28 Bana Israyeli boonse bakalileta bbokesi lyacizuminano ca Jehova kumwi kabayaaboongolola cakukondwa+ akulizya myeembo yamisyobo-misyobo,+ miyuwa, tuntimbwa azibelesyo zimbi zyakwiimbya.+

12 ba Levi boonse baimbi+ ibakali kulubazu lwa Asafu,+ Hemani,+ Jedutuni+ abana babo alimwi abanabokwabo bakasamide zisani zibotu alimwi kabajisi miyuwa, tuntimbwa azibelesyo zimbi zyakwiimbya; bakaliimvwi kujwe lyacipaililo antoomwe abapaizi bali 120 ibakali kulizya myeembo.+

6 Bapaizi bakaliimvwi mumasena aabo, mbubonya mbuli ba Levi ibakajisi zibelesyo zyakwiimbya nyimbo kuli Jehova.+ (Mwami Davida wakapanga zibelesyo eezyi kulumbya Jehova—“nkaambo luyando lwakwe lutamani nkoluli lyoonse mane kukabe kutamani”—ciindi Davida naakali kutembaula Leza antoomwe ambabo.*) Alimwi bapaizi bakailizya kapati myeembo+ kumbele lyaba Levi, ciindi bana Israyeli boonse nobakaimvwi.

10 Lino bayaki nobakamana kuyaka ntalisyo yatempele ya Jehova,+ mpoonya bapaizi bakanyamuka kabasamide zisani zyabo zyabupaizi kabajisi amyeembo,+ eelyo ba Levi bana ba Asafu bakajisi nsakalala kuti batembaule Jehova kweelana ambwaakalailila Mwami Davida wa Israyeli.+