Gwasya Bantu Mbuyiyaabo Kuti Batantamuke Beenzinyina Batali Kabotu

Bantu bayiya Bbayibbele beelede kuba aabeenzinyina balikabotu kuti babe aabweenzinyina bulikabotu aJehova. (In 15:1, 4) Beenzinyina balikabotu babagwasya kuti bachite zintu zilikabotu.—Tu 13:20; lff chiiyo 48.

Weelede kuba aaluzyalo chiindi nugwasya bantu mbuyiyaabo Bbayibbele kuti batantamuke beenzinyina batali kabotu. Kulakonzya kubayumina kusiya beenzinyina bakunyika. Nkinkaako, weelede kutondeezya kuti ulaandaba abantu mbuyiyaabo Bbayibbele. Ulakonzya kuzitondeezya eezi, kwiinda mukubalembela mameseji, kubafoonena naakuti kubaswaya. Kuti bantu mbuyiyaabo Bbayibbele bayinkilila kunembo mubukombi, ulakonzya kubagwasya kuti bamvwanane aabakombi baLeza. Eezi zilakonzya kubagwasya kubona kuti bakamvwanana aabantu balikabotu loko kwiinda mbibakasiya. (Mk 10:29, 30) Anduwe ulabotelwa kuti wabona mpuli yaJehova kayilikukomena.

AMWEEBELE KAVIDIYO KATII, GWASYA BANTU MBUYIYAABO KUTI BATANTAMUKE BEENZINYINA BATALI KABOTU, KUZWA WAAWO, MUSANDULE MIBUZYO IITOBELA:

• Mbaabali bantu mbitweelede kutantamuka?—1Ko 15:33

• Maluba wakali kuyeeyela kuti maKristu balikondelezya aazintu zili biyeni?

• Neeta wakamugwasya biyeni Maluba kuti ajane beenzinyina balikabotu?