Aajanika Makani aaKabbuku Kamuswaangano waBuumi Amulimu Wesu
JANUARY 2-8
LUBONO LUZWA MUJWI LYALEZA | 2 BAMI 22-23
“Nkamboonzi Nitweelede Kulibombya?”
w00 9/15 29-30
Josiya Wakabotezya Jehova Akaambo Kakuti Wakali Kulibombya
Basikubambulula tempele bakali kubeleka changuzu kuzwa kuseeni. Josiya wakali kubotelwa akaambo kakuti basikubambulula tempele bakali kubeleka kuti babambulule zintu nzibakapambanisya masyaanyinakulu kung’anda yaLeza. Nibakali kubeleka, Safani wakaza aamulumbe. Wakali wakutyeni? Safani wakajisi bbuku lyakupeta. Wakaamba kuti Mupayizi Mupati Hilikiya wajana “bbuku lya Mulawo wa Jehova lyakapegwa kwiinda muli Musa.” (2 Makani 34:12-18) Eechi chakali chintu chibotu loko nkaambo bbuku eeli lyakali aamalembe aakusaanguna aMulawu!
Nilyakalikubalwa bbuku eeli, Josiya wakali kuswiilisisya. Safani naakali kubala, mwaami wakali kuswiilila akubona kuti malayilile aayo abeleka biyeni kulinguwe akubantu boonse. Chakali kumubotezya loko, nkuti bbuku eeli lyakali kusumpula bukombi bwakasimpe akwaamba mapenzi aakali kuyoochitika kuti bantu baliswaanizya mubukombi bwakubeja akuti bakali kuyootolwa mubuzike. Josiya naakabona kuti imwi milawu yaLeza tayilikutobelwa pe, wakadelula chigogo chakwe akulayilila Hilikiya, Safani abantu kuti: ‘Amutubuzizye Jehova atala amajwi aali mubbuku eeli, nkaambo bukali bwaJehova ibwatubukila bulayaka kapati mbuli mulilo akaambo kakuti bamatata tiibakaswiilila majwi aali mubbuku eeli.’—2 Bami 22:11-13; 2 Makani 34:19-21.
w00 9/15 30 ¶2
Josiya Wakabotezya Jehova Akaambo Kakuti Wakali Kulibombya
Batumwa baJosiya bakayinka kumupolofita wachanakazi uutegwa Hulida kuJerusalema mpawo bakaboola amakani ngaakababuzya. Hulida wakaamba makani aazwa kuli Jehova aakali mubbuku eelyo, aakali kutondeezya kuti chisi chakali kupapila, chakali kuyooswaana mapenzi. Josiya taakali kuyooswaana mapenzi aayo akaambo kakuti wakali walibombya kuli Jehova Leza. Wakali kuyoobunganisigwa amasyaanyinakulu akuzikkwa mukabanda kakwe muluumuno.—2 Bami 22:14-20; 2 Makani 34:22-28.
Kuyanduula Lubono muJwi lyaLeza
w01 4/15 26 ¶3-4
Ulakonzya Kuzwidilila Kufumbwa Kuti Wakakomezegwa Biyeni
Josiya wakachita zibotu kunembo lyaJehova kazitakwe ndaba kuti wakakomezegwa munzila iitali kabotu. Wakazwidilila naakali kweendelezya zyakuti Bbayibbili lyaamba kuti: “Kunyina mwami wakamusaangunina wakali mbuli nguwe iwakapiluka kuli Jehova camoyo wakwe woonse abuumi bwakwe boonse alimwi anguzu zyakwe zyoonse kweelana a Mulawo woonse wa Musa; alimwi kuzwa nguwe tiikwakaba uumbi uuli mbuli nguwe.”—2 Bami 23:19-25.
Josiya nchikozyano chibotu loko kuli baabo bakaswaana buyumu-yumu kabachili baniini. Twiyaanzi kuzwa kuchikozyano chakwe? Niinzi chakagwasya Josiya kuti asale kubelekela Leza akwiinkilila kunembo kachita oobo?
JANUARY 9-15
LUBONO LUZWA MUJWI LYALEZA | 2 BAMI 24-25
“Kkala Kuzi Kuti Chiindi Chasyaala Nchiche”
w01 2/15 12 ¶2
Buzuba BwaJehova Bwalubeta Bwabaafwiifwi!
