24 Zyoonse weelede kuzibikka mumaanza aa Aroni amumaanza aabana bakwe, alimwi weelede kuziyumba ooku akooku kazili cituuzyo cakuyumba kubusyu bwa Jehova.

25 Mpoonya wakabweza mafwuta, mucila uuli amafwuta, mafwuta oonse aavwumbilide bula, mafwuta aakumuni, insa zyobilo amafwuta aali kulinzizyo amweendo wamunsi wakululyo.+ 26 Wakabweza cinkwa cibunge citajisi bumena icijisi kapulo,+ cinkwa cibunge cijisi kapulo akati icikandidwe amafwuta+ alimwi akankwa kapapalete kuzwa mumutaanga wazinkwa zitajisi bumena iwakali kubusyu bwa Jehova. Mpoonya wakazibikka azibeela-beela zyamafwuta alimwi aamweendo wamunsi wakululyo. 27 Kuzwa waawo wakazibikka zyoonse mumaanza aa Aroni amumaanza aabana bakwe akutalika kuziyumba ooku akooku kazili cituuzyo cakuyumba kubusyu bwa Jehova.

21 Pele twaango amweendo wamunsi wakululyo, Aroni wakaziyumba ooku akooku kazili cituuzyo cakuyumba kubusyu bwa Jehova, mbubonya mbuli Musa mbwaakalailila.+