano lwabo?

Zintu zili 5 zitobela zilakonzya kubagwasya.

1. Toyelede kuyandana aamuntu ngutakwetenaawe alubo toyelede kulikondelezya aazintu zisumpula bwaamu.—Mt 5:28; 2Pe 2:14.

2. Simya bweenzinyokwe mbulaabo aLeza alubo uchite zintu zimubotezya.—In 97:10.

3. Zumanana kuba aabuntu bupya alubo chitila muntu ngukwetenaawe zintu ziniini zitondeezya kuti ulamuyanda.—Kol 3:8-10, 12-14.

4. Lemeka muntu ngukwetenaawe, mwaambuzyanie kabotu.—Kol 4:6.

5. Mutondeezye kuti ulamuyanda muntu ngukwetenaawe.—1Ko 7:3, 4; 10:24.

Kulemeka lukwatano nkubachita maKristu, kutondeezya kuti balamuleka Sikutalisya lukwatano Jehova.

AMWEEBELE KAVIDIYO KATII, ‘ATUBALIKE CHAKULIYUMYA’—TOBELEZYA MILAWU YAMUMUZUNDAANO, KUZWA WAAWO, MUSANDULE MIBUZYO IITOBELA:

• 

  Mbuubuli buyumu-yumu mbubakonzya kuswaana bantu bali mulukwatano?

• 

  Malayilile aamuBbayibbele kujana abagwasya biyeni bantu batabotelwi mulukwatano?

• 

  Njiili milawu iili muBbayibbele iikonzya kugwasya bantu bali mulukwatano?

• Nziizili zintu nzibeelede kuchita bantu bakwetene kuti lukwatano lwabo luzwidilile?