CHIIYO 28
Tondeezya Kuti Ulamulumba Jehova aJesu Akaambo Kazintu Nzibakatuchitila
Nga wamvwa biyeni kuti mweenzinyokwe wakupa chipo chibotu loko? Nga wabotelwa alubo ulamulumba mweenzinyokwe akaambo kachipo eecho. Jehova aJesu bakatupa chipo chiyandikana loko kwiinda zyoonse. Niinzi chipo eecho alubo nga tulatondeezya biyeni kuti tulachilumba?
1. Kujana twatondeezya biyeni kuti tulamulumba Leza aKristu akaambo kazintu nzibakatuchitila?
Bbayibbele lyaamba kuti ‘muntu uuli woonse uusyoma’ Jesu uyoopona kukabe kutamani. (Johane 3:16) Tutondeezya biyeni kuti tulamusyoma Jesu? Tulakonzya kuzitondeezya kwiinda muzintu nzitusala anzituchita. (Jakobo 2:17) Kuti twatondeezya lusyomo muzintu nzituchita anzitwaambuula, bweenzuma mbutulaabo aJesu aJehova bulasima.—Bala Johane 14:21.
2. Njiili imwi nzila iiyandikana loko itondeezya kuti tulamulumba Jehova aJesu akaambo kanzibakatuchitila?
Mubusiku bwamamanino katanafwa, Jesu wakabuzya basikwiiya bakwe atala imwi nzila njibakali kuyootondeezyaayo kuti balachilumba chinunuzyo chakwe. Wakasaanguna muswaangano uuyandikana loko. MuBbayibbele, muswaangano ooyu wiitwa kuti “Mulalilo wa Mwami” alubo uzibikene kuti Nchiyubulusyo chalufu lwaKristu. (1 Bakorinto 11:20) Naakachita muswaangano ooyu, Jesu wakali kuyanda kuti baapostolo bakwe amaKristu boonse bakasimpe kabayeeya kuti wakatufwida. Jesu wakaamba kuti: “Kamucita oobu lyoonse kutegwa kamundiyeeya.” (Luka 22:19) Kuti wanjila Chiyubulusyo, nga ulikutondeezya kuti ulamulumba Jehova aJesu akaambo kakuti balatuyanda.
YIYA ZYIINGI
Bona zimwi nzila zikonzya kukugwasya kuti utondeezye kuti ulamulumba Jehova aJesu. Bona mbuchiyandikana chinunuzyo chalufu lwaJesu.
3. Kuti katulumba, tuyoochita chimwi chintu
Yeeyela umwi muntu kalikukuvuna kuzwa kupenzi liyoosya. Ulaziluba na zintu nzyaakuchitila muntu ooyo? Nga ulamuchitila chimwi chintu na chakutondeezya kuti ulamulumba?
Jehova nguutupa buumi, tweelede kuchita zintu zitondeezya kuti tulamulumba. Bala 1 Johane 4:8-10, mpawo musandule mibuzyo iitobela:
Nkamboonzi chinunuzyo chaJesu nichili chipo chiyandikana loko?
Nzwaakachitilwa aJehova aJesu zipa kuti umvwe biyeni?
Nga tulatondeezya biyeni kuti tulalumba akaambo kanzitwakachitilwa aJehova aJesu? Bala 2 Bakorinto 5:15 a 1 Johane 4:11; 5:3. Nimwamana kubala vesi imwi ayimwi, amusandule mubuzyo uutobela:
Kweendelana alugwalo oolu, nga tulatondeezya biyeni kuti tulalumba?
4. Tobelezya Jesu
Imwi nzila iitondeezya kuti tulalumba, nkwiinda mukutobelezya Jesu. Bala 1 Petro 2:21, mpawo musandule mubuzyo uutobela:
Kujana wamutobelezya biyeni Jesu?
Jesu wakali kuliyanda Jwi lyaLeza, wakali kukambawuka makani mabotu akugwasya bamwi
5. Njila Chiyubulusyo chalufu lwaJesu
Kuti ubone zyakachitika kuMulalilo waMwaami wakusaanguna, bala Luka 22:14, 19, 20. Kuzwa waawo, musandule mibuzyo iitobela:
Niinzi chakachitika kuMulalilo waMwaami?
Chinkwa awayini zyiimininaanzi?—Langa vesi 19 a 20.
Jesu wakabuzya basikwiiya bakwe kuti kabayeeya lufu lwakwe munyaka amunyaka. Lufu oolu bakeelede kuluyeeya mubuzuba bweendelana abuzuba mbwaakafwa. Eezi nzizyo zipa kuti Bakamboni baJehova bayeeye lufu lwaJesu munyaka amunyaka. Kuti ubone mbuuyandikana muswaangano ooyu, mweebele KAVIDIYO. Kuzwa waawo, musandule mubuzyo uutobela.
Niinzi chichitika kuChiyubulusyo?
Chinkwa awayini nzitondeezyo. Chinkwa chiiminina mubili waJesu uutakwe chibi ngwaakapa akaambo kandiswe. Wayini yiiminina ganzi lyakwe
BAMWI BAAMBA KUTI: “Kuti ukafutulwe, weelede kusyoma Jesu luzutu.”
Kujana walubelesya biyeni lugwalo lwa Johane 3:16 alwa Jakobo 2:17 kuti umutondeezye kuti kulizimwi ziyandikana?
CHIFWIINSYO
Tutondeezya kuti tulamulumba Jesu akaambo kanzyaakatuchitila kwiinda mukumusyoma akunjila Chiyubulusyo chalufu lwakwe.
Mibuzyo Yakwiindulula
Kusyoma Jesu chaambaanzi?
Kujana twatondeezya biyeni kuti tulamulumba Jehova aJesu akaambo kanzibakatuchitila?
Nkamboonzi nikuyandikana kunjila Chiyubulusyo chalufu lwaJesu?
YANDUULISISYA
Lufu lwaJesu lupa kuti tuchiteenzi?
Yiya zyiingi atala ambutukonzya kutondeezya lusyomo.
Bona kuti kuziba atala achinunuzyo chaKristu, kwakamugwasya biyeni umwi mwanakazi muchiiyo chitii, “Ndakachincha Akupona Buumi Bulikabotu.”
“Bbayibbele Lilakonzya Kubachincha Bantu” (Ngaziyakulinda, August 1, 2011)
Bona kuti nkamboonzi nikuli bantu bache balya kuChiyubulusyo.