22 Nobakaunka ku Negebi, bakaakusika kumunzi wa Hebroni+ ooko Ahimani, Sesai a Talimai,+ aabo bakazyalwa kuli Anaki+ nkobakali kukkala. Hebroni wakayakwa myaka iili ciloba Zoani waku Egepita kautanayakwa.

33 Alimwi nkukonya ooko twakabona a Babbabbani, ibana ba Anaki,+ ibakazwa ku Babbabbani, alimwi nitwakalyeelanya ambabo twakalibona kuba mbuli nsozi, abalo mbobakatubona oobo.”

27 Mwakali kutongooka mumatente aanu akwaamba kuti, ‘Jehova wakatusulaika nkakaambo kaako ncaakatugwisyila mucisi ca Egepita kuti atwaabe mumaanza aabana Amori, kutegwa atunyonyoone. 28 Ino nkuubusena buli buti nkotuya? Banabokwesu batutyompya*+ kwiinda mukwaamba kuti, “Bantu mbotwakabona okuya mbaasinguzu alimwi mbalamfwu kwiinda ndiswe,+ minzi yabo mipati alimwi ilijisi mabaya aasika kujulu alimwi twakabona abana ba Anakimu.”’+