Bupolofita bwakaambwa aZefaniya bwakapa kuti Josiya ayande kugwisya zintu zyakali kupambanisya bukombi bwakasimpe bwakali muJuda. Zintu nzyaakachita mwaami kuti agwisye bukombi bwakubeja munyika teezyakamaninsya bubi boonse mbubakalaabo bantu naakuti zibi zyakachitidwe aasyaanyinakulu, Mwaami Manase ooyo “wakazuzya Jerusalemu abulowa bwabantu batakwe mulandu.” (2 Bami 24:3, 4; 2 Makani 34:3) Eezi zitondeezya kuti buzuba bwaJehova bwalubeta bwakali kuzoosika choonzyo.
w07 3/15 11 ¶10
Makani Aazwa Mubbuku lyaJeremiya
Wakali munyaka wa 607 B.C.E. Wakali waba munyaka wachi 11 Zedekkiya kayendelezya mbuli mwaami. Mwaami Nebukadinezara wakuBbabbiloni wakali wasinkila Jerusalema kwamyeezi iili 18 yakiindide. Mubuzuba bwachi 7 mumweezi wachi 5 mumunyaka wachi 19 wabweendelezi bwaNebukadinezara, mupati wabasikulinda Nebuzaradana “wakaboola” naakuti ‘wakasika’ kuJerusalema. (2 Bami 25:8) Kulakonzeka kuti wakali aakkeempu yakwe aanze aamiduli yamuunzi, Nebuzaradana wakalanga-langa chiimo mpawo wayeeya nzyakonzya kuchita. Nikwakayinda mazuba aatatu mumweezi wachi 10 “wakanjila” muJerusalema. Mpawo wakawumpa muunzi.—Jeremiya 52:12, 13.
Kuyanduula Lubono muJwi lyaLeza
w05 8/1 12 ¶1
Makani Aazwa Mubbuku lya2 Bami
24:3, 4. Akaambo kakuti Manase wakatila ganzi jingi, Jehova ‘tanaakalibambilide kulekelela’ Juda. Jehova ulalilemeka ganzi lyabantu baluleme. Tulaachoonzyo chakuti Jehova uyookwabilila ganzi lyabantu batakwe mulandu kwiinda mukunyonyoona aabo balitila.—Intembauzyo 37:9-11; 145:20.
JANUARY 16-22
LUBONO LUZWA MUJWI LYALEZA | 1 MAKANI 1-3
“Bbayibbili Ndibbuku Lilaamakani Aachoonzyo Kutali Lyatwaano”
w09 9/1 14 ¶1
Adamu a-Eva Bakali Bantu Bachoonzyo Na?
Muchikozyano, atulange-lange mulongo wamazyalani aachiJuda uulembedwe muBbuku Lyakusaanguna lyaMakani chaandaano 1 kusika ku9 amubbuku lyaMakani Mabotu lyaLukka chaandaano 3. Bbuku Lyakusaanguna lyaMakani lyaambuula atala amazyalani aali 48 alubo lyaLukka lyaambuula atala amazyalani aali 75. Lukka wakalemba atala azyalani lyaJesu Kkristu mpawo bbuku Lyakusaanguna lyaMakani lyaambuula atala amulongo wabaami abapayizi bachisi chama-Israyeli. Milongo eeyi iibili iswaanizya mazina aabantu bazibinkene loko mbuli Solomoni, Davida, Jakkobo, lzakka, Abrahamu, Nowa kuswaanizya a-Adamu. Bantu boonse baambidwe mumilongo eeyi mbantu bakapona choonzyo alubo Adamu muntu wakusaanguna wachoonzyo wakaponede.
w08 6/1 3 ¶4
Nowa aZambangulwe Zintu Zyachoonzyo Kutali Twaano
Milongo iibili yamazyalani yaambidwe muBbayibbili itondeezya kuti Nowa wakapona choonzyo. (1 Makani 1:4; Lukka 3:36) Ezara aLukka bakalemba atala amazyalani aaya, bakali basikuyanduulisisya basungu. Lukka wakalemba atala amulongo wazyalani lyaJesu Kkristu kusika kuli Nowa.
w09 9/1 14-15
Adamu a-Eva Bakali Bantu Bachoonzyo Na?
