Bambila Moyo Wako

Chiindi nitubala Bbayibbili, tuyanda kuti zintu nzitubala atala aJehova tuzibikke mumyoyo yesu. Ezra wakatusiila chikozyano chibotu loko kunkani eeyi, “wakali wabamba moyo wakwe kuti ayanduulisisye Mulawu waJehova.” (Ezr. 7:10) Kujana twayibambila biyeni myoyo yesu?

Komba. Saanguna chiiyo chako akukomba kuli Jehova. Kumbila Jehova kuti akugwasye kuti umvwisisisye akuti ubelesye zintu nzulikubala.—Int. 119:​18, 34.

Libombye. Leza ulakasisa kasimpe kubantu balisumpula, balibuzya kuti tabayandi kuzulwidwa aanguwe. (Lk. 10:21) Chiindi nuyanduulisisya, toyelede kubala kuli aamakanze aakuyanda kubonenenwa aabantu kuti ulizi zili biyeni Bbayibbili. Libombye kwiinda mukuchincha maboneno aako kuti kaatayendelani aamaboneno aaLeza.

Yezya kuswiilila lwiimbo lwaBwaami. Miimbo alaanguzu zyakuchincha myoyo yesu akutugwasya kuti tubikkile maanu kuzintu zyabukombi. Swiilila nyimbo yaBwaami chiindi nusaanguna kubala Bbayibbili kuchitila kuti ukonzye kubambila moyo wako.