9 “‘Ciindi nomutebula, tamweelede kumaninizya muzyooko zyoonse zyamyuunda yanu, alimwi tamweelede kubwezelela zyasyaala.+

19 “Ikuti naa watebula mumuunda wako, eelyo waluba cilwi cimwi, toyelede kupiluka kuti ukacibweze pe. Weelede kucisiila mweenzu, mucaala amukamufwu;+ kutegwa Jehova Leza wako akakulongezye mumilimo yako yoonse.+

2 Mpoonya Rute muna Moabu wakaambila Naomi kuti: “Kondileka nduunke kumyuunda ndikavwulule+ mumakunka aabbaale, ndikatobele kufwumbwa ooyo uuyoondifwida luzyalo.” Aboobo Naomi wakati kulinguwe: “Koya mwanaangu.” 3 Kumane wakaunka akunjila mumuunda akutalika kuvwulula katobela basikutebula. Mucoolwe wakanjila mumuunda wa Boazi,+ ooyo iwakali wamukwasyi wa Elimeleki.+