Muchikozyano, atulange-lange njiisyo yamuBbayibbili njibayandisya bantu bakomba, njiisyo yachinunuzyo. Njiisyo eeyi itondeezya kuti Jesu Kkristu wakapa buumi bwakwe bumaninide kuti anunune bantu kuzwa kuzibi zyabo. (Mateyo 20:28; Johane 3:16) Mbuli mbutuzi, chinunuzyo nimbadalo iigwisigwa kuti kwaangununwe muntu naakuti kuboozya chimwi chintu chasweeka naakuti chabbigwa. Eezi nzizyo zipa kuti Bbayibbili lyaambe kuti Jesu ‘nchinunuzyo cheelene.’ (1 Timoti 2:6) Tulakonzya kulibuzya kuti, cheelene aanzi? Bbayibbili lyaamba kuti: “Mbukunga boonse balikufwa muli Adamu, nkukwaamba kuti boonse bazooba bawumi muli Kkristu.” (1 Bakkorinte 15:22) Buumi bumaninide Jesu mbwaakapa kuti anunune bantu baswiilila, buleelene abuumi Adamu mbwaakasowa akaambo kakubisya mumuunda waEdeni. (Baroma 5:12) Zilaantanganana kuti kaansinga Adamu taakapona, chinunuzyo chaKkristu teechakali kunoobeleka pe.
Kuyanduula Lubono muJwi lyaLeza
it-1 911 ¶3-4
Mazyalani
Mazina Aabanakazi. Chimwi chiindi mazina aabanakazi aakali kulembwa mumilongo yamazyalani kuti kakuli kaambo kayandikana kakali kupa kuti kuchitwe oobo. Muli Matalikilo 11:29, 30, Sarai (Sara) ulaambidwe kutondeezya kuti Mwana wakasyomezedwe wakali kuyoozwa kulinguwe kutali kuluumwi mwanakazi wa-Abbrahamu. Anguwe Milikka ulaambidwe mulugwalo oolu nkaambo wakali banyinakulu baRebbekka, ooyo wakali mwanakazi wa-lzakka. Eezi zyakali kutondeezya kuti zyalani lyaRebbekka lyakali kuzwa kunzubo zya-Abbrahamu nkaambo lzakka taakeelede kukwata mwanakazi kuzwa kulizimwi zisi. (Mtl 22:20-23; 24:2-4) Muli Matalikilo 25:1, zina lyaKketura mwanakazi ngwaakazookwata Abbrahamu lilaambidwe. Eezi zitondeezya kuti Sara naakafwa, Abrahamu wakazookwata lubo akuti nguzu zyakwe zyakuzyala zyakachili kubeleka nikuba kuti kwakayindide minyaka yiinda ku 40 kuzwa Jehova naakazibusilizizye. (Ro 4:19; Mtl 24:67; 25:20) Alubo eezi zitondeezya bubbululu bwakaliwo aakati kamaMidiyani ayimwi misyobo yama-Arabbu kuma-lsrayeli.
Leya, Rakkele kuswaanizya abamwanakasuwa baJakkobo abana babo ambabo balilembedwe. (Mtl 35:21-26) Eezi zitugwasya kumvwisisisya bana aaba mbubakazoobelekelaamwi aLeza. Kulaamwi mazina aabanakazi aalembedwe mumilongo yamazyalani akaambo katwaambo tukozyenie. Nikwakali kuyandikana kuti bantu bajane lukono kwiinda mubanakazi, mazina abanakazi aakali kubikkilizigwa. (My 26:33) Nikuba oobo, Tamara, Rahabbu aRute nzikozyano zibotu loko. Kuli zimwi zintu zigambya zyakachitika kubanakazi aaba zyakapa kuti bajanike mumulongo wazyalani lyaMesiya, Jesu Kkristu. (Mtl 38; Ru 1:3-5; 4:13-15; Mt 1:1-5) Zimwi ndawu mpaajanika mazina aabanakazi mumilongo yamazyalani mpaali 1 Makani 2:35, 48, 49; 3:1-3, 5.
JANUARY 23-29
LUBONO LUZWA MUJWI LYALEZA | 1 MAKANI 4-6
“Nkombyo Zyangu Zitondeezya Kuti Ndili Muntu Uulibiyeni?”
w10 10/1 23 ¶3-7
“Ooswiilila Mipailo”
Jabezi wakali muntu uuyanda kukomba. Wakasaanguna nkombyo yakwe kwiinda mukukumbila kuti alongezegwe aaLeza. Mpawo wakazookumbila zintu zitatu zyakali kutondeezya kuti wakali aalusyomo.
Chakusaanguna, Jabezi wakakombelezya Leza kati: ‘Komezya cilawo cangu.’ (Vesi 10) Eezi tazyaambi kuti mwaalumi ooyu wakali kulemekwa, wakali kuyanda kuyola myuunda yabeenzinyina kuti ibe yakwe. Zintu nzyaakali kukumbila zyakali atala abantu kutali nyika. Kulakonzeka kuti wakali kukumbila kuti nyika yakwe ikomezegwe kuchitila kuti ajane ndawu mpati yakuti bantu biingi bakombe Leza wakasimpe.
Chachibili, Jabezi wakakumbila “janza” lyaLeza kuti libe aanguwe. Janza lyaLeza lyakukozyanisya, manguzu aakwe ngabelesya kuti agwasye bakombi bakwe. (1 Makani 29:12) Kuti ajane nzyaakali kukumbila, Jabezi wakalangilila kuli Leza, ooyo uugwasya aabo bamusyoma nkaambo janza lyakwe talili fwiifwi pe.—Isaya 59:1.
Chachitatu, Jabezi wakakomba kati: ‘Kondivuna kumapenzi kutegwa atandiwidi.’ Majwi aakuti, “kutegwa atandiwidi” taambi kuti Jabezi wakali kukombela kuti ataswaani mapenzi pe, pesi kuti atamvwi kuchisa kweetwa aachibi.
Nkombyo yaJabezi yakali kutondeezya kuti wakali aandaba abukombi bwakasimpe akuti wakali aalusyomo kuli Yooyo uuswiilila nkombyo. Jehova wakamusandula biyeni? Lwaano oolu lumana aamajwi aati: “Aboobo Leza wakamucitila ncaakalomba.”
Kuyanduula Lubono muJwi lyaLeza
w05 10/1 9 ¶7
Makani Aazwa Mubbuku lya 1 Makani
5:10, 18-22. Mumazuba aaMwaami Sawulu, misyobo yakali kubuzwezuba bwaJodani yakazunda bantu bakuHagiri nikuba kuti namba yamasoja amisyobo eeyi yakali kunjila tubili kuli yabantu bakuHagiri. Zyakachitika oobo, akaambo kakuti baalumi bamisyobo eeyi bakasyoma Jehova akulangilila kulinguwe kuti abagwasye. Andiswe atube aalusyomo muli Jehova nitulwana nkondo eeyi yamubukombi abasinkondoma bali aamanguzu.—Ba-efeso 6:10-17.
JANUARY 30–FEBRUARY 5
LUBONO LUZWA MUJWI LYALEZA | 1 MAKANI 7-9
“Jehova Ulakugwasya Kuti Uchite Milimu Miyumu”
w05 10/1 9 ¶8
Makani Aazwa Mubbuku lya 1 Makani
9:26, 27. MaLevi bakali kulinda milyango, bakali aamulimu uuyandikana. Bakapedwe makkii aakali kujula ndawu zisalala zyatempele. Bakali kutondeezya kuti balasyomeka kwiinda mukujula milyango buzuba abuzuba. Andiswe tupedwe mulimu wakayanduula bantu bali muchilawu chesu akubagwasya kuti bakombe Jehova. Bantu beelede kutusyoma alubo tweelede kusyomeka mbuli mbubakabede maLevi bakali kulinda milyango.
w11 9/15 32 ¶7
Tobelezya Chikozyano chaFiniyasi Kuti Waswaana Buyumu-yumu
Finiyasi wakali aamulimu mupati muchisi cha-Israyeli, pesi akaambo kakuti wakali aachibindi, luzibo, akuti wakali kusyoma Leza, wakazunda buyumu-yumu mbwaakali kuswaana. Nzila Finiyasi njaakali kuchitaayo milimu yakwe mumbungano, yakabotezya Jehova. Nikwakayinda minyaka iisika ku 1 000, Ezara wakazulwidwa kulemba kuti: “Finehasi mwana wa Eleazara ngowakali musololi wabo kaindi; Jehova wakali anguwe.” (1 Mak. 9:20) MaKkristu boonse bali aachilongezyo chakuzulwida bakombi baLeza kuswaanizya amaKkristu boonse bamukomba chakusyomeka beelede kutobelezya chikozyano chaFiniyasi.
Kuyanduula Lubono muJwi lyaLeza
w10 12/15 21 ¶6
Yimbila Jehova!
6 Kwiinda mubapolofita, Jehova wakalayilila bakombi bakwe kuti bamutembawule kwiinda munyimbo. Bayimbi bakali kuzwa kumusyobo wabapayizi, teebakali kuchita imwi milimu yakeelede kuchitwa abamwi maLevi, kuchitila kuti bajane chiindi chakwaanza nyimbo akuzipulakatizya.—1 Mak. 9:33.
FEBRUARY 6-12
LUBONO LUZWA MUJWI LYALEZA | 1 MAKANI 10-12
“Zumanana Kuba Aachiyandisyo Chakuchita Kuyanda kwaLeza”
w12 11/15 6 ¶12-13
“Kondiyiisya Kucita Kuyanda Kwako”
12 Davida wakatondeezya kuti wakali kuziyanda njiisyo zyakali muMulawu alubo wakali kuyanda kupona kweendelana anzizyo. Andiswe tweelede kutobelezya chikozyano chakwe. Atubone zyakachitika chiindi Davida naakalombozya kunywa “maanzi aamumukalo waku Betelehemu.” Baalumi batatu bakanjila changuzu mumuunzi ooyo wakakkedwe aamaFilisiti chiindi eecho, mpawo bakamweetela maanzi. Nikuba oobo, “Davida wakakaka kwaanywa, eelyo wakaatila ansi kuli Jehova.” Nkamboonzi naakachita oobo? Davida wakaamba kuti: “Cilatondwa kulindime mumeso aa Leza wangu kuti ndicite boobu! Sena ndinywe bulowa bwabaalumi aaba ibabikka buumi bwabo muntenda? Buumi bwabo bwali muntenda nobali kuleta maanzi aaya.”—1 Mak. 11:15-19.
13 Davida wakalaazi makani aalembedwe muMulawu aakuti ganzi lyeelede kutilwa aansi kuli Jehova kutali kuligwa. Alubo wakalizi kuti nkamboonzi eezi nizyakeelede kuchitwa. Davida wakalizi kuti “buumi bwacintu cipona buli mubulowa.” Nikuba oobo, aaya akali maanzi biyo kutali ganzi. Nkamboonzi Davida naakakaka kwaanywa? Wakaliizi njiisyo yakayeeme mumulawu ooyu. Mumeso aaDavida, maanzi aayo akali kuyandikana mbuli ganzi lyabaalumi aaba batatu. Wakabona kaziteeleli kuti aanywe. Nkinkaako, wakasala kwaatila aansi.—Lev. 17:11; Dt. 12:23, 24.
Zumizya Milawu Amalayilile aaLeza Kuti Ziyiisye Moyo Wako
5 Kuti tugwasigwe amilawu yaLeza, tweelede kuchita zyiingi kutali kwiibala akwiiziba luzutu. Tweelede kwiiyanda akwiibelesya. Bbayibbele lyaamba kuti: “Amusule bubi akuyandisya bubotu.” (Am 5:15) Kujana twazichita biyeni? Chiyandikana nkuba amaboneno aali mbuuli aaJehova. Muchikozyano, atuteedi waba achilabila mansiku. Mpawo dokotela wakubuzya kuti utalyi zimwi zintu, u-ekisesayize akuchincha zimwi zintu nzuchita mubuumi. Nwaabelesya nzwaabuzigwa adokotela, wabona kuti zilabeleka. Eezi zipa kuti umulumbe dokotela nkaambo wakugwasya kuti ukonzye koona kabotu.
6 Munzila iikozyenie, Mulengi wesu wakatupa milawu iitugwasya kuti tutachiti chibi akuti tupone buumi bulikabotu. Milawu iizwa muBbayibbele itugwasya kuti tutabeji, tutayeeyi kuchita zibi, tutabbi, tutachiti bwaamu, tutalwani akuti tutantamuke zyachidimoni. (Bala Tusimpi 6:16-19; Ciy. 21:8) Zilongezyo nzitujana akaambo kakuchita nzyayanda Jehova zipa kuti tumuswiilile akuti twiiyande milawu yakwe.
Kuyanduula Lubono muJwi lyaLeza
it-1 1058 ¶5-6
Moyo
Kukomba Leza “Amoyo Woonse.” Kuti moyo ubeleke kabotu, weelede kuti kuukkwene pesi moyo wakukozyanisya ulakonzya kwaanzaana. Davida wakakomba kati: “Kondipa kuba amoyo omwe kutegwa kandiyoowa zina lyako,” kaamba kuti moyo wamuntu ulakonzya kwaanzaana akaambo kazintu muntu nzyayanda anzyayoowa. (In 86:11) Muntu uuli boobu, ulakonzya kuba ‘amoyo uutamaninide’ nkukwaamba kuti nga ulikukomba Jehova pesi katachisungweete pe. (In 119:113; Ciy 3:16) Alubo muntu ulakonzya kuba ‘aamyoyo iibili’ nkukwaamba kuti nga ulikweezya kubelekela basimalelo babili naakuti nguulya muntu wakuti ooku nga ulikwaamba zimwi pesi ooku kalikuyeeya zimwi. (1Mk 12:33; In 12:2, makani aamunsi) Jesu wakabakalalila bantu bakali aamyoyo iili boobu.—Mt 15:7, 8.
Muntu uuyanda kubotezya Leza teelede kumukomba amoyo uutamaninide naakuti amyoyo iibili pe, pesi weelede kumukomba chamoyo woonse. (1Mk 28:9) Eezi zyaamba kuti muntu weelede kubeleka changuzu akaambo kakuti moyo ulapenzya alubo mubi. (Je 17:9, 10; Mtl 8:21) Zintu zikonzya kutugwasya kuti tube aamoyo uumaninide ziswaanizya: kukomba amoyo woonse (In 119:145; Mal 3:41), kubala Jwi lyaLeza chiindi choonse (Ezr 7:10; Tu 15:28), kusungwaala kukambawuka makani mabotu (kozyanisya a Je 20:9) akuliswaanizya aabamwi bali aamyoyo iimaninide kuli Jehova.—Kozyanisya a 2Ba 10:15, 16.
FEBRUARY 13-19
LUBONO LUZWA MUJWI LYALEZA | 1 MAKANI 13-16
“Kutobela Malayilile Kupa Kuti Tuzwidilile”
w03 5/1 10-11
Nga Walibuzya Na kuti “Ino Uli Kuli Jehova?”
12 Bbokesi Lyachizuminano nilyakabweedezegwa ku-lsrayeli anilyakakkala kwaminyaka myiingi kuKiriyati-jearimu, Mwaami Davida wakaba aachiyandisyo chakuti litolwe kuJerusalema. Wakaambuuzyania aabasilutwe babantu akubabuzya kuti Bbokesi Lyachizuminano lyakali kuzoolonzegwa ‘ikuti naa chakali chibotu kulimbabo akuti kachitambulika kuli Jehova.’ Pesi taakayanduulisisya kabotu kuti azibe kuyanda kwaJehova atala ankani eeyi. Kaansinga wakachita oobo, Bbokesi teelyakali kunoobikkwa mungolo pe. Pesi lyakali kunoopikulwa aamaLevi bamusyobo waKohati mbuli mbaakali walayilila Leza. Nikuba kuti chiindi chiingi Davida wakali kubuzya Jehova makani, pesi aachiimo eechi wakakachilwa kuzichita munzila iilikabotu. Eezi zyakeeta mapenzi. Mukuya kwachiindi Davida wakazoozumina makani aaya chiindi naakati: “Bukali bwa Jehova Leza wesu ncobwakatusikila, nkaambo tiitwakavwuntauzya kutegwa tucite kweelana amalailile.”—1 Makani 13:1-3; 15:11-13; Myeelwe 4:4-6, 15; 7:1-9.
w03 5/1 11 ¶13
Nga Walibuzya Na kuti “Ino Uli Kuli Jehova?”
13 Chiindi Bbokesi Lyachizuminano nilyakazootolwa aamaLevi kuzwa kung’anda yaObedi-edomu kuya kuJerusalema, kwakayimbwa lwiimbo lwakaanzwa aaDavida. Lwiimbo oolu lwakali aamajwi aakuyeezya aakuti: “Amuyandaule Jehova anguzu zyakwe. Amuyandaule busyu bwakwe ciindi coonse. Amuyeeye milimo yakwe iigambya njaakacita, imaleele aakwe ambeta zyakazwa kumulomo wakwe.”—1 Makani 16:11, 12.
Kuyanduula Lubono muJwi lyaLeza
w14 1/15 10 ¶14
Atukombe Jehova Mwaami Walyoonse
14 Davida wakeeta bbokesi lyachizuminano lisalala kuJerusalema. Aachiindi eechi chakali kubotezya loko, maLevi bakayimba lwiimbo lwakutembawula lwakali aamajwi aayandikana aajanika muli 1 Makani 16:31 aakuti: “Amwaambilizye akati kamasi kuti: ‘Jehova waba Mwami!’” Umwi ulakonzya kulibuzya kuti, ‘Mbukunga Jehova Mwaami walyoonse kale nkamboonzi naakaba Mwaami aachiindi eecho?’ Jehova uba Mwaami chiindi natondeezya bweendelezi bwakwe naakuti chiindi nasala umwi muntu kuti abe mwiiminini wakwe aachiindi chimwi naakuti aachiimo chimwi. Nzila eeyi yakutondeezya bweendelezi bwakwe iyandikana loko. Davida katanafwa, Jehova wakamusyomezya kuti bweendelezi bwakwe teebwakali kuzoomana pe naakati: “Ndiyoobusya lunyungu lwako, nkokuti mwanaako musankwa, alimwi ndiyookkazikizya bwami bwakwe.” (2 Sam. 7:12, 13) Kumamanino aamakani aaya, “lunyungu” lwaDavida lwakazooboneka nikwakayinda minyaka yiinda ku 1 000. Muntu ooyu ngwani alubo ndiilili naakaba Mwaami?
FEBRUARY 20-26
LUBONO LUZWA MUJWI LYALEZA | 1 MAKANI 17-19
“Kkala Kubotelwa Nikuba Nuli Muzyiimo Ziyumu”
w06 7/15 19 ¶1
Bikkila Maanu Kububotu BwaMbunga yaJehova
Davida ooyo wakapona chiindi mu-lsrayeli, waambidwe kwaziindi zyiingi muMagwalo aachiKkristu aachiHebberu. Mwaalumi ooyu wakali mweembezi, mwiimbi, mupolofita alubo wakali mwaami wakali kumusyoma loko Jehova Leza. Akaambo kakuti Davida wakali mweenzinyina waJehova, wakaba aachiyandisyo chakuyanda kuyakila Leza ng’anda. Ng’anda eeyo naakuti tempele lyakali kuzoobelesegwa kubukombi bwakasimpe mu-lsrayeli. Davida wakalizi kuti mabambe aakuti tempele eeli liyakwe akali kuyoopa kuti bakombi baLeza babotelwe naakuti balongezegwe. Nkinkaako, Davida wakayimba kati: “Ulikkomene muntu ngosala akuswenya kulinduwe Kuti akkale mumabuwa aako. Tunookkuta bubotu bwamuŋanda yako, itempele lyako lisalala.”—Intembauzyo 65:4.
Botelwa Anzukonzya Kuchita Mumulimu waJehova
11 Andiswe tulakonzya kubotelwa kuti twabeleka changuzu kumilimu yoonse njitupegwa mumbunga yaJehova. ‘Belesya cindi cako coonse’ mumulimu wakukambawuka alubo beleka changuzu kumilimu yoonse njupegwa mumbungano. (Mil. 18:5; Heb. 10:24, 25) Libambile kabotu miswaangano kuchitila kuti ukape nsandulo zisungwaazya. Kuti wapegwa chipanzi chakuchita kumiswaangano yaakati kamviki weelede kuchibona kachiyandikana. Kuti wapegwa umwi mulimu mumbungano, uchite chakufwambaana alubo usyomeke. Alubo toyelede kubonaanga mulimu ngwaapegwa tuyandikani loko zyakuti toyelede kulibambila. Beleka changuzu kuti uyungizye luzibo lwako atala amulimu nguyanda kuchita. (Tus. 22:29) Kuti wabeleka changuzu kumilimu yoonse njupegwa mumbungano, bweenzinyokwe aJehova buyoosima alubo uyoobotelwa. (Gal. 6:4) Alubo kuti wachita oobo, kuyookuubila kuti ubotelwe chiindi umwi muntu naapegwa chilongezyo nchwaali kulangilila.—Rom. 12:15; Gal. 5:26.
Kuyanduula Lubono muJwi lyaLeza
w20.02 12, kabbokesi
Tulamuyanda Taateesu Jehova Kazizwa Aansi Amoyo
Jehova Ulindizi Na?
Kuli nwaakali walibuzya kuti: ‘Aakati kamabbiliyoni aabantu aali munyika, Jehova ulindizi na?’ Kuti kakuli boobo, tuli awulikke pe. Mwaami Davida wakaamba kuti: “O Jehova, ino muntu nguni wakuti komulanganya, imwana wamuntu ooyo ngobikkila maano?” (Int. 144:3) Davida wakali achoonzyo chakuti Jehova wakalimuzi kabotu. (1 Mak. 17:16-18) Jehova ubelesya Jwi lyakwe ambunga yakwe kutondeezya kuti ulazibona nzuchita akaambo kakuti ulamuyanda. Atubone zimwi zijanika muJwi lyakwe zikonzya kukugwasya kuti ube achoonzyo atala azeezi:
• Jehova wakakuziba kutanazyalwa.—Int. 139:16.
• Jehova ulizizi zili mumoyo wako alubo ulizizi nzuyeeya.—1 Mak. 28:9.
• Jehova ulaziswiilila nkombyo zyako imwi ayimwi.—Int. 65:2.
• Nzuchita zilamuchisa naakuti kumubotezya Jehova.—Tus. 27:11.
• Jehova wakakukwelela kulinguwe.—Joh. 6:44.
• Kuti wafwa, Jehova ulikuzi kabotu zyakuti ulakonzya kuzookubusya. Uzookubusya mbuuli mbubede kuswaanizya mizeezo abumwi buntu mbulaabo.—Joh. 11:21-26, 39-44; Mil. 24:15.
FEBRUARY 27–MARCH 5
LUBONO LUZWA MUJWI LYALEZA | 1 MAKANI 20-22
“Gwasya Bachikula Kuti Bazwidilile”
w17.01 29 ¶8
“Zintu Eezi Zipe Baalumi Basyomeka”
8 Bala 1 Makani 22:5. Kulakonzeka kuti Davida wakali kubonaanga Solomoni takonzyi pe kuzulwida bantu kuti bachite mulimu ooyu uuyandikana. Tempele eeli lyakeelede kuti ‘kalyeebeka kapati’ alubo aachiindi eechi Solomoni wakachili ‘muniini alimwi taakalikwe luzibo.’ Nikuba oobo, Davida wakalizi kuti Jehova wakali kuyoozulwida Solomoni kumulimu ooyu ngwaakamupede. Nkinkaako, Davida wakabikkila maanu kuzintu nzyaakali kukonzya kuchita kuti agwasilizye, nkukwaamba kubamba zintu zyiingi zyakali kuyanda kuyoobelesegwa.
w17.01 29 ¶7
“Zintu Eezi Zipe Baalumi Basyomeka”
7 Davida taakaleka pe kugwasilizya mwanaakwe, kali kuyeeya kuti teenguwe pe wakali kuzooyaka tempele. Tempele eeli lyakazoozibinkanwa kuti nditempele lyaSolomoni kutali lyaDavida. Kulakonzeka kuti amwi Davida taakabotelwa akaambo kakuti taakazuzikizya zyakali kuyandwa aamoyo wakwe pesi wakagwasilizya kuti tempele liyakwe. Davida wakachita mabambe aakuti kube basikubeleka milimu alubo wakabunganizya butale, mukuba, nsiliva, ngolida azisamu zyakkedari. Mukuyungizya, wakasungwaazya Solomoni kuti: “Lino mwanaangu, Jehova abe anduwe alimwi uzwidilile akuyaka ŋanda ya Jehova Leza wako mbubonya mbwaakaamba kujatikizya nduwe.”—1 Mak. 22:11, 14-16.
Nibazyali, Mulikubagwasya Na Bana Banu Kuti Babbabbatizigwe?
14 Baalu balakonzya kugwasya bazyali kwiinda mukusungwaazya bana kuti babe azipeekezyo zyamubukombi. Umwi muchizi wakapayona kwaminyaka yiinda ku70, uchiyeeya majwi ngaakabuzigwa kali aminyaka iili 6, aMukwesu Charles T. Russell. Wakati: “Wakaambuula andime kwamaminiti aali 15 atala azipeekezyo zyangu.” Eezi zitondeezya kuti majwi asungwaazya taalubiki pe. (Tus. 25:11) Alubo baalu balakonzya kutamba bazyali abana babo kuti bagwasilizye nikuyakwa Ng’anda yaBwaami akupa bachikula milimu yeendelana aminyaka yabo.
15 Bamwi mumbungano balakonzya kugwasilizya kwiinda mukutondeezya kuti balabayanda bachikula. Eezi ziswaanizya kubalumbayizya nibachita kabotu muzintu zyabukombi. Balakonzya kubalumbayizya kuti basandula munzila iilikabotu naakuti nibali azyakuchita kumiswaangano yambungano. Alubo balakonzya kubalumbayizya kuti bazunda limwi sunko, naakuti kukambawuka kuchikolo. Beelede kufwambaana kubalumba. Tweelede kutondeezya kuti tulababikkila maanu bachikula miswaangano yambungano kiitanasaanguna aniyamana. Kwiinda mukuchita oobu, tuyoogwasya bachikula kuti bazibe kuti bali “mumbungano impati.”—Int. 35:18.
Kuyanduula Lubono muJwi lyaLeza
w05 10/1 11 ¶6
Makani Aazwa Mubbuku lya1 Makani
21:13-15. Jehova wakalayilila ngilozi kuti yiimikizye lunyonyooko lwakali kuchitika akaambo kakuti tayandi kubona bakombi bakwe kabafwaba. Kwaamba choonzyo, “luse lwakwe ndupati kapati